Njelemiya 3:22 - Livulu lya Shukulu Kalunga

²² Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Njelemiya 3:22 Iomraidhean Croise

Myaso ya Solomoni 1:4

Njiye amo nove, tushatuke lumbisi, pwa mwene yange, co njikovelese mu milili yove. Tuvwaelela nakujolela muli yove, tukashangazala cizemo cove kutuvakana vinyu. Kucikomokesa omwo vambanda voshe vakuzema.

Isaya 1:2

Shukulu Kalunga wendekele ngwendi, “Lilu na asi, tolilileni ku vije njendeka! Vana vaje njalelele vananjitengulukila.

Isaya 27:8

Shukulu Kalunga wahisile vanu vendi akuvatuma ku vunzinda. Wavashekele na lihunzi lyakushaluka lya mu ngangela.

Isaya 31:6

Njambi nendeka ngwendi, “Vanu va Isalele, munalingi vuvi, co munanjikengesa nima. Oloni ololo, ilukeni kuli yange!

Isaya 57:17

Njaluvalele navo omwo vuvi vwavo na muuka wavo, ngeci njavahisile nakuvaseza, omwo vakaluwisile vimbunge vyavo nakuya mu vingila vyavo.

Njelemiya 3:12

Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Njelemiya 30:17

Mukapwa vakangule, njikakangwisa vimbandu vyeni, nameme vitozi veni vendeka ngwavo, ‘Siyone vanayumbila, naumo wai aishaka.’ Yange Kalunga, njinendekamo.”

Njelemiya 31:18

“Njazivi vanu vaIsalele valinyenga ngwavo ‘Shukulu Kalunga, twafwile ngwe tusitu vakujeneka kwononwesa, oloni watulongesele kwononoka. Twilwise, co tukeluka kuli yove, Shukulu Kalunga Njambi yetu.

Njelemiya 33:6

Oloni njikakangwisa nganda eyi na vanu vamwo nakuvana ciindu. Njikavamwesa kwoloka kwakushemutuka na vuvwa.

Njelemiya 4:1

Shukulu Kalunga alinakwendeka ngwendi, “Vanu va Isalele, nga mushaka kutenguluka, tengulukileni kuli yange. Nga munjikulaela nakutundisa tumponya tuje tunjazinda,

Ezekiyele 18:30

Shukulu Kalunga wa Akamwa ya Vyoshe alinakwendeka ngwendi, “Ngecivene, yange Kalunga wa Akamwa ya Vyoshe, njilinakumileka yeni vaIsalele ngwange, njikasompa munu na munu a vije vyanalingi. Tengulukeni mutunde ku vuvi vweni vwoshe vuje vumulinakulinga, kesi mutave vuvi vuminyongese.

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Hoziya 13:4

Shukulu Kalunga alinakwendeka ngwendi, “Yange Kalunga Njambi yeni, uje wamitundisile mu Ingito. Kesi mukakale lalo na Njambi weka kuvanga ange lika. Yange lika njapwa muyoyesi weni.

Hoziya 14:1

Yeni vanu va mu Isalele, ilukeni kuli Shukulu Kalunga Njambi yeni. Vuvi vweni vunamitanukisa nakumiwisa.

Hoziya 14:4

Shukulu Kalunga alinakwendeka ngwendi, “Njikelwisa lalo vanu vange kuli yange vavenya. Njikavazema na mbunge yange yoshe, vukalu vwange ali vakevo vunahu.

Hoziya 14:5

Njikakala amo na vanu va mu Isalele ngwe nyonzi mu lifuti lyakuma. Vakashamuna ngwe vishani, co vakakola mbe ngwe mizi ya miti ya ku Lembanone.

Hoziya 14:8

Vanu va mu Isalele kuvakalemesa lalo tumponya embwe. Njikakumbulula malombelo avo nakuvanyunga mwamuvwa. Njikavana munzinze, ngwe muti uje kuwesi kutotomoka maputa awo, yange njapwa nji nsina ya vivezikiso vyavo vyoshe.”

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Njwele 2:12

Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”