Njelemiya 27:18 - Livulu lya Shukulu Kalunga

¹⁸ Nga vanapu vaka-kwimanena va vushunga, co lalo vali na lijwi lyange, vanjilombe yange Kalunga Muka-nzili yoshe, ngeci vufuko vuje vunasala mu Njuvo yange na mu lipela lya mwene wa mu Yunda na mu Yelusalema kesi vavutwale ku Mbambilone.”

Njelemiya 27:18 Iomraidhean Croise

Kushangumuka 20:17

Asinoni Avilahama walombelele kuli Njambi, co Njambi wakangwisile Ambimeleki, washokolwele shivu ya munakazi wendi, na vindungo vendi va vanakazi, co vakitile vana.

1 Vimyene 18:24

Cooni vaka-kwimanena va Mbale valombe kuli njambi yavo, co nange lalo njikalomba kuli Shukulu Kalunga, co uje njambi akakumbulula nakutuma tuhya, ikeye Njambi.” Co vanu vamutavele.

1 Vimyene 18:26

Vanonele uje ngombe vavanenele, vamutsiile vamwakele a mutula, valombelele kuli Mbale ngeci ashwameke tuhya kushangumuka mutondo noo mukati ka mutwe. Vakinine kuzengeleka mutula, co vatambekele ngwavo, “Tukumbulule, Mbale!” Oloni Mbale kavakumbulwile.

2 Mizimbu 32:20

Asinoni Mwene Hezekiya na Isaya muka-kwimanena muna Amoze valombelele kuli Njambi nakutambeka manene ngeci avakwase.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 18:20

Kuma mwamuvwa kwilwisila vuvi ku vuvwa ndi? Oloni vananjindila mbulu ngeci njiwilemo. Anuka muje munjemanene ku mesho ove nakuvemanena ngeci kesi uvanyanyamese.

Njelemiya 42:2

co vendekele kuli yange ngwavo, “Mwane tulingile vije vitukulomba. Tulombelele kuli Shukulu Kalunga Njambi yetu. Tulombelele yetu voshe tunasalao na mwonyo. Twapwile tuvavangi, oloni ololo twasalao lika tuvavandondo, ngwe muwamwena.

Njelemiya 7:16

Shukulu Kalunga wendekele ngwendi, “Njelemiya, kesi ulombelele vanu ava. Kesi uvatambekeleko nambe kuvalombelelako akuvemanenako, kesi uvaakwile omwo kunjikakutolilila.

Ezekiyele 14:14

Nameme nga vaje vanalume vatatu, Nowa na Ndanele na Yombi, vakelemo, nga vanamena lika myonyo yavo. Mukemwo mwanendeka Shukulu Kalunga wa Akamwa ya Vyoshe.

Ezekiyele 22:30

Yange njashakezekele munu umo uje asa kutunga civumbe, nakwimana mu mitambela muje munatavozoka vivumbe, nakunyunga lifuti omo vukalu vwange vushaka kulinyongesa, oloni naumo wai njawanenemo.

Malakiya 1:9

Co ololo, yeni vaka-kukombelela, lambeleleni Njambi ngeci atuzivileko mema ku mbunge. Na vin̄ombelo vyangacije vyakutunda kuli yeni vakamitambula ndi?

1 Samwele 12:19

co vendekele kuli Samwele ngwavo, “Shukulu, mwane, tulombeleleko kuli Shukulu Kalunga Njambi yove, ngeci kesi tutse. Omwo ku vuvi vwetu tunakumbasanako lalo vuvi vwakulomba mwene.”

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.

1 Samwele 7:8

vendekele kuli Samwele ngwavo, “Kesi ulikele ku tulombelela kuli Shukulu Kalunga Njambi yetu ngeci atwamene kuli vaFilisitiya.”