Njelemiya 3:14 - Livulu lya Shukulu Kalunga

¹⁴ “Ilukeni kuli yange, yeni vanu vakujeneka kulongwa. Mu nganda na nganda njikambatamo munu umo-umo, co ku cikota na cikota njikambata vavali-vavali, co njikamiilwisa ku Munkinda wa Siyone.

Njelemiya 3:14 Iomraidhean Croise

2 Mizimbu 30:6

Co miluwa vaile mu Yunda mwoshe na mu Isalele mwoshe na mikanda yakutunda kuli mwene na vamyata vendi, co vendekele ngwe mwavashikile mwene ngwavo, “Eni vanu va Isalele, munovoka kuli vaAsilya vaje vafungulwile lifuti. Co ololo ilukeni kuli Shukulu Kalunga, Njambi ya Avilahama na Isake na Yakomba, co nendi lalo akeluka kuli yeni.

Isaya 1:9

Nga Shukulu Kalunga Muka-nzili yoshe kasezeleo vanu vamo, nga Yelusalema yoshe yanyongele, ngwe muvyanyongele vinganda vya Sondoma na Ngomola.

Isaya 10:22

Nameme ngoco ololo vanu va Isalele vanatumu manene ngwe lishen̄avu lya ku cikuma ca mema a kalunga, oloni vavandondo lika vakeluka. Kunyonga vanacitulikila vanu, co mwamuvwa vene cavapande.

Isaya 17:6

Kuvanga vanu vavandondo lika vakasalao, co Isalele ikapwa ngwe muti wa olive uje uvanavuyu vushuka vwoshe kuvanga vuvali nambe vutatu lika vwa ku shongo-shongo vunasalako, nambe vwavundondo lika vunasala kwisi ya minango. Yange Kalunga Njambi ya Isalele, njinendekamo.”

Isaya 27:12

A litangwa lije, kutunda ku Ndonga ya Yufuleti nakweta ku nginga ya Ingito, Shukulu Kalunga akakungulula vanu vendi umo na umo, ngwe munu aangununa tiliku ku lijungu.

Isaya 31:6

Njambi nendeka ngwendi, “Vanu va Isalele, munalingi vuvi, co munanjikengesa nima. Oloni ololo, ilukeni kuli yange!

Isaya 44:22

Njinazimangana vuvi vwove ngwe lishelwa lya kuhima. Iluka kuli yange, yange njinakwovola.”

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Isaya 57:17

Njaluvalele navo omwo vuvi vwavo na muuka wavo, ngeci njavahisile nakuvaseza, omwo vakaluwisile vimbunge vyavo nakuya mu vingila vyavo.

Isaya 6:13

Nameme nga munu umo asalao akati ka vanu likumi mu lifuti, na ikeye lalo vakamunyongesa, akapwa ngwe cimbundi ca muti wa oke uje vanashinji.” (Cije cimbundi cinemanena vushangumukilo vwavuha vwa vanu va Njambi.)

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 2:2

“Ya ku Yelusalema ukambulwile vanu voshe, ngwove Shukulu Kalunga nendeka ngwendi, ‘Njanuka kulongwa kwove omo wapwile u mwanike, na cizemo cove omo njakwambatele, na muje wanjikavele mu mambo, mukati ka lifuti lije kuvalimine.

Njelemiya 23:3

Njikatundisa vanu vange vaje vanasalao ku mafuti kuje kunjavashandwelelele, co njikavelwisa mu lifuti lyavo. Vakakala na vana vavangi, co vakatuma manene.

Njelemiya 29:14

Eyo, njendeka ngwange, mukanjiwana, co njikamiilwisila mu lifuti lyeni lalo. Njikamikungulula kutunda mu mafuti oshe, nakutunda mu mitambela yoshe muje munjamishandwelele, co njikamiilwisa nakuminena mu lifuti muje mumwatundile, omo njamitwalele mu vunzinda. Yange Kalunga, njinendekamo.’

Njelemiya 3:1

Shukulu Kalunga alinakwendeka ngwendi, “Nga munalume akondola munakazi wendi, co uje munakazi ashomboka kweka, munalume wendi kasa kumwilwisa lalo kuli ikeye. Eci cikajwalesa lifuti lyoshe. Oloni Isalele unakala na mapangala vavangi manene, co ololo ushaka kwiluka lalo kuli yange!

Njelemiya 3:12

Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Njelemiya 3:8

Yunda lalo wamwene ngeci yange njashekele Isalele omwo watundile kuli yange nakupwa cikwizi. Oloni Yunda, ndokazi ya Isalele wakujeneka kulongwa, kakele na lyova. Nendi lalo wapwile cikwizi,

Njelemiya 31:12

Vakaija nakwimba mwaso wakujolela a Munkinda wa Siyone, co vakavwaelela na vwana vwange, vwana vwa vimbuto na vinyu, na mazi a olive, vwana vwa vimanga na vingombe. Vakafwa ngwe lihya lyakutukumwina mema mwamuvwa, vakakala na vyuma vyoshe vije vivashaka.

Njelemiya 31:32

Cikeco kucikapu ngwe cikumiiyo cije calaja cinjalikumiiye na vakukulwila vavo, omo njavambatele na livoko lyange kuvatundisa mu Ingito. Nameme njapwile nji munalume wavo, oloni kuvanyungile cikumiiyo cije.

Njelemiya 31:6

Eyo, simbu ilinakwija omo vaka-kunyunga vakatambeka a malundu a Efalime ngwavo, ‘Tuyeni ku Siyone, kuli Shukulu Kalunga Njambi yetu.’ ”

Hoziya 5:15

“Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Zakaliya 1:4

Kesi mufwe ngwe vakukulwila veni. Ku san̄ulu vaka-kwimanena vavalekele majwi ange, nakuvanangula ngeci kesi vayoye mu vuvi, na mu vingila vyavivi. Oloni kuvanjitolililile nambe kunjononoka.

Loma 9:27

Co Isaya atambeka ali vaIsalele ngwendi, “Nameme vanu va Isalele vanatumu ngwe lishen̄avu lya ku kenge ya mema a kalunga, oloni vavandondo lika vakovoka,