Njelemiya 27:9 - Livulu lya Shukulu Kalunga

⁹ Kesi mutolilile kuli vaka-kwimanena veni, nambe kuli munu umo uje endeka ngwendi asa kulumbununa vyuma vya kulutwe, nambe a vinjozi, nambe akusana minzinzime ya vatsi, nambe a manseno a vulozi. Voshe vamileka ngwavo kesi mulikeese kuli mwene wa Mbambilone.

Njelemiya 27:9 Iomraidhean Croise

Kutuuka 22:18

“Kesi mutave munakazi muka-manseno ngeci ayoye embwe.

Kutuuka 7:11

Asinoni mwene wasanene vanu vendi vaka-mana na vaka-manseno, na vimbanda va mu Ingito, valingile muje vene na manseno avo.

Visimo 19:27

Munange, nga ulikela kulilongesa, wivala vije walilongesele laja.

Isaya 8:19

Oloni vanu vakamileka kwihula majwi kuli vaka-kulukiya na kuli vaka-kwendeka na vakulu, na vaka-kuningita. Vakendeka ngwavo, “Vanu vanapandele kwihula majwi akutunda ku minzinzime nakwihula vatsi kwimanenako vaka-kuyoya.”

Njelemiya 14:14

Oloni Shukulu Kalunga wakumbulwile ngwendi, “Vaka-kwimanena valinakwendeka makuli mu lizina lyange, kunjavatumine embwe, nameme kuvana mashiko amo, nambe kwendeka lijwi limo kuli vakevo lyai. Vimona vije valinakwambulula kuvyesi nakutunda kuli yange, oloni vinapu vimona vyavo vyangoco, na manseno avo vavenya na viyongola vyavo vavenya.

Njelemiya 23:16

Shukulu Kalunga Muka-nzili yoshe wendekele kuli vanu va mu Yelusalema ngwendi, “Kesi mutolilile ku vije vendeka vaka-kwimanena, valinakumilongesa vya makuli. Vamileka vije vivalukiya vakevo vavenya, kesi vije vinjendeka yange embwe.

Njelemiya 23:25

Yange njazivuka vivanendeka vaje vaka-kwimanena vaje vambulula vya makuli mu lizina lyange, nakwendeka ngwavo njavaleke majwi mu vinjozi vyavo.

Njelemiya 23:32

Tolilileni vinjendeka yange Kalunga! Njazinda vaka-kwimanena vaje vambulula vinjozi vya makuli, co vaungumwisa vanu vange na makuli avo na kulyalesa kwavo. Yange kunjavatumine nambe kuvashika ngeci vaye, co lalo kuvesi na seo kuli vanu. Yange Kalunga, njinendekamo.”

Njelemiya 29:8

Yange Kalunga, Njambi ya Isalele njiminangula ngwange kesi mutave vamikwise kuli vaka-kwimanena vaje vali akati keni, nambe vamo veka vaje vendeka ngwavo vasa kwambulula vyuma vya kulutwe. Kesi mumbeko mbunge ku vinjozi vyavo.

Ezekiyele 21:29

“Vimona vije mulinakumona vinapu vya makuli, na vyuma vije mulinakutumbula vinapu vya makuli. Yeni munapu vaka-vuvi na vaka-kupenga-penga, co litangwa lyeni lya cihiso cakumanesela lilinakwija. Co mukwale ukatapa mikoshi yeni.

Ndanyele 4:7

Co voshe vaka-kutaa na vaka-manseno na valozi, na vaka-kulukiya vezile, co njavalekele njozi yange, oloni kuvasele kunjilumbunwinayo.

Mika 3:7

Vaje vakomikiya vya kulutwe vakashauka akwonwa kumona vivomikiiye. Voshe vakavaya omwo Njambi kakavakumbulula.

Zakaliya 10:2

Vanu vakai nakwihula ku tumponya na kuli vaka-kulukiya, oloni kukumbulula kwavo kwapwa kwangoco na makuli. Vamo vakalumbununa vinjozi, oloni vamitanganesa lika, kuzembeleka kuje vakamwesa kwapwa kwangoco. Ngecivene, vanu vakalyendanganena ngoco ngwe vimanga kuvesi na kanyungi. Vali mu vushonde omwo kuvesi na ntwama.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Vilinga vya Miluwa 8:11

Co vakele nakumutolilila omwo a simbu yakama wavakomokesele na manseno endi.

Efeso 5:6

Kesi mutave umo amikwise na majwi a makuli, omwo a vyuma evi vukalu vwa Njambi vukakala ali vaje vaka-kujeneka kumwononoka.

Kwituluka mu Mashiko 13:2

ngeci amitwamenene kukulemesa nakupangela vinjambi vaje kumwalemesele laja. Nameme nga vije vyakendeka vikapwa vya vushunga,

Kwituluka mu Mashiko 18:14

Asinoni Mosesa wendekele ngwendi, “Mu lifuti lije muli kuyehi nakulishwana, vanu vamwo vakakavangeya vaka-kutaa vingombo vya litokwela na vaka-kukulaela viyovo. Oloni Shukulu Kalunga Njambi yeni kakashaka yeni mukalinge evi.

Yoshwa 13:22

Co akati ka vanu vaje vavatsiile vaIsalele akele Mbalame muna Mbeole muka-kutaha.

Kujombolola 18:23

Naumo wai lalo akamona ceke ca ndeya muli yove, nalumo lwai lalo vakaziva lijwi lya shombolwa na vavenya vulo muli yove. Vaka-kulanda vove vapwile vaka-nzili manene mu kaye mwoshe, co wakwisile vanu voshe va mu kaye na manseno ove a makuli!

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.

Kujombolola 9:21

Nambe kutenguluka kutunda ku kutsiya nambe ku manseno avo nambe ku vupangala vwavo nambe ku vwizi vwavo.