Njelemiya 3:12 - Livulu lya Shukulu Kalunga

¹² Shukulu Kalunga wanjilekele ngeci njikendeke kuli Isalele ngwange Shukulu Kalunga nendeka ngwendi, “Isalele wakujeneka kulongwa iluka kuli yange. Yange muka-mema ku mbunge, co kunjikakuluvalela ku myaka yoshe.

Njelemiya 3:12 Iomraidhean Croise

Kushangumuka 4:7

Nga walingile mwamuvwa ngwe njinatambula mulambu wove, oloni omwo walingi vuvi, vuvi vwakuvandamena ku cikolo ngwe ndumba. Vushaka kukunyongesa, oloni unapande kuvuhyana.”

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

2 Vimyene 17:23

noo akukotoka Shukulu Kalunga kashakele kuvamona, ngwe mwavanangwile ali vangamba vendi vaka-kwimanena ngwendi akalingamo. Ngecivene, vanu va Isalele vavatwalele ku vunzinda ku Asilya, kukekwo kuvali na lelo lino.

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

2 Vimyene 18:1

Mu mwaka wamucitatu omo Hosheya muna Elahe wapwile mwene wa mu Isalele, co Hezekiya muna Ahaze wapwile mwene wa mu Yunda

2 Mizimbu 29:10

“Co ololo njinayongola kulinga cikumiiyo na Shukulu Kalunga, Njambi ya Isalele, ngeci kesi atuluvalele lalo.

2 Mizimbu 30:9

Nga mwiluka kuli Shukulu Kalunga, co vaje vatwalele vavushoko vweni ku vunzinda vakavazivila mema ku mbunge, co vakavelwisa. Shukulu Kalunga Njambi yeni wakala na ngozi na mema ku mbunge, nga mwiluka kuli ikeye, co akamitambula.”

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso 103:8

Shukulu Kalunga ikeye wa ngozi na mema ku mbunge, kesi kuluvala vwasi, washula na cizemo cije kucesi kutenguluka.

Myaso 103:9

Shukulu Kalunga kesi kuhisa simbu yoshe, ikeye lalo kesi kuluvala simbu yoshe embwe.

Myaso 145:8

Shukulu Kalunga ikeye muka-kutetela na mema ku mbunge, kesi kuluvala vwasi, oloni washula na cizemo cije kucesi kutenguluka.

Myaso 79:5

Visimbu vingaijo ukaluvala netu yove Shukulu Kalunga? Kuma ukaluvala ku myaka yoshe ndi? Kuma lifuwa lyove likashwama ngwe tuhya ndi?

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Isaya 31:6

Njambi nendeka ngwendi, “Vanu va Isalele, munalingi vuvi, co munanjikengesa nima. Oloni ololo, ilukeni kuli yange!

Isaya 44:22

Njinazimangana vuvi vwove ngwe lishelwa lya kuhima. Iluka kuli yange, yange njinakwovola.”

Njelemiya 11:6

Asinoni Shukulu Kalunga wendekele ngwendi, “Ya ku vinganda vya mu Yunda na mu vitapalo vya mu Yelusalema, utambeke majwi ange nakuleka vanu vatolilile ku mashiko a cikumiiyo nakuwononoka.

Njelemiya 12:15

Oloni omo njinavatundisamo, njikavazivila mema ku mbunge, nakuvelwisila lalo mu lifuti lyavo.

Njelemiya 23:8

Oloni vakalisinga a lizina lyange kupwa Njambi wakuyoya uje watundisile vanu va Isalele ku lifuti lya ku kunto na ku mafuti oshe eka lalo kuje kunjavashandwelelele. Asinoni vakakala mu lifuti lyavo.”

Njelemiya 3:1

Shukulu Kalunga alinakwendeka ngwendi, “Nga munalume akondola munakazi wendi, co uje munakazi ashomboka kweka, munalume wendi kasa kumwilwisa lalo kuli ikeye. Eci cikajwalesa lifuti lyoshe. Oloni Isalele unakala na mapangala vavangi manene, co ololo ushaka kwiluka lalo kuli yange!

Njelemiya 3:14

“Ilukeni kuli yange, yeni vanu vakujeneka kulongwa. Mu nganda na nganda njikambatamo munu umo-umo, co ku cikota na cikota njikambata vavali-vavali, co njikamiilwisa ku Munkinda wa Siyone.

Njelemiya 3:18

Isalele akalipandakana na Yunda, co voshe vakatunda mu vunzinda mu lifuti lya ku kunto, co vakeluka ku lifuti lije linjanene vakukulwila veni kupwa vufuko vwa ku myaka yoshe.”

Njelemiya 3:22

Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Njelemiya 3:5

Kuwasa kuluvala simbu yoshe, kuwasa kunjiluvalela ku myaka yoshe.’ Isalele, omu mukemwo muwendekele, oloni walingile vuvi ngwe muunashakela.”

Njelemiya 3:7

Njayongwele ngwange omo nalingi vyoshe evi, mwa vushunga akeluka kuli yange, oloni shendi kwiluka, co ndokazi yendi Yunda wakujeneka kulongwa wamwene vyoshe evi.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Njelemiya 31:21

Aka vimweso, twa vipalo mu ngila, co wana ngila ije iwaililile. Ilukeni, yeni vanu va Isalele, ilukeni kwimbo ku vinganda vije mwasezele.

Njelemiya 31:8

Njikavatundisa ku lifuti lya ku kunto, nakuvakungulula kutunda ku mitambela ya ku shongo na shongo ya kaye. Tupuputwa na vilema vakaija amo navo, na tufumbakazi, na vaje vali kuyehi nakukita. Vakeluka ngeci vapwe muyati wakama.

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Njelemiya 4:1

Shukulu Kalunga alinakwendeka ngwendi, “Vanu va Isalele, nga mushaka kutenguluka, tengulukileni kuli yange. Nga munjikulaela nakutundisa tumponya tuje tunjazinda,

Mbimbi 3:22

Cizemo ca Shukulu Kalunga cije kucesi kutenguluka na mema ku mbunge yendi, kuvyesi kuhwa embwe,

Ezekiyele 11:17

“Ngecivene, valeke evi yange Kalunga wa Akamwa ya Vyoshe, njendeka. Njikavakungulula kuvatundisa ku mafuti aje njavashandwelele, co njikavana lifuti lya Isalele.

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Ezekiyele 39:25

Shukulu Kalunga wa Akamwa ya Vyoshe wendekele ngwendi, “Ololo njikazivila mema ku mbunge vatekulwila va Yakomba, vanu va Isalele, co vakavezika lalo. Njikanyunga lizina lyange lyakujela.

Hoziya 6:1

Vanu vendeka ngwavo, “Ijeni twiluke kuli Shukulu Kalunga. Nameme natusanyozola vipuka-vipuka, oloni akatukangwisa lalo, nameme natutu vimbandu, oloni akatuzengao vinanga.

VaLevi 26:40

“Oloni nga vatekulwila veni vakalitavela vuvi vwavo, na vuvi vwa vakukulwila vavo, vaje vanjivyanene nakunjitengulukila,

Zakaliya 1:4

Kesi mufwe ngwe vakukulwila veni. Ku san̄ulu vaka-kwimanena vavalekele majwi ange, nakuvanangula ngeci kesi vayoye mu vuvi, na mu vingila vyavivi. Oloni kuvanjitolililile nambe kunjononoka.

Kwituluka mu Mashiko 30:2

Nga yeni na vatekulwila veni mukeluka kuli Shukulu Kalunga Njambi yeni na vimbunge vyeni vyoshe nakwononoka mashiko endi aje njilinakumyana ku litangwa lya lelo,