Njelemiya 29:26 - Livulu lya Shukulu Kalunga

²⁶ “Shukulu Kalunga wakupwisile muka-kukombelela kukwingisa mu mwela wa Yehoyanda, co ololo unapu u mwata wakama mu Njuvo ya Shukulu Kalunga. Cinapu cipangi cove kumona ngeci munu woshe wakuzaluka, uje alikwisa kupwa muka-kwimanena, unapande kumukuta malyenge nakumuzengeleka cikuvo ku mukoshi wendi.

Njelemiya 29:26 Iomraidhean Croise

2 Vimyene 11:15

Yehoyanda kashakele ngeci Ataliya vamutsiile ku mwela wa Njuvo ya Shukulu Kalunga embwe, ngecivene, washikile vamyata va mashwalale ngwendi, “Mutwaleni anja oku mumwitisa mukati ka mikana ya vaka-kunyunga, co woshe amwamena mutsiyeni.”

2 Vimyene 11:18

Asinoni vanu vaile ku njuvo ya Mbale nakuyisiwula, vashandwele mitula, na tumponya, co vatsiilile Matane, muka-kukombelela wa Mbale, kulutwe lwa mitula. Co Yehoyanda waakele vaka-kunyunga ku Njuvo ya Shukulu Kalunga,

2 Vimyene 9:11

Yehu welukilile kuli vakwavo vamyata, co vamwihwile ngwavo, “Vyuma vyoshe vinavwaa ndi? Uje cizaluke ashaka vikajo kuli yove?” Yehu wavakumbulwile ngwendi, “Mwazivuka cifwa cendi.”

2 Mizimbu 16:10

Co Asa waluvalele manene na muka-kwimanena, co wamushokele mu kamenga. Eyi ikeyo simbu ije Asa wayandesele vanu vamo na muuka.

2 Mizimbu 18:26

Valekeni vamwake mu kamenga, co vamwane lika likende na mema noo njiiluka mwamuvwa.”

Njelemiya 29:27

Omwo vikajo kuwalingile evi kuli Njelemiya wa ku Anatote, uje wakele nakwendeka kupwa muka-kwimanena kuli vanu?

Njelemiya 38:28

Co vanjinyungilile mu cipango ca vaka-kunyunga lipela, noo litangwa lije vafungulwile Yelusalema.

Njelemiya 38:6

Ngecivene, vanjitwalele, vanjikutile mikole nakunjisosela mu lisima lya muna mwene Malekiya, lije lyakele mu cipango ca vaka-kunyunga lipela. Muje mu lisima kumwakele mema, kuvanga lindova lika, co njambombomanene mu lindova.

Hoziya 9:7

Simbu yakunyanyamesa inete, simbu ije omo vanu vakatambula vije vinavapande. Omo cuma eci cikalingiwa, Isalele vakacizivuka! Mulinakwendeka ngweni, “Ou muka-kwimanena napu cikolokomba. Munalume ou wa Njambi nazaluka.” Yeni vanu mwanjizinda manene omwo vuvi vweni vunapu vwavungi manene.

Zakaliya 13:1

Shukulu Kalunga Muka-nzili yoshe alinakwendeka ngwendi, “A litangwa lije, lisima lya kavwelu-vwelu likashokoloka mukujelesa vatekulwila va Ndaviti na vanu va mu Yelusalema ku vuvi vwavo na ku tumponya.

Mateo 21:23

Co omo Yesu wakovelele mu Njuvo ya Shukulu Kalunga, co omo wavalongesele, vakulunu va vaka-kukombelela na vakulunu vezile kuli ikeye, vamwihwile ngwavo, “Na moko yeyajo ulinakulinga nayo vyuma evi? Iyajo nakwana moko eyi?”

Mako 3:21

Co omo naanga yendi vazivile a vyuma evi, vaile nakumusetela, omwo vanu vakele nakwendeka ngwavo, “Nazaluka!”

Yowano 10:20

Vamo vavo vavangi vendekele ngwavo, “Ali na munzinzime wakujwala! Co nazaluka! Omwo vikajo mulinakumutolilila?”

Yowano 10:33

VaYunda vamukumbulwile ngwavo, “Kutukwashela mamanya a vipangi vyavivwa, oloni omo unashaula Njambi! Yove u munu, oloni ulinakulipwisa u Njambi!”

Yowano 8:53

Tatetu Avilahama watsa, kuma wasa kulipwisa wakama kutuvakana Avilahama ndi? Co vaka-kwimanena lalo vatsa. Yove unayongola ngwove yove iya?”

Vilinga vya Miluwa 16:24

Omo uje muka-kunyunga kamenga watambwile lishiko eli, co wavaakele mukati-kati ka mulili wa kamenga nakwaka mendi avo mu tukunju.

Vilinga vya Miluwa 26:11

Co visimbu vyavingi njavanyanyamesele mu masinangonge nakweseka kuvasindiya ngeci vavyane kukulaela kwavo. Co njaluvalele manene navo ngeci njaile ku vinganda vyeka nakuvayandesa.

Vilinga vya Miluwa 26:24

Co omo Paulu wakele nakulyamena mu ngila eyi, Fesitase watambekele kuli ikeye ngwendi, “Ove Paulu unazaluka! Kulilongesa kwove kwakama kulinakukuzalwisa!”

Vilinga vya Miluwa 26:25

Oloni Paulu wakumbulwile ngwendi, “Kunjazalukile, Yove Mwene Fesitase! Njilinakwendeka majwi amavwa a vushunga.

Vilinga vya Miluwa 4:1

Co Petulu na Yowano omo vakele nakwendeka na vanu omo vaka-kukombelela vamo, na mukulunu wa vaka-kunyunga Njuvo ya Shukulu Kalunga, na vaSanduki vamo vezile.

Vilinga vya Miluwa 5:18

Vakwatele miluwa nakuvaka mu kamenga ka mbunga.

Vilinga vya Miluwa 5:24

Omo vakulunu va vaka-kukombelela na mukulunu wa vaka-kunyunga Njuvo ya Shukulu Kalunga vazivile vyuma evi, valikomokelele manene ngwavo cuma muka cinalingiwa kuli miluwa.

2 Kolinte 11:33

Oloni vanjakele mu lishenge nakunjisosela asi mu mbengwa ya civumbe, co njaputumukile kutunda kuli ikeye.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.