Njelemiya 3:21 - Livulu lya Shukulu Kalunga

²¹ Vanazivi muyoyo akamwa ya malundu, vanu va Isalele valinakulila nakulambelela, omwo vanakele nakuyoya mu vuvi co vanevala Shukulu Kalunga Njambi yavo.

Njelemiya 3:21 Iomraidhean Croise

Yombi 33:27

Co ikeye akendeka mu mbunga ya vanu ngwendi, ‘Njalingi vuvi. Kunjalingile mwamuvwa embwe, oloni Njambi nanjamena.

Visimo 10:9

Uje enda mu vushunga ikeye enda mu kwoloka, oloni uje enda mwa kupenga-penga vakamukwata.

Visimo 19:3

Vanu vamo vakaliviisa vakevo vavenya na vilinga vyavo vya vulema, co kutundao valuvalela Shukulu Kalunga.

Isaya 15:2

Vanu va ku Ndimboni vanalamata a lilundu kukalilila ku tuzangu twavo. Vanu va ku Mowavi valilila vinganda vya Nembo na Mendeva, vanateula mitwe yavo na minjezi yavo mukumwesa kuviilila kwavo.

Isaya 17:10

Isalele, munevala Njambi uje wamipatwile nakuminyunga, ikeye limanya lya nzili. Oloni mukuna mahya akujela ngeci mulemese njambi weka.

Isaya 57:11

Shukulu Kalunga alinakwendeka ngwendi, “Vinjambi mukajo ava valinakumizivisa lyova, ngeci mulinakwendeka makuli nakunjivala ivya? Munalikela kunjisingimika omwo njinoloka simbu yakama ndi?

Njelemiya 12:12

Ku mitambela yoshe ya lifuti lya malundu amalaja mu mambo, vanu vanaija nakupukula, njinatumu nzita inyongese lifuti lyoshe, co naumo wai akakala mu kwoloka.

Njelemiya 13:25

Shukulu Kalunga nendeka ngwendi ou ukewo mutambela wove unjinakwana, omwo unanjivala, co unakulaela vinjambi va makuli.

Njelemiya 18:15

Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Njelemiya 2:32

Kuma shombolwa asa kwivala vyakuzala vyendi vya senga, nambe cikoveyo cendi ca vushombolwa ndi? Oloni vanu vange vananjivala matangwa amangi manene.

Njelemiya 3:2

Kenga akamwa ya malundu. Kuma kuli mutambela umo kuje kuwajenekele kulingilako vupangala ndi? Yove wakele nakuvandamena vikwizi kumukulo wa tapalo, ngwe kaAlambe avandamena vanu mu mambo. Yove unajwalesa lifuti na vukwizi vwove.

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Njelemiya 7:29

“Yeni vanu va mu Yelusalema, lileni, teuleni vin̄ambu vyeni muvyumbile kuti. Imbeni myaso ya vusiwa akamwa ya malundu, omwo yange Kalunga njinaluvala, co njinamivyana.

Ezekiyele 23:35

Ngecivene, evi vikevyo vyalinakwendeka Shukulu Kalunga wa Akamwa ya Vyoshe ngwendi, “Omwo unanjivala nakunjikengesa nima, ngecivene, njikakuhisa a mashungu ove na a vukwizi vwove.”

Ezekiyele 7:16

Vamo vakatewela ku minkinda ngwe tutela vaje vanatewa mu vyana. Voshe vakaziva vusiwa omwo vuvi vwavo.

Hoziya 13:6

Oloni omo mwakovelele mu lifuti lyalivwa, mwalile nakukuta, co mwalyalesele nakunjivala.

Hoziya 8:14

“Vanu va mu Isalele vanatungu mapela, oloni vanevala Muka-kuvatanga. Co vanu va mu Yunda vanatungu vinganda vya vimpaka. Oloni njikatuma tuhya mukwenyeka mapela avo na vinganda vyavo.”

Mika 3:9

Njitolilileni, yeni vaka-kushwana va Isalele, yeni vaje vazinda vushunga nakutengulukila ku vuvi.

Kulava 22:32

Co kangelo ka Shukulu Kalunga wamwihwile ngwendi, “Omo vikajo wapupanga ngacije cimulu cove visimbu vitatu? Kenga njinaija nakukulwisa omwo ngila yove yaivi ku mesho ange, yove kuwapandele kwija vungenzi ovu.

2 Kolinte 7:10

Omwo vusiwa vwa cizango ca Njambi navupangesa mukumitwala kukutenguluka kwa vimbunge vyeni nakumitwamenena kukwovoka, co eci naumo wai asa kucivyana! Oloni vusiwa vwa ku cisemwa ca vunu vutwala ku kutsa.