Njelemiya 28:4 - Livulu lya Shukulu Kalunga

⁴ Co lalo njikelwisa mwene wa mu Yunda, na Yehoyakine muna Yehoyakime, amolika na vanu voshe va mu Yunda, vaje vaile mu vunzinda mu Mbambilone. Eyo, njikamanesa nzili ya mwene wa Mbambilone. Yange Kalunga, njinendekamo.”

Njelemiya 28:4 Iomraidhean Croise

Kushangumuka 27:40

A mukwale wove akeo ukayoyela, co ukapwa ndungo ya ndolome yove. Oloni omo ukamutengulukila, co ukacakunuka ku mandauluwa yendi.”

2 Vimyene 24:14

Nevukaneza watwalele vanu va mu Yelusalema kuvapwisa vinzinda, na vana va vimyene voshe na vantwama voshe va mu Yunda, voshe vapwile 10,000. Co lalo watwalele vanu voshe vatongwe na vaka-kufula, wasezelemo tuutu lika mu Yunda.

Isaya 9:4

Omwo unapokola mandauluwa ya vaje vayandesele nakupakesa vanu vove, unafungulula muyati uje wayandesele nakulinga mwamuvi vanu vove ngwe muwafungulwile mashwalale va Mindyani laja.

Njelemiya 13:19

Vinganda vya mu mbwela ya Yunda vanavizengeleka ku vitozi, naumo wai asa kukovelamo nambe kutuukamo. Vanu voshe va mu Yunda vanavatwala mu vunzinda.”

Njelemiya 2:20

Shukulu Kalunga wa Akamwa ya Vyoshe alinakwendeka ngwendi, “Isalele, ku san̄ulu yove wanjisezele nakupokola vikumiiyo vyoshe vije vyakele akati kove nange, wavyanene kunjononoka nakunjilemesa. Oloni a malundu oshe amalaja, na mu minzinze ya miti yoshe yakutonola, walemesele vinjambi vakujeneka seo.

Njelemiya 22:10

Yeni vanu va mu Yunda, kesi mulile Mwene Yosiya nambe mulinyenge a kutsa kwendi. Oloni lileni manene munendi Yowahaze, valinakumutwala kulyala kakeluka lalo embwe, nambe kumona lifuti lyendi lya cisemwa.

Njelemiya 22:24

Shukulu Kalunga wendekele kuli Mwene Yehoyakine, muna Mwene Yehoyakime wa mu Yunda ngwendi, “Mwa vushunga yange njapwa Njambi wakuyoya, nameme nga wapwile kanzeya ka ku livoko lyange lya cilyo nga njakushomonako,

Njelemiya 24:1

Shukulu Kalunga wanjimwesele mitonga ivali ya vushuka vwa mikuyu ije vatumbikile kulutwe lwa Njuvo ya Shukulu Kalunga. (Eci calingiwile omo Mwene Nevukaneza wa Mbambilone natwala laja Mwene Yehoyakine wa mu Yunda muna Yehoyakime kutunda ku Yelusalema nakuya ku Mbambilone kupwa cinzinda, amolika na vantwama va mu Yunda, na vatongwe vaka-kushonga, na vatongwe vaka-kufula.)

Njelemiya 24:5

“Yange Kalunga, Njambi ya Isalele, njayongola ngwange vanu vaje vavatwala ku Mbambilone vanafu ngwe vushuka vwa mikuyu vuje vwavuvwa, njikavazivila mema ku mbunge.

Njelemiya 27:8

“Oloni nga muyati umo nambe vumwene vumo kuvalikeesa ku mashiko endi, co njikanyanyamesa uje muyati na nzita, na njala ya lyangengela, na mushongo noo njikatavesa Nevukaneza kunyongesa uje muyati.

Njelemiya 28:10

Asinoni Hananiya watundisile mandauluwa mu mukoshi wange, waitavozwele mu vimbazuvwila vyavingi,

Njelemiya 28:2

ngwendi Shukulu Kalunga Muka-nzili yoshe, Njambi ya Isalele, nendeka ngwendi, “Njinamanesa laja nzili ya mwene wa Mbambilone.

Njelemiya 29:1

Njasonekele mukanda kuli vaka-kukombelela, na kuli vaka-kwimanena, na ku vantwama va vanu, na kuli voshe veka lalo vaje vaatwalele Nevukaneza mu vunzinda kuvatundisa ku Yelusalema nakuvatwala ku Mbambilone.

Njelemiya 29:2

Njausonekele a simbu omo Mwene Yehoyakine, na vaina, na vamyata va lipela, na vantwama va mu Yunda na mu Yelusalema, na vaka-vipangi vyakushonga, na vatongwe va vipangi vanavatwala laja mu vunzinda.

Njelemiya 30:8

Shukulu Kalunga Muka-nzili yoshe alinakwendeka ngwendi, “Omo litangwa lije likaija, njikapokola mandauluwa ije ili ku mikoshi yavo, nakuvatula malyenge avo, co kuvakapu lalo vindungo va vaka-kwija.

VaLevi 26:13

Yange njapwa Kalunga Njambi yeni, njamitundisile mu Ingito ngeci kesi mupwe vindungo vavo. Co njamanesele nzili ije yamikutile, co njamyecele ngeci mwende nakundikangela.”

Nahumi 1:13

Co ololo njikamanesa nzili ya Asilya ali yeni nakuvatula malyenge aje avanamikutu.”