Njelemiya 3:18 - Livulu lya Shukulu Kalunga

¹⁸ Isalele akalipandakana na Yunda, co voshe vakatunda mu vunzinda mu lifuti lya ku kunto, co vakeluka ku lifuti lije linjanene vakukulwila veni kupwa vufuko vwa ku myaka yoshe.”

Njelemiya 3:18 Iomraidhean Croise

Kushangumuka 12:7

Shukulu Kalunga washolokele kuli Avilama, co wendekele kuli ikeye ngwendi, “Eli likelyo lifuti njikana kuli vatekulwila vove.” Co kuje vene Avilama watungile mutula wa Shukulu Kalunga, uje washolokele kuli ikeye.

Isaya 43:5

Kesi muzive lyova, njili amo neni! “Njikatundisa vanu vove vaje vali mu ngangela na mu kangombe ka yambi, nakuvelwisila kwimbo lyavo.

Isaya 43:6

Njikaleka kunto na mbwela, kwecela vanu vange ngeci veluke kutunda ku mafuti a kulyala na ku mitambela yoshe ya mu kaye.

Njelemiya 16:15

Oloni vakalisinga nakwendeka ngwavo njapwa Njambi wakuyoya, uje watundisile vanu va Isalele ku lifuti lya ku kunto na ku mafuti oshe aje njavashandwelele, co njikavelwisila mu lifuti lyavo, lifuti lije linjanene kuli vakukulwila vavo. Yange Kalunga, njinendekamo.”

Njelemiya 23:8

Oloni vakalisinga a lizina lyange kupwa Njambi wakuyoya uje watundisile vanu va Isalele ku lifuti lya ku kunto na ku mafuti oshe eka lalo kuje kunjavashandwelelele. Asinoni vakakala mu lifuti lyavo.”

Njelemiya 3:12

Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Njelemiya 30:3

omwo simbu ilinakwija omo njikelwisa vanu vange, Isalele na Yunda. Njikavelwisila ku lifuti lije njaanene vakukulwila vavo, co likapwa lyavo lalo. Yange Kalunga, njinendekamo.”

Njelemiya 31:8

Njikavatundisa ku lifuti lya ku kunto, nakuvakungulula kutunda ku mitambela ya ku shongo na shongo ya kaye. Tupuputwa na vilema vakaija amo navo, na tufumbakazi, na vaje vali kuyehi nakukita. Vakeluka ngeci vapwe muyati wakama.

Njelemiya 50:20

Omo simbu ije ikaija, vuvi navumo vwai vukakala mu Isalele, co kupenga-penga nakumo kwai kukakala mu Yunda, omwo njikasambesa vanu vaje vanjasezeo. Yange Kalunga, njinendekamo.”

Njelemiya 50:4

Shukulu Kalunga alinakwendeka ngwendi, “Omo simbu iketa vanu va mu Isalele na vanu va mu Yunda voshe vakaija nakulila, nakunjilemesa yange Njambi yavo.

Njelemiya 50:5

Vakehula ngila yakuya ku Siyone, co vakaya ku mutambela uje vene. Vakalikumiiya nange cikumiiyo ca ku myaka yoshe, co kucikapokoka.

Njelemiya 7:7

Nga mutenguluka, co njikamitavesa kukala muno mu lifuti lije linjanene kuli vakukulwila veni kupwa vufuko vwavo vwa ku myaka yoshe.

Ezekiyele 11:17

“Ngecivene, valeke evi yange Kalunga wa Akamwa ya Vyoshe, njendeka. Njikavakungulula kuvatundisa ku mafuti aje njavashandwelele, co njikavana lifuti lya Isalele.

Hoziya 1:11

Vanu va mu Yunda na vanu va mu Isalele vakalipandakana. Co vakaangula ntwama yavo umolika, co lalo vakatuma manene nakuvezika mu lifuti lyavo. Eyo, litangwa lya Njezelele likapwa lyakama manene!

Hoziya 11:12

Shukulu Kalunga alinakwendeka ngwendi, “Vanu va mu Isalele vananjizengeleka na makuli nakukwisa, co vanu va mu Yunda valinakunjitengulukila yange Njambi wa kulongwa nakujela.

Hoziya 2:2

Vana vange, lambeleleni vanyoko, nameme vene ikeye kapwile munakazi wange, co lalo yange kesi nji munalume wendi. Mulambeleleni ngeci alikele vupangala vwendi na vukwizi vwendi.

Amose 9:15

Njikaka vanu vange mu lifuti lije linjavanene, co naumo wai akavatundisamo lalo.” Shukulu Kalunga Njambi yeni ikeye nendekamo.

Zakaliya 10:6

“Vanu va mu Yunda njikavapwisa vaka-nzili, njikapatula vanu va mu Isalele. Njikavazivila ngozi, co voshe njikavelwisa kwimbo. Vakapwa ngwe vaje kunjavyanene. Yange njapwa Kalunga Njambi yavo, njikakumbulula malombelo avo.

Zakaliya 2:6

Shukulu Kalunga wendekele kuli vanu vendi ngwendi, “Njamishandwelele mu mitambela yoshe.