Njelemiya 29:11 - Livulu lya Shukulu Kalunga

¹¹ Yange lika njazivuka matumbe njilinawo ali yeni, matumbe akuminenela vivezikiso, kesi akuminenela tuyando twakama embwe, matumbe akuyoya kulutwe vuje vunashulu na cinyangavili.

Njelemiya 29:11 Iomraidhean Croise

Yombi 23:13

“Ikeye kesi kutenguluka. Co naumo wai asa kumuyeluwisa, nambe kumuvindika vije vyashaka kulinga.

Myaso 33:11

Oloni mana a Shukulu Kalunga akala ku myaka yoshe, viyongola vya mu mbunge yendi vyakala ku myaka yoshe.

Myaso 40:5

Unatulingila vyuma vyavingi yove Shukulu Kalunga Njambi yetu, kukwesi weka lalo wakufwa ngwe yove! Yove unatulingila matumbe amangi akukomokesa, aje kunjasa kuwatumbula oshe, anapu amangi manene.

Myaso 85:9

Mwa vushunga kwamena kwendi kuli muyehi na vaje vamukomoka, ngeci vumpau vwendi vukale mu lifuti lyetu.

Isaya 27:4

Kunjikaluvala lalo na citungu ca mikolovozi ya vushuka vwa vinyu. Oloni nga mambimbo na mishwena vikamenamo, co njikacenyeka coshe njwa.

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Njelemiya 23:6

Omo akapwa mwene, vanu va mu Yunda vakakala mwamuvwa, na vanu va mu Isalele vakayoya mu kwoloka. Vakamutumbula ngwavo, ‘Shukulu Kalunga Kwamena Kwetu.’ ”

Njelemiya 24:5

“Yange Kalunga, Njambi ya Isalele, njayongola ngwange vanu vaje vavatwala ku Mbambilone vanafu ngwe vushuka vwa mikuyu vuje vwavuvwa, njikavazivila mema ku mbunge.

Njelemiya 30:10

Yeni vanu vange, kesi muzive lyova, yeni vanu va Isalele kesi mujaje embwe. Njikamyovola ku lifuti lije lya kulyala, ku lifuti lije ku muli mu vunzinda. Mukeluka kwimbo, co mukayoya mu kwoloka, mukakala mwamuvwa, naumo wai akamizivisa lyova.

Njelemiya 30:9

Oloni vakapangela yange Kalunga Njambi yavo, nakupangela lalo mutekulwila wa Ndaviti, uje njikemika kupwa mwene.

Njelemiya 33:6

Oloni njikakangwisa nganda eyi na vanu vamwo nakuvana ciindu. Njikavamwesa kwoloka kwakushemutuka na vuvwa.

Mbimbi 3:26

ngecivene, cinapu cacivwa kuli yetu kumuvandamena nakusimpa ngeci atwamene.

Ezekiyele 11:16

“Ngecivene, leka vakweni vinzinda vije vinjendeka. Yange njavatumine kukakala akati ka miyati ya kulyala, nakuvashandwela akati ka mafuti eka. Nameme ngoco, a simbu ino vene, njikakala amo navo ku mafuti kuje kuvanai.

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Mika 4:12

Oloni miyati ije, kuvazivuka viyongola vya Shukulu Kalunga. Kuvanangukile ngeci vanalikungulula amolika mukuvanyanyamesa mu cifwa cimolika muje muvakanena tiliku kukujungula.

Zakaliya 1:6

Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”