Njelemiya 27:10 - Livulu lya Shukulu Kalunga

¹⁰ Valinakumikwisa, nakumilingisa ngeci vamitundise ku lifuti lyeni. Njikamishekela kulyala, co mukanyonga.

Njelemiya 27:10 Iomraidhean Croise

Kutuuka 22:18

“Kesi mutave munakazi muka-manseno ngeci ayoye embwe.

Njelemiya 14:14

Oloni Shukulu Kalunga wakumbulwile ngwendi, “Vaka-kwimanena valinakwendeka makuli mu lizina lyange, kunjavatumine embwe, nameme kuvana mashiko amo, nambe kwendeka lijwi limo kuli vakevo lyai. Vimona vije valinakwambulula kuvyesi nakutunda kuli yange, oloni vinapu vimona vyavo vyangoco, na manseno avo vavenya na viyongola vyavo vavenya.

Njelemiya 23:16

Shukulu Kalunga Muka-nzili yoshe wendekele kuli vanu va mu Yelusalema ngwendi, “Kesi mutolilile ku vije vendeka vaka-kwimanena, valinakumilongesa vya makuli. Vamileka vije vivalukiya vakevo vavenya, kesi vije vinjendeka yange embwe.

Njelemiya 23:25

Yange njazivuka vivanendeka vaje vaka-kwimanena vaje vambulula vya makuli mu lizina lyange, nakwendeka ngwavo njavaleke majwi mu vinjozi vyavo.

Njelemiya 27:14

Kesi utolilile kuli vaka-kwimanena vaje vakuleka ngwavo kesi uliite kuli ikeye. Valinakukukwisa.

Njelemiya 27:15

Vavenya Shukulu Kalunga nendeka ngwendi kavatumine, valinakumikwisa mu lizina lyendi. Ngecivene, akamisheka, co vakamitsiya, yeni na vaka-kwimanena vaje valinakumileka vya makuli.”

Njelemiya 27:16

Asinoni njalekele vaka-kukombelela na vanu ngwange Shukulu Kalunga nendeka ngwendi, “Kesi mutolilile kuli vaka-kwimanena vaje vendeka ngwavo vufuko vwa mu Njuvo ya Shukulu Kalunga ololo vakavwilwisa lalo kutunda ku Mbambilone. Valinakumikwisa.

Njelemiya 28:11

co wendekele ku mesho a vanu voshe ngwendi, “Shukulu Kalunga nendeka ngwendi omu mukemwo mwakatavula mandauluwa ya Mwene Nevukaneza ije yanaaka mu mikoshi ya vanu voshe, co akalinga eci mu myaka ivali lika.” Co njaile.

Njelemiya 28:16

Co Shukulu Kalunga nendeka ngwendi akakutundisa. Ukatsa omo kanda mwaka uno ucihwe, omwo unaleke vanu kutengulukila Shukulu Kalunga nakumulwisa.”

Njelemiya 32:31

Vanu va mu nganda eyi vananjiluvalesa manene kutunda ku litangwa lije vaitungile. Ngecivene, njayongola kuyinyongesa,

Njelemiya 8:19

Tolilileni! Mu lifuti mwoshe njilinakuziva kulila kwa vanu vange ngwavo, “Kuma Shukulu Kalunga waimo mu Siyone ndi? Kuma mwene wa mu Siyone waimo ndi?” Shukulu Kalunga mwene yavo nakumbulula ngwendi, “Omwo vikajo munanjiluvalesa akulemesa tumponya tweni nakutsikamena vinjambi vakujeneka seo?”

Mbimbi 2:14

Vaka-kwimanena vove navimo vyai vya vushunga vakulekele, kuvanga makuli lika, vakukwisile nakwambulula kwavo, co yove kuwalitavelele vuvi vwove. Vakevo vakulingisile kuyongola ngeci kesi utenguluke ku vuvi vwove.

Ndanyele 4:7

Co voshe vaka-kutaa na vaka-manseno na valozi, na vaka-kulukiya vezile, co njavalekele njozi yange, oloni kuvasele kunjilumbunwinayo.

Zakaliya 10:2

Vanu vakai nakwihula ku tumponya na kuli vaka-kulukiya, oloni kukumbulula kwavo kwapwa kwangoco na makuli. Vamo vakalumbununa vinjozi, oloni vamitanganesa lika, kuzembeleka kuje vakamwesa kwapwa kwangoco. Ngecivene, vanu vakalyendanganena ngoco ngwe vimanga kuvesi na kanyungi. Vali mu vushonde omwo kuvesi na ntwama.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Kwituluka mu Mashiko 18:10

Kesi mukakombelele vana veni va vanalume, nambe va vanakazi kupwa n̄ombelo embwe. Co vanu veni kesi vakapwe vaka-kutaa, nambe vakakulaele viyovo, nambe vakapwe valozi,