Njelemiya 3:25 - Livulu lya Shukulu Kalunga

²⁵ Tuli na vusiwa, co shwamwa yetu inatufwiki, omwo tunalingi vuvi kuli Shukulu Kalunga Njambi yetu, yetu na vakukulwila vetu kutwononokele mashiko endi.”

Njelemiya 3:25 Iomraidhean Croise

Myaso 106:6

Tunalingi vuvi ngwe muvalingile vakukulwila vetu, tunalingi mwamuvi, co tunaviisa.

Myaso 106:7

Omo vakukulwila vetu vakele mu Ingito, kuvazivukile vilinga vyakukomokesa vya Shukulu Kalunga, vevalele vukama vwa cizemo ca Shukulu Kalunga cije kucesi kutenguluka, co vakutengulukilile yove Njambi Muka-nzili yoshe kuje ku Lishali Lyakuvenga.

Myaso 109:29

Ngecivene, vitozi vange vazale likamba lyavo ngwe vuzalo, co shwamwa lalo ivakole.

Visimo 13:18

Uje avyana kumunangula akapwa muka-kuutwa nakuziva shwamwa, oloni woshe uje atolilila kukumunangula vakamusingimika.

Visimo 5:13

Kunjononokele lijwi lya valongisi vange, nambe kuvatolilila.

Isaya 48:8

Njazivukile ngeci kumwakele cikulaeso muli yeni, simbu yoshe vamizivukile ngeci mwapwa muvaka-kutengulukila. Mukemwo kumwazivile evi, kumwazivileko nambe lijwi limo.

Isaya 50:11

Yeni voshe vaje vali na vutumbe vwakunyongesa vakweni, matumbe eni akaminyongesa yeni vavenya. Shukulu Kalunga akamona ngeci vyuma evi vilingiwa, mukayanda tuyando twakama.

Njelemiya 11:13

Vanu va mu Yunda muli na vinjambi vavangi manene kutuvakana vinganda vyeni, muli na mitula yaingi mu Yelusalema yakukombelela kuli Mbale njambi wa vunyengwe kutuvakana vitapalo vya mu Yelusalema.

Njelemiya 12:13

Vanu vange vakuvile tiliku, oloni vatejele shaku, vaundanganene manene oloni nacimo cai vawaneneo. Omwo vukalu vwange vwakama, ngeci vanonwa kuteja vimbuto vyavo.”

Njelemiya 14:20

Shukulu Kalunga, tunalingi vuvi ku mesho ove, tulitavela vuvi vwetu, na vuvi vwa vakukulwila vetu.

Njelemiya 14:7

Vanu vange vanjililila ngwavo, ‘Nameme vuvi vwetu vutuhisa, oloni Shukulu Kalunga tukwase ngwe omo watukulaesele. Tunakukengesa nima visimbu vyavingi, tunalingi vuvi ku mesho ove.

Njelemiya 2:17

Isalele, yove vavenya walikokela vuvi! Wasezele yange Kalunga Njambi yove, omo njakutwamenenene mu ngila.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 2:2

“Ya ku Yelusalema ukambulwile vanu voshe, ngwove Shukulu Kalunga nendeka ngwendi, ‘Njanuka kulongwa kwove omo wapwile u mwanike, na cizemo cove omo njakwambatele, na muje wanjikavele mu mambo, mukati ka lifuti lije kuvalimine.

Njelemiya 2:26

Shukulu Kalunga alinakwendeka ngwendi, “Ngwe mwizi mwakashauka omo vanamukwata, ngecivene, yeni voshe vanu va Isalele, vimyene veni, na vakulunu veni, na vaka-kukombelela veni, na vaka-kwimanena veni vakamishawisa,

Njelemiya 20:18

Omwo vikajo njasemukilile? Kuma kumona lika tuyando na vusiwa, ngeci kuyoya kwange kupwe lika kwa vusiwa ndi?

Njelemiya 22:21

Shukulu Kalunga wendekele neni omo mwakele mwamuvwa, oloni mwavyanene kumutolilila. Eci cikeco cifwa ceni tunde ku vwanike, kumwononokele Shukulu Kalunga.

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Njelemiya 31:19

Twakukengesele nima, oloni twatengulukile. Omo watunyanyamesele, twazivile vusiwa. Co twazivile shwamwa na lyova, omwo a vyuma vya vulema vije vitwalingile omo twapwile tu vakwenje.’

