Njelemiya 26:4 - Livulu lya Shukulu Kalunga

⁴ Shukulu Kalunga wanjilekele njileke vanu ngwange, “Shukulu Kalunga nendeka ngwendi yeni munapande kunjononoka nakukava vilongesa vije njamyanene,

Njelemiya 26:4 Iomraidhean Croise

1 Vimyene 9:6

Oloni nga yove nambe vatekulwila vove mukalikela kunjikava, kwononoka mashiko ange na vizilika vyange evi njinamyana, co mukalemesa vinjambi veka,

Isaya 1:20

Oloni nga munjivyana nakunjikengesa nima, co vitozi vakaminyongesa. Yange Kalunga, njinendekamo.”

Njelemiya 17:27

Oloni nga kuvanjononoka nakunyunga Litangwa Lyakuhwima kupwa litangwa lyakujela, kwitisa citele cimo mu vikolo vya Yelusalema a Litangwa Lyakuhwima, nga valingamo, co njikashwameka tuhya ku vikolo vya Yelusalema. Tuhya tukenyeka mapela a mu Yelusalema, co naumo wai akatuzima.”

Njelemiya 22:5

Oloni nga kumwononoka mashiko ange, co njilisinga ngwange lipela eli likasiwuka nakunyonga. Yange Kalunga, njinendekamo.

Njelemiya 32:23

Omo vetele mu lifuti lino, co lyapwile vufuko vwavo, oloni kuvononokele mashiko ove, nambe kuyoya ngwe ku vilongesa vyove, nacimo civalingile cai a vyuma wavashikile kulinga. Co yove wanenele vukalu vwoshe ovu ali vakevo.

Njelemiya 44:10

Oloni na ku litangwa lya lelo kumwalikeesele. Kumwanjisingimikile embwe, nambe kuyoya ngwe ku mashiko oshe aje anjamyanene yeni na vakukulwila veni.

Njelemiya 44:23

Vukalu ovu vunaija ali yeni, omwo mwakombelelele vin̄ombelo ku vinjambi veka, co mwavulumwine ku mesho a Shukulu Kalunga kwononoka mashiko endi oshe.”

Njelemiya 7:14

Ngecivene, vije njalingile ku Shilo, vikevyo vinjikalinga ku Njuvo yange ije mwakulaela. Ku mwela uno vene unjaanene kuli vakukulwila veni amo neni, njikalinga cuma cimo vene ngeci cije njalingile ku Shilo.

Kwituluka mu Mashiko 11:32

Mukanyanyama nakwononoka mashiko na vilongesa vyoshe vije vinjinamyana ku litangwa lya lelo.

Kwituluka mu Mashiko 31:20

Njikavatwala mu lifuti lije lyalivwa lya vwilo nevi vyakujenekamo vyai muje njalisingile na vakukulwila vavo. Muje vakakala na vyakulya vyoshe vivakashaka, co vakakala mwamuvwa. Oloni vakanjikengesa nima nakulemesa vinjambi veka. Co vakanjivyana nakupokola cikumiiyo cange.

Kwituluka mu Mashiko 4:44

Awa akewo mashiko a Njambi aje aanene Mosesa kuli vanu va Isalele nakuvalongesawo.

Kwituluka mu Mashiko 4:8

Kukwesi muyati weka wakama lalo nambe wakufwa vati, uje uli na mashiko akushungama ngwe awa njamilongesa ku litangwa lya lelo.

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.