Njelemiya 29:12 - Livulu lya Shukulu Kalunga

¹² Asinoni mukatambeka kuli yange. Co mukaija nakulomba kuli yange, njikamikumbulula.

Njelemiya 29:12 Iomraidhean Croise

2 Mizimbu 33:13

Co Njambi watavele lilombelo lya Manase, wamutavele eluke lalo ku Yelusalema nakushwana. Co aje vene Manase wazivukile ngeci kuma Shukulu Kalunga ikeye Njambi.

2 Mizimbu 6:38

Nga mu lifuti muje vatenguluka mwa vushunga na kulongwa, co valombela kuli yove oku vanakenge ku lifuti lino waanene kuli vakukulwila vetu, na nganda ino unaangula, na Njuvo eyi njakutungila,

Yombi 22:27

Omo ulombela, co ikeye akakukumbulula, co ukanyunga cisingo ciwalisingile.

Myaso 10:17

Yove Shukulu Kalunga, ukatolilila ku malombelo a vaka-kulikeesa, co ukavatakamesa.

Myaso 145:19

Ikeye akutisa vizango vya vaje vamukomoka, aziva mitambi yavo, co avamena.

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Isaya 26:16

Shukulu Kalunga, omo wahisile vanu vove, mu tuyando twavo valombelele kuli yove.

Isaya 30:19

Yeni vanu va mu Yelusalema, kumukalili lalo embwe. Shukulu Kalunga akamizivila mema ku mbunge, omo mulilila kuli ikeye ngeci amikwase, co akaija kuli yeni.

Isaya 65:24

Njikakumbulula malombelo avo simbu kanda vacimanese kulombela.

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Njelemiya 50:4

Shukulu Kalunga alinakwendeka ngwendi, “Omo simbu iketa vanu va mu Isalele na vanu va mu Yunda voshe vakaija nakulila, nakunjilemesa yange Njambi yavo.

Njelemiya 51:50

Shukulu Kalunga alinakwendeka kuli vanu vendi vali mu Mbambilone ngwendi, “Munaputumuka ku kutsa! Ololo yeni! Kesi mutumbame! Nameme muli kulyala na kwimbo, anukeni yange Kalunga Njambi yeni, co anukeni Yelusalema.

Ezekiyele 36:37

Shukulu Kalunga wa Akamwa ya Vyoshe alinakwendeka ngwendi, “Yange njikatava lalo vaIsalele kulomba vukwasi kuli yange, co njikavatava lalo vaIsalele vakatume manene ngwe matanga a vimanga.

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”