Njelemiya 6:26

Shukulu Kalunga alinakwendeka kuli vanu vendi ngwendi, “Zaleni vikeleya, co livulungeni mu livu. Lileni manene ngwe munatsisa mwana umolika, omwo vwasi-vwasi vitozi vaija nakumilwisa kujeneka kumileka.

Njelemiya 7:19

Kuma yange valinakuzivisa ku mbunge kuvavala ndi? Embwe, vali na kulizivisa shwamwa vakevo vavenya.

Njelemiya 8:14

Vanu va mu Yunda vehwile ngwavo, “Omwo vikajo twatumbamene kuluu? Tuteweleni ku vinganda vya vimpaka vyakukola tukatsileko. Shukulu Kalunga Njambi yetu natuhisa natwana mwaze tunwe ngeci tutse, omwo tunalingi vuvi ku mesho endi.

Njelemiya 9:18

Vanu vendekele ngwavo, “Valekeni vazambule, ngeci vakwimbe mwaso wa vusiwa, noo mesho etu anashulu na misozi, ngeci vin̄apeyo vyetu vijule na misozi.”

Mbimbi 5:16

Nacimo cuma cinasalao lalo cai ku vije twalyalesele navyo. Twalingile vuvi, co ololo tunanyongo.

Mbimbi 5:7

Vakukulwila vetu valingile vuvi, oloni ololo voshe vanatsi, co ololo tulinakuyanda omwo vuvi vwavo.

Ezekiyele 2:3

“Muna munu, njilinakukutuma kuli vanu va Isalele. Vananjitengulukila nakunjilwisa na simbu ino anga vene vananjitengulukila, ngwe muvalingile vakukulwila vavo.

Ezekiyele 36:32

Isalele, njishaka muzivuke ngeci kunjesi nakulinga vyuma vyoshe evi omwo yeni embwe. Njishaka muzive shwamwa nakushauka a vije mwalingile. Munjinendeka yange Kalunga wa Akamwa ya Vyoshe.”

Ezekiyele 44:13

Kuvasa kunjipangela kupwa vaka-kukombelela embwe, nambe kuya kuyehi na cuma cimo cije cakujela kuli yange, nambe kukovela mu Mwela Wakujela Manene. Oku kukekwo kunyanyamesa kwavo omwo vyuma vya vunyengwe vije vivanalingi.

Ezekiyele 7:18

Vakazala vikeleya, co mivila yoshe ikajaja. Mitwe yavo ikapwa yakuteula, co voshe vakaziva shwamwa.

Ndanyele 12:2

Co vungi vwa vaje vatsile laja vakakala lalo na mwonyo. Vamo akati kavo vakakala na mwonyo ku myaka yoshe, co vakwavo vakakala na shwamwa yakama ku myaka yoshe.

Hoziya 9:10

Shukulu Kalunga alinakwendeka ngwendi, “Omo njawanene Isalele akulivanga, capwile ngwe munu nawana mikolovozi ya vushuka vwa vinyu vumena mu mambo. Omo njamwene vakukulwila veni akulivanga, capwile ngwe kumona vushuka vwa mukuyu vwakulivanga kuhya akushangumuka kwa mwaka. Oloni omo vezile ku Munkinda wa Peole, co vashangumukile kulemesa Mbale, co vapwile va vunyengwe manene ngwe lalo vaje tumponya vavazemene.

Zefaniya 1:17

Shukulu Kalunga alinakwendeka ngwendi, “Njikanena tuyando twakama ngeci vanu voshe vakapuputiya ngwe tupuputwa. Vanalingi vuvi ku mesho ange, co ololo maninga avo vakawetila ngwe muvaketila mema, co mivila yavo ikalala asi nakuvolelao.”

Loma 6:21

Oloni vikajo mwawaneneo akulinga vyuma vije ololo mulinakuvizivila shwamwa? Fweto ya vyuma vije inapu kutsa!

Maako 2:2

Co kesi mukalikumiiye cikumiiyo na vanu vaje valinakuyoyela mu lifuti lino. Mukasiwula mitula yavo.’ Oloni yeni kumwalingile vije vinjamilekele. Munalingi mweka.