Njelemiya 25:3 - Livulu lya Shukulu Kalunga

³ “A myaka makumi avali na itatu, kutunda ku mwaka wamulikumi na itatu uje Yosiya muna Amoni wapwile mwene wa mu Yunda kweta ku litangwa lya lelo, Shukulu Kalunga nendeka kuli yange, co kunjajukile kumileka vije vyendekele. Oloni kumwombileko mbunge embwe.

Njelemiya 25:3 Iomraidhean Croise

Kushangumuka 22:3

Alikaki mutondo-tondo, Avilahama wacavele vitale vyakukakombelela navyo, co walemekele cimulu cendi, waile na Isake, amo na vangamba vavali ku mutambela uje wamulekele Njambi ngeci ayeko.

1 Vimyene 22:3

Ahave wehwile vamyata vendi ngwendi, “Omwo vikajo kutwatambwile Lamote ili mu Ngilyande kuli mwene wa Silya? Ikeyo yapwa yetu!”

2 Vimyene 17:13

Shukulu Kalunga watumine miluwa vendi na vaka-kwimanena kunangula Isalele na Yunda ngwendi, “Sezeni vingila vyeni vyavivi, ononokeni vizilika vyange vije vili mu Mashiko aje njanene kuli vakukulwila veni aje njaanene kuli yeni ali vangamba vange vaka-kwimanena.”

2 Mizimbu 24:19

Shukulu Kalunga wavatuminine vaka-kwimanena kuvanangula ngeci veluke kuli ikeye, oloni vanu vavyanene kuvatolilila.

2 Mizimbu 34:1

Yosiya wakele na myaka itanu na itatu omo wapwile mwene wa mu Yunda, co washwanene mu Yelusalema myaka makumi atatu na mwaka umo.

2 Mizimbu 34:3

Mu mwaka wamucitanu na itatu wakushwana kwa Yosiya, omo wapwile mukwenje, washangumukile kulemesa Njambi ya kukulwila yendi Mwene Ndaviti. Co omo kwetile myaka iwana, washangumukile kusiwula mitambela vakele nakulemesela vaka-kujeneka kukulaela, na vifwa vya Ashela njambi wa munakazi, na tumponya tukwavo twoshe.

2 Mizimbu 34:8

Mu mwaka wamulikumi na itanu na itatu wakushwana kwendi, omo wamanesele kujelesa lifuti na Njuvo ya Shukulu Kalunga, Mwene Yosiya watumine vanalume vatatu vakavwaese Njuvo ya Shukulu Kalunga Njambi, mazina avo, Shafane muna Azaliya na Maseya nguvulu wa mu Yelusalema, na mwata wakama Njowa muna Yowahaze.

2 Mizimbu 36:15

Co Shukulu Kalunga, Njambi ya vakukulwila vavo, wakele nakutuma vaka-kwimanena vanangule vanu vendi, omwo wakele na ngozi navo, na Njuvo yendi.

Myaso 81:13

Nga vanu vange vanjitolililile, nambe nga vanjononokele,

Kutuuka 8:20

Asinoni Shukulu Kalunga wendekele kuli Mosesa ngwendi, “Imene mutondo-tondo ya ukaliwane na mwene omo aya ku ndonga, co ukamuleke ngwove Shukulu Kalunga nendeka ngwendi, ‘Ecela vanu vange vaye ngeci vakanjilemese.

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

Njelemiya 1:2

Shukulu Kalunga wendekele kuli Njelemiya mu mwaka wamulikumi na itatu omo Yosiya muna Amoni wapwile mwene wa mu Yunda.

Njelemiya 11:7

Omo njatundisile vakukulwila vavo mu Ingito, njavanangwile ngeci vanjononoke, njavanangwile kushwakumo kweta na ku litangwa lya lelo.

Njelemiya 19:15

Shukulu Kalunga Muka-nzili yoshe, Njambi ya Isalele, nendeka ngwendi, “Njikanena vihiso vyoshe a nganda eyi na vindandanga vya kulyata nayo, vihiso vije njendekele ngwange njikavilinga, omwo munakaluwisa vimbunge vyeni, co kumutolilila ku vije njendeka.”

Njelemiya 22:21

Shukulu Kalunga wendekele neni omo mwakele mwamuvwa, oloni mwavyanene kumutolilila. Eci cikeco cifwa ceni tunde ku vwanike, kumwononokele Shukulu Kalunga.

Njelemiya 25:4

Kumwasele kutolilila nambe kumbako mbunge, nameme Shukulu Kalunga watwaleleo kutuma vangamba vendi vaka-kwimanena, kuli yeni.

Njelemiya 26:5

nakwaka mbunge ku majwi a vangamba vange, vaka-kwimanena, vaje njakele nakutuma kuli yeni ku simbu ku simbu. Co yeni kumwononokele ku vije vamilekele.

Njelemiya 29:19

Evi vikalingiwa kuli vakevo omwo kuvononokele lijwi lije njakele nakutuma kuli vakevo ali vangamba vange vaka-kwimanena. Vavyanene kutolilila.

Njelemiya 32:33

Vanjikengesele nima nameme njakele nakuvalongesa, oloni vakevo kuvasele kunjitolilila.

Njelemiya 35:14

Vatekulwila va Yonandave vanononoka lishiko lya kukulwila yavo lyakujeneka kunwa vinyu, nakweta ku litangwa lya lelo kuvesi kunwa vinyu. Oloni yange njinakala nakwendeka kuli yeni simbu yoshe, oloni yeni kumwesi kunjononoka.

Njelemiya 35:15

Njinakala nakutuma vangamba vange voshe vaka-kwimanena, kuli yeni vamileke kwecela vingila vyeni vyavivi, ngeci mulinge vyavivwa. Vaminangwile ngeci kesi mulemese nameme kupangela vinjambi veka, ngeci muyoye mwamuvwa mu lifuti lije linjanene kuli yeni na kuli vakukulwila veni. Oloni yeni kumwanjitolililile, nameme kumbako mbunge.

Njelemiya 36:1

Mu mwaka wamuciwana omo Yehoyakime muna Yosiya wapwile mwene wa mu Yunda, Shukulu Kalunga wendekele kuli yange ngwendi,

Njelemiya 36:2

“Nona livulu usonekemo vyuma vyoshe vinjinakuleke ali Isalele, na a Yunda, na a miyati yoshe. Co soneka vyuma vyoshe vije njakulekele, kutunda ku simbu yakulivanga ije njendekele kuli yove omo Yosiya wapwile mwene, kweta na simbu ino.

Njelemiya 44:4

Njakele nakumitumina vangamba vange vaka-kwimanena, vaje vamilekele ngwavo kesi mulinge cuma cije cakukomokesa cinjazinda.

Njelemiya 7:13

Munalingi vuvi vwoshe ovu, nameme njendekele kuli yeni visimbu vyavingi, oloni kumwanjitolililile. Njamisanene, oloni kumwanjikumbulwile.

Njelemiya 7:25

Kutunda a litangwa lije vakukulwila veni vatundile mu Ingito noo ku litangwa lya lelo, njinakala nakumitumina vangamba vange vaka-kwimanena.

Ezekiyele 33:4

Nga munu umo azivako oloni shendi kumbako mbunge, co citozi aija nakumutsiya, co mulonga wa kutsa kwendi ukakala a mutwe wendi vavenya.

Zakaliya 1:4

Kesi mufwe ngwe vakukulwila veni. Ku san̄ulu vaka-kwimanena vavalekele majwi ange, nakuvanangula ngeci kesi vayoye mu vuvi, na mu vingila vyavivi. Oloni kuvanjitolililile nambe kunjononoka.

Mako 1:35

Co alikaki mutondo-tondo, simbu kanda kukye, Yesu wendukile, co watuukile mu njuvo. Waile mu mambo endi lika nakulombela.

Yowano 8:2

Alikaki mutondo-tondo waile ku Njuvo ya Shukulu Kalunga. Mbunga yoshe vamuzengelekele, co watumbamene asi, washangumukile kuvalongesa.

Yowano 8:47

Uje atunda kuli Njambi atolilila ku majwi a Njambi. Yeni kumwatundile kuli Njambi embwe, co mukemwo kumutolililako.”

2 Timateo 4:2

ambulula lijwi, kakateya akwendeka nambe a simbu yaivwa nambe kesi a simbu yaivwa, vayesa, endekela na mukutakamesa, longesa na lukakateya lwoshe.