Njelemiya 25:12 - Livulu lya Shukulu Kalunga

¹² Co munima yevi njikanyanyamesa Mbambilone na mwene wamwo a vuvi vwavo. Co njikanyongesa lifuti lije nakulipwisa ngundu ku myaka yoshe.

Njelemiya 25:12 Iomraidhean Croise

2 Vimyene 24:1

Omo Yehoyakime wapwile mwene, co Mwene Nevukaneza wa ku Mbambilone walwisile Yunda, co Yehoyakime waliitile ku mashiko endi myaka itatu, asinoni Yehoyakime wamutengulukilile.

2 Mizimbu 36:22

Mu mwaka wakulivanga omo Siluse wapwile mwene wa Pelesha, