Njelemiya 27:22 - Livulu lya Shukulu Kalunga

²² Vakavutwala ku Mbambilone, co vukakala kuje noo njikavwanuka. Asinoni njikavwilwisa nakuvwaka mu mwela uno. Yange Kalunga, njinendekamo.”

Njelemiya 27:22 Iomraidhean Croise

2 Vimyene 25:13

VaMbambilone vavatozwele vimanda vya vunengu na vwimaneno vije vyakele mu Njuvo ya Shukulu Kalunga, amolika na lizau lyakama lya vunengu, co vatwalele vunengu vwoshe ku Mbambilone.

2 Mizimbu 36:21

Ngecivene, vyoshe vyendekele Shukulu Kalunga muli Njelemiya muka-kwimanena vyalingiwile ngwendi, “Lifuti likapwa ngundu a myaka makumi atanu na avali, kwana simbu ku Litangwa Lyakuhwima, lije kuvanyungile.”

Ezela 1:11

Vyoshe vyapwile 5,400 malonga a ngolinde, na malonga a siliva, na vivala vikwavo vyambatele Sheshevazale na vinzinda vakwavo omo vatundile ku Mbambilone nakuya ku Yelusalema.

Ezela 7:19

Mukaana kuli Njambi vivala vyoshe vije vivanakwana vyakupangesa mu Njuvo ya Shukulu Kalunga mu Yelusalema.

Ezela 7:9

Omwo kukwasa kwa Njambi, vetele ku Yelusalema a litangwa lyakulivanga lya ngonde yamucitanu.

Visimo 21:30

Mana a vunu nakunyanyama nakuzivuka, kuvikwasa nga Shukulu Kalunga nakuvyana.

Njelemiya 20:5

Njikecela vitozi vavo vakapukule vufuko vwoshe vwa mu nganda eyi, nakwambata vufuko vwamwo na vivala, na vitulikilo vya vimyene va mu Yunda, co vakatwala vyuma vyoshe ku Mbambilone.

Njelemiya 27:21

“Tolilileni ku vije njendeka yange Kalunga Muka-nzili yoshe, Njambi ya Isalele, a vufuko vuje vwasalele mu Njuvo yange na mu lipela mu Yelusalema.

Njelemiya 27:7

Miyati ya vanu voshe vakamupangela, co vakapangela lalo munendi wa munalume na mutekulyendi wa munalume, noo simbu ikaija omo muyati wa vanu vendi ukawa. Asinoni muyati wa vanu vendi vakapangela miyati ya vanu va nzili na vimyene vakama.

Njelemiya 29:10

“Shukulu Kalunga alinakwendeka ngwendi, ‘Omo myaka yakukala mu Mbambilone makumi atanu na avali inahu, co njikakala na ngozi neni nakunyunga cikulaeso cange cakumiilwisila lalo kwimbo.

Njelemiya 32:5

Zendekiya vakamutwala ku Mbambilone, co akakala kuje vene noo anjikamwanukila. Nameme akalwisa vaka-Mbambilone, oloni kakasa kuhyana embwe. Yange Kalunga, njinendekamo.”

Njelemiya 34:2

Shukulu Kalunga, Njambi ya Isalele, wanjilekele kuya nakwendeka kuli Mwene Zendekiya wa mu Yunda ngwange Shukulu Kalunga nendeka ngwendi, “Yange Kalunga, njikana nganda eyi ku mavoko a mwene wa Mbambilone, co ikeye akayenyeka yoshe njwa.

Njelemiya 34:3

Kumukasa kuputumuka, oloni vakamifungulula nakumyana ku mavoko endi. Mukamumona mesho na mesho, nakwendeka nendi kanwa na kanwa, asinoni mukaya ku Mbambilone.

Njelemiya 34:5

Oloni ukatsa mu kwoloka, ngwe omo vanu venyekele insense omo vatsindile vakukulwila vove, vaje vapwile vimyene vakulivanga, mu ngila ije vene nove vakakwenyekela insense. Co vakalila nakwendeka ngwavo, ‘Tawee, mwene yetu natsi!’ Yange Kalunga, njinendekamo.”

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Ndanyele 9:2

Mu mwaka wakulivanga omo wapwile mwene, yange Ndanyele njakele nakulilongesa mavulu akujela nakuyongola a myaka makumi atanu na avali ije Yelusalema ikapwa ngundu, ngwe lijwi lya Shukulu Kalunga lyalekele Njelemiya muka-kwimanena.