Njelemiya 25:29 - Livulu lya Shukulu Kalunga

²⁹ Njikashangumuka vipangi vyange vyakunyongesa mu nganda yange vavenya. Kuma vayongola ngwavo kuvakavanyanyamesa ndi? Embwe, vakavanyanyamesa, omwo njikatuma nzita ku vanu voshe ano asi. Yange Kalunga Muka-nzili yoshe, njinendekamo.

Njelemiya 25:29 Iomraidhean Croise

1 Vimyene 8:43

tolilila lilombelo lyendi. Mwilu, omo wakala, muzive, co mulingile vije vyakulomba, ngeci miyati yoshe ya muno mu kaye vakuzivuke nakukwononoka, ngwe muvakalingi vanu vove va Isalele. Ngeci vakazivuke ngwavo kuma eyi Njuvo injinatungu inapu mwela wakukulemesela.

Visimo 11:21

Zivukeni ngeci vaka-vuvi vakavahisa, oloni vaka-vushunga vakovoka.

Visimo 11:31

Vaka-vushunga vakawana cikandelela ano asi. Oloni mwa vushunga vaka-kupenga-penga, na vaka-vuvi, Njambi akavahisa.

Visimo 17:5

Uje ashendumuna tuutu alinakushaula Njambi uje wavatangele, uje avwaelela a tuyando twa vakwavo vakamuhisa.

Isaya 10:12

Oloni Shukulu Kalunga endeka ngwendi, “Omo njimanesa kupanga vipangi vyange vyoshe a Munkinda wa Siyone na mu Yelusalema, co njikahisa mwene wa Asilya omwo akulishasha na a kulyalesa kwendi kwoshe.”

Njelemiya 13:13

Asinoni valeke ngwove, ‘Yange Kalunga, njikashulisila vinyu vanu va mu lifuti lino noo vakapenda, vimyene vatekulwila va Ndaviti, na vaka-kukombelela, na vaka-kwimanena, na vanu voshe va mu Yelusalema.

Njelemiya 19:3

Ya ukendeka ngwove Shukulu Kalunga nendeka ngwendi, ‘Tolilileni yeni vimyene va mu Yunda, na vanu va mu Yelusalema, tolilileni vinjendeka yange Kalunga Muka-nzili yoshe, Njambi ya Isalele. Njikanena tuyando twakama mu mutambela ou ngeci vanu voshe vakatuziva vakalikasamena.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 46:28

Njikaija kuli yeni nakumyamena, njikanyongesa miyati yoshe ya vanu kuje kunjamishandwelele, oloni yeni kunjikaminyongesa embwe. Njikamyecela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 49:12

“Nameme vaje kuvapandele kuvanyanyamesa, oloni kuvanga vanwe mu nganja ya kusompa, kuma mwayongola ngweni mukaya ngoco kuminyanyamesa ndi? Embwe, kuvanga munwe mu nganja ije vene!

Ezekiyele 14:17

“Nambe nga njanenele nzita a lifuti lije, nakutuma vitwa vyakunyongesa, nakuzilula vanu na tusitu mu cifwa cimolika,

Ezekiyele 14:21

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Ezekiyele 38:21

Njikazivisa lyova Ngonge na tuyando twatukalu. Munjinendeka yange Kalunga wa Akamwa ya Vyoshe. Vanu vendi vakalitengulukila umo na mukwavo nakulilwisa vakevo vavenya na mikwale yavo.

Ezekiyele 9:6

Tsiyeni vakulunu, na vakwenje, na vambanda, na vainavo, na vana. Oloni kesi mukwate uje ali na cizivukiso a luholo lwendi. Shangumukileni vene kuno ku Njuvo yange.” Ngecivene, vashangumukilile kuli vantwama vaje vemanene ku Njuvo ya Shukulu Kalunga.

Ovandiya 1:16

Vanu vange vananwila nganja ya cihiso yakulula a lilundu lyange lyakujela. Oloni miyati yoshe vaje vanamizengeleka, anga vakanwa nganja ya cihiso ikwavo yakulula. Vakainwa yoshe njwa, co vakanyonga.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Luka 23:31

Omwo nga valinga vyuma evi ku muti wakutonola, cooni vakalinga vati ku muti wakuma?”

1 Petulu 4:17

Simbu inete ngeci kusompa kushangumuke, co vanu va Njambi vakevo vakalivanga kuvasompa. Nga kushangumukila kuli yetu, vatijo cikafwa akukotoka kuli vaje kuvakulaela ku Vin̄anda Vyavivwa vyakutunda kuli Njambi?