Njelemiya 29:7 - Livulu lya Shukulu Kalunga

⁷ Lingeni vyavivwa mu vinganda muje munjamitwalele kupwa vinzinda. Lombeleni kuli yange a vinganda evi, omwo nga evi vinganda vivezika, co neni lalo mukavezika.

Njelemiya 29:7 Iomraidhean Croise

Ezela 6:10

Evi vinapande kulingiwa ngeci vakombelele vin̄ombelo vije vyatambula Njambi wa Mwilu nakulomba vivezikiso vyendi viije ali yange na ali vana vange va vanalume.

Ezela 7:23

Munapande kwana mwamuvwa vyuma vyoshe vije vyashaka Njambi wa Mwilu ku Njuvo yendi, kutewa vukalu vwendi vukaija ali yange nambe ali vaje vakashwana kulutwe lwange.

Myaso 122:6

Lombeleni ngeci mu Yelusalema mukale kwoloka, “Vaje vaka-kukuzema vakale mu kwoloka!

Njelemiya 38:4

Asinoni vamyata vaile kuli mwene nakwendeka ngwavo, “Njelemiya vanapande kumutsiya, omwo akwendeka kwendi ngeci alinakujujwisa mashwalale va mu nganda, co alinakulinga cuma cimolika kuli munu na munu uje nasala mu nganda. Njelemiya kesi nakukwasa vanu, oloni ashaka lika kuvavavalesa ku vimbunge.”

Ezekiyele 11:16

“Ngecivene, leka vakweni vinzinda vije vinjendeka. Yange njavatumine kukakala akati ka miyati ya kulyala, nakuvashandwela akati ka mafuti eka. Nameme ngoco, a simbu ino vene, njikakala amo navo ku mafuti kuje kuvanai.

Ndanyele 4:19

Ngecivene, Ndanyele, uje vatumbwile lalo Mbeletesezale walikomokelele ngeci kasele kwendeka cuma cimo. Co mwene wendekele kuli ikeye ngwendi, “Mbeletesezale, kesi utave njozi eyi ikukomokese embwe.” Co Mbeletesezale wakumbulwile ngwendi, “Yove shukulu, nga citava njozi eyi na muje muyinalumbunukila inapande kukundama kuli vitozi vove kesi kuli yove.

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

Loma 13:1

Munu woshe napande kwononoka kuli vaka-kushwana, omwo naumo wai ashika kuvanga Njambi namwangula, co vaka-kushwana vaje valiko Njambi ikeye navemika.

Loma 13:5

Ngecivene, a cuma eci munapande kwononoka kuli vaka-kushwana, kesi ngwe omwo akunyanyamesa kwa Njambi lika embwe, oloni omwo lalo a citaku-taku.