Njelemiya 26:3 - Livulu lya Shukulu Kalunga

³ Amo vanu vakatolilila nakwecela vingila vyavo vyavivi. Nga valingamo, asinoni njikatengulula viyongola vyange vyakunyongesa vinjinayongola ali vakevo omwo a vilinga vyoshe vya vuvi vwavo.”

Njelemiya 26:3 Iomraidhean Croise

1 Vimyene 21:27

Omo Elinja wamanesele kwendeka, co Ahave wazalele cikeleya mutanya na vutsiki. Walinyengele, co wavyanene kulya.

1 Vimyene 21:29

“Wamono Ahave mwanalikeesa ku mesho ange ndi? Omwo nalingi ngacije, kunjikamuhisa mu simbu yakuyoya kwendi, oloni njikanena vukalu a naanga ya Ahave a simbu yakuyoya kwa munendi.”

Njelemiya 26:13

Munapande kutenguluka kutunda ku vingila vyeni vyavivi, na ku vyuma vimulinakulinga, co munapande kwononoka Shukulu Kalunga Njambi yeni. Nga mulingamo, co akatengulula viyongola vyendi vyakuminyongesa vije vyendekele ngwendi akavinena ali yeni.

Njelemiya 26:19

“Mwene Hezekiya na vanu va mu Yunda kuvatsiile Mika. Oloni Hezekiya wasingimikile Shukulu Kalunga, nakulambelela ngozi ya Shukulu Kalunga. Co Shukulu Kalunga watengulwile viyongola vyendi ku vukalu vuje vwashakele kunena ali vakevo. Yetuco lelo tushaka kulikokela tuyando manene yetu vavenya.”

Njelemiya 36:3

Amo omo vanu va mu Yunda vakaziva vije vyoshe vyavikalu vije vinjayongwele kunena ali vakevo, amo vakatenguluka kutunda ku vingila vyavo vyavivi. Asinoni njikavasambesa ku kupenga-penga kwavo na ku vivi vyavo.”

Njelemiya 36:7

Amo vakalomba kuli Shukulu Kalunga, nakutenguluka kutunda ku vingila vyavo vya vuvi, omwo Shukulu Kalunga nashungwiya vanu vaje na vukalu vwakama.”

Ezekiyele 12:3

“Ololo, muna munu, longekeya citele ngwe mwakalingi munu muka-kuliita, co ya omo kanda vutsiki vucete. Tava ngeci vanu voshe vakumone omo uya ku mutambela weka. Amo vaje vaka-tengulukila vakakumona.

Ezekiyele 18:21

“Nga muka-vuvi alikela kulinga vuvi, co anyunga mashiko ange, nga alinga vije vya vushunga na vuvwa, co kakatsi embwe, mwa vushunga akayoya.

Hoziya 11:9

Kunjikaminyanyamesa akuluvala kwange embwe, kunjikasa kunyongesa Isalele lalo embwe. Omwo yange Njapwa nji Njambi, kesi ngwe nji munu embwe. Yange, Njapwa Wakujela njili amo neni. Co kunjikaija lalo kuli yeni mukuluvala embwe.

Njwele 2:14

Amo Shukulu Kalunga Njambi yeni akatengululako viyongola vyendi nakumivezikisa na vimbuto vyavingi manene. Asinoni mukalambula kuli ikeye vimbuto na vinyu.

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.