Njelemiya 25:7 - Livulu lya Shukulu Kalunga

⁷ Oloni vavenya Shukulu Kalunga nendeka ngwendi mwavyanene kumutolilila. Oloni mwamuluvalesele na tumponya tweni, nakulikokela cihiso yeni vavenya.

Njelemiya 25:7 Iomraidhean Croise

2 Vimyene 17:17

Vakombelelele vana vavo va vanalume na ava va vanakazi kupwa vin̄ombelo vyakwenyekela ku vinjambi va vaka-kujeneka kukulaela, co vakele nakwihula kuli vaka-kwendeka na vakulu na kuli vaka-kulukiya, valikundikile vakevo vavenya nakulinga vije vya vunyengwe ku mesho a Shukulu Kalunga, co vashangumwine vukalu vwendi.

2 Vimyene 21:15

Njikalinga evi kuli vanu vange omwo vanalingi cuma cije njazinda, co vananjiluvalesa kutunda ku simbu ije vakukulwila vavo vatundile mu Ingito kweta na ku litangwa lya lelo.”

2 Mizimbu 24:19

Shukulu Kalunga wavatuminine vaka-kwimanena kuvanangula ngeci veluke kuli ikeye, oloni vanu vavyanene kuvatolilila.

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Visimo 8:36

Woshe uje kanjiwana, alivulumuna lika ikeye vavenya, voshe vaje vanjizinda, vazema kutsa.”

Njelemiya 19:15

Shukulu Kalunga Muka-nzili yoshe, Njambi ya Isalele, nendeka ngwendi, “Njikanena vihiso vyoshe a nganda eyi na vindandanga vya kulyata nayo, vihiso vije njendekele ngwange njikavilinga, omwo munakaluwisa vimbunge vyeni, co kumutolilila ku vije njendeka.”

Njelemiya 22:21

Shukulu Kalunga wendekele neni omo mwakele mwamuvwa, oloni mwavyanene kumutolilila. Eci cikeco cifwa ceni tunde ku vwanike, kumwononokele Shukulu Kalunga.

Njelemiya 25:8

“Ngecivene, omwo kumwasele kumutolilila, Shukulu Kalunga Muka-nzili yoshe alinakwendeka ngwendi,

Njelemiya 29:19

Evi vikalingiwa kuli vakevo omwo kuvononokele lijwi lije njakele nakutuma kuli vakevo ali vangamba vange vaka-kwimanena. Vavyanene kutolilila.

Njelemiya 44:7

“Ngecivene, yange Kalunga Muka-nzili yoshe, Njambi ya Isalele, njimihula ngwange, omwo vikajo mulinakulinga vuvi vwa cifwa cangacije? Kuma yeni mushaka kunena vukalu ali vanalume, na vanakazi, na vanike, na vimbututu, ngeci naumo wai wa ali vanu veni akasaleo?

Njelemiya 44:8

Omwo vikajo mulinakunjiluvalesa akulemesa tumponya, na a kukombelela ku vinjambi va mu Ingito muje mumunaija nakukala? Kuma mulinakulinga evi ngeci mulinyongese yeni vavenya, ngeci miyati ya vanu voshe va ano asi vamishendumune, co lizina lyeni lipwe cisingo ndi?

Zakaliya 1:4

Kesi mufwe ngwe vakukulwila veni. Ku san̄ulu vaka-kwimanena vavalekele majwi ange, nakuvanangula ngeci kesi vayoye mu vuvi, na mu vingila vyavivi. Oloni kuvanjitolililile nambe kunjononoka.

Kwituluka mu Mashiko 32:21

Vananjiluvalesa na tumponya twavo, nakunjilingisa lifuwa na vinjambi vavo va makuli, vinjambi vaje kesi vinjambi va vushunga embwe. Ngecivene, njikashangumwina vaIsalele muyati wa vanu veka ngeci vavaluvalese, co njikavashangumwina lifuwa na muyati wa vulema.