Njelemiya 29:22 - Livulu lya Shukulu Kalunga

²² Omo vanu vaje vavatwalele mu vunzinda kutunda ku Yelusalema nakuya ku Mbambilone nga vashaka kusinga munu, co vakendeka ngwavo, ‘Shukulu Kalunga amilinge ngwe mwalingile kuli Zendekiya na Ahave, vaje mwene wa Mbambilone wavenyekele oku vayoya!’

Njelemiya 29:22 Iomraidhean Croise

Kushangumuka 48:20

Yakomba wavavezikisile a litangwa lije, co wendekele ngwendi, “Ali yeni, vaIsalele vakakwisula mazina eni vakendeka ngwavo ‘Njambi amipwise ngwe Efalime na Manase.’ ” Mu ngila eyi Yakomba waakele Efalime kulutwe lwa Manase.

Myaso 102:8

Vitozi vange vanjishaula litangwa lyoshe, voshe vaje valinakunjiyengula valinakukun̄ula lizina lyange.

Isaya 65:15

Vanu vange vakwangula vakapangesa lizina lyove ngwe cisingo. Yange Kalunga wa Akamwa ya Vyoshe, njikamitsiya. Oloni njikana lizina lyaliha kuli vaje vanjononoka.

Ndanyele 3:21

Ngecivene, vavakutile, oku vanazala vuzalo vwavo vwoshe, vikoveyo, na vikoveyo vyavilaja mavoko, na tukofwi, co vavombilile mu litende lya tuhya.

Ndanyele 3:6

Co munu woshe uje kakakulama nakulemesa kamponya, mwa vushunga aje vene vakamumbila mu litende lya tuhya.”

1 Kolinte 16:22

Woshe kazeme Mwene, cisingo cikale ali ikeye! Ija, Mwene yetu!

Lute 4:11

Asinoni vaje vantwama na veka vakele kuje vamukumbulwile ngwavo, “Eyo, yetu tunapu vakaleo. Shukulu Kalunga apwise munakazi wove ngwe Lakele na Leya, vaje vapwile vakukulwila va cikota ca Isalele. Upwe muka-kufuka mu cikota ca Efaleta nakutsimana mu Mbetelehema.