Njelemiya 27:12 - Livulu lya Shukulu Kalunga

¹² Njendekele cuma cimolika kuli Mwene Zendekiya wa mu Yunda ngwange, “Likeese kuli mwene wa Mbambilone. Mupangele ikeye nakupangela lalo vanu vendi, co ukayoya.

Njelemiya 27:12 Iomraidhean Croise

Visimo 1:33

Oloni woshe uje atolilila kuli yange, akakala mu kwoloka. Ikeye akakala mwamuvwa, nacimo cai cikamuzivisa lyova.”

Njelemiya 17:4

Mukaseza lifuti eli linjamyanene, co njikamyecelela ngeci mukapangele vitozi veni mu lifuti lije kumuzivuka, omwo vukalu vwange vwapwa ngwe tuhya, co vukashwama ku myaka yoshe.”

Njelemiya 21:9

Woshe uje akala mu nganda vakamutsiila mu nzita nambe akalanduka ku njala, nambe akatsa ku mushongo. Oloni woshe uje atundamo, co akaliita kuli vaMbambilone vaje valinakulwisa nganda ololo, munu wa cifwa cangacije kuvakamutsii embwe, oloni akaputumukamo na mwonyo wendi.

Njelemiya 27:8

“Oloni nga muyati umo nambe vumwene vumo kuvalikeesa ku mashiko endi, co njikanyanyamesa uje muyati na nzita, na njala ya lyangengela, na mushongo noo njikatavesa Nevukaneza kunyongesa uje muyati.

Njelemiya 28:1

Mu mwaka uje vene, ku ngonde yamucitanu, mu mwaka wamuciwana uje Zendekiya wapwile mwene, Hananiya muna Azule, muka-kwimanena wa ku nganda ya Ngimbiyone, wendekele kuli yange mu Njuvo ya Shukulu Kalunga, ku mesho a vaka-kukombelela na ku mesho a vanu, Hananiya wanjilekele

Njelemiya 28:2

ngwendi Shukulu Kalunga Muka-nzili yoshe, Njambi ya Isalele, nendeka ngwendi, “Njinamanesa laja nzili ya mwene wa Mbambilone.

Njelemiya 38:17

Asinoni njalekele Zendekiya ngwange Shukulu Kalunga Muka-nzili yoshe, Njambi ya Isalele nendeka ngwendi, “Zendekiya nga uliita kuli vamyata va mwene wa Mbambilone, kuvakakutsii, na nganda eyi kuvakayenyeka, yove na naanga yove mukayoya.

Njelemiya 42:11

Kesi muzivile lyova mwene wa Mbambilone. Yange njili amo neni, co njikamyamena ku nzili yendi.