Njelemiya 25:15 - Livulu lya Shukulu Kalunga

¹⁵ Shukulu Kalunga, Njambi ya Isalele, wendekele kuli yange ngwendi, “Nganja ya vinyu eyi inashulu na vukalu vwange. Itwale kuli voshe vaje kesi vaYunda kuje njikakutuma, co vanwiseyo.

Njelemiya 25:15 Iomraidhean Croise

Yombi 21:20

Mesho a vaka-vuvi amone cihiso cavo vakevo vavenya, co vanwe ku vukalu vwa Njambi Muka-nzili yoshe.

Myaso 11:6

Ikeye akatumu tuhya twa lilungu mukwenyeka vaka-vuvi, nakuvahisa na lihunzi lya kwenyeka.

Myaso 60:3

Unayandesesa manene vanu vove, unatunwisa vwala vwakutupelyangesa.

Myaso 75:8

Mu livoko lya Shukulu Kalunga muli nganja inashulu na vinyu vya vukalu vwendi, akavitila asi, co vaka-vuvi voshe vakavinwa nakuvimanesa.

Myaso 75:9

Oloni yange njikambulula vuvwa vwove ku myaka yoshe, njikakwimbila mwaso wakukushangazala, yove Njambi ya Yakomba.

Isaya 14:26

Ovu vukevwo vutumbe vwange a kaye koshe, co livoko lyange lya nzili njinalyolola mukuhisa miyati ya vanu.”

Isaya 34:2

Shukulu Kalunga naluvala na miyati ya vanu voshe, na mashwalale vavo voshe. Ikeye navasompela kutsa.

Isaya 51:17

Yelusalema, induka! Katuka wimane! Unanu mu nganja ya vukalu vwa Shukulu Kalunga wainwile nakuyimanesa, co wapelyangelele.

Isaya 51:22

Shukulu Kalunga Njambi yeni alinakumimanena nakwendeka ngwendi, “Njilinakutundisa ije nganja injamyanene ya vukalu vwange. Kumukanu vinyu ngeci mupelyangele embwe.

Isaya 51:23

Oloni nganja eyi njikayana kuli vaje vamiyandesele, nakumilyatangela mu vitapalo ngwe mazilo.”

Njelemiya 1:5

“Njakuzivukile simbu kanda uwile mwimo lya vanyoko, njakwangwile simbu kanda usemuke ngeci upwe muka-kwimanena wange ku miyati ya vanu.”

Njelemiya 36:2

“Nona livulu usonekemo vyuma vyoshe vinjinakuleke ali Isalele, na a Yunda, na a miyati yoshe. Co soneka vyuma vyoshe vije njakulekele, kutunda ku simbu yakulivanga ije njendekele kuli yove omo Yosiya wapwile mwene, kweta na simbu ino.

Njelemiya 43:11

Nevukaneza akaija nakufungulula Ingito. Co vanu vaje vanavindama kutsa ku mushongo, vakatsa ku mushongo vene, co vaje vanavindama kuvatwala ku vunzinda, vakavatwala vene ku vunzinda, co vaje vanavindama kuvatsiila mu nzita, vakavatsiila vene mu nzita.

Njelemiya 45:5

Kuma ulinakushakezeka vyuma vyakama ndi? Kesi ulingemo embwe. Njikanena tuyando twakama ali vanu voshe, oloni nameme ngoco, yove ukakala na mwonyo kwoshe kuje kuukaya, Yange Kalunga, njinendekamo.”

Njelemiya 46:1

Shukulu Kalunga wendekele kuli yange a miyati ya vanu,

Njelemiya 48:26

Shukulu Kalunga wendekele ngwendi, “Pendeseni Mowavi omwo yanjitengulukila nakunjilwisa. Mowavi akalyalanga a vishanjo vyendi, co vanu vakamujola.

Njelemiya 49:12

“Nameme vaje kuvapandele kuvanyanyamesa, oloni kuvanga vanwe mu nganja ya kusompa, kuma mwayongola ngweni mukaya ngoco kuminyanyamesa ndi? Embwe, kuvanga munwe mu nganja ije vene!

Njelemiya 51:7

Mbambilone yapwile ngwe nganja ya ngolinde mu livoko lyange, kupendesa miyati yoshe. Miyati vanwile vinyu vyayo, co vapendele.

Ezekiyele 23:32

Shukulu Kalunga wa Akamwa ya Vyoshe alinakwendeka ngwendi, “Nove ukanwa ku nganja ya ndokazi yove, inapu nganja yakama yakulova. Munu woshe akakuyeluwisa nakukushendumuna, omwo nganja eyi inashulu na vyavingi.

Ezekiyele 23:33

Nganja ya ndokazi yove Samaliya, ikashula nakupenda na vusiwa.

Ezekiyele 29:12

Njikapwisa Ingito ngundu ya vingundu vyoshe vya muno mu kaye. A myaka makumi awana, vinganda vya mu Ingito vikapwa vingundu, vikapwa vingundu vyakuviya manene kutuvakana vingundu vya vinganda vikwavo. Njikalingisa vaka-Ingito kupwa vaka-kuliita. Vakatewela ku mafuti eka na eka, co vakakala akati ka vanu veka.”

Ezekiyele 36:5

“Yange Kalunga wa Akamwa ya Vyoshe, njinendeka na vukalu vwange vwakulwisa miyati yavazengeleka, vunene kulwisa Endome. Mukuvwaelela na mu kashaundu kavo, vafungulwile lifuti lyange nakutambula mutambela wa vulilo vwa vimuna vange.

Ovandiya 1:16

Vanu vange vananwila nganja ya cihiso yakulula a lilundu lyange lyakujela. Oloni miyati yoshe vaje vanamizengeleka, anga vakanwa nganja ya cihiso ikwavo yakulula. Vakainwa yoshe njwa, co vakanyonga.

Hambakuke 2:16

Neni lalo mukaziva shwamwa nakujeneka kasingimiko. Neni vene mukanwa nakupelyangela. Shukulu Kalunga akaminwisa mu nganja yeni ya cihiso, co kasingimiko keni kakapwa shwamwa.

Kujombolola 14:10

ikeye lalo akanwa ku vinyu vya Njambi, vinyu vya vukalu vwendi, vije kesi vyakukumbasana mu nganja ya vukalu vwendi! Voshe vaje valinga eci vakakala mu n̄avava yakama mu tuhya na sulufa ku mesho a tungelo vakujela na ku mesho a Muna Manga.

Kujombolola 14:19

Ngecivene, uje kangelo watengulwisilile moko yendi yakutejesa asi, wavatozwele vushuka ku mikolovozi ya vushuka wa vinyu, co wavumbilile mu cikamwino ca vinyu ca vukalu vwakama vwa Njambi.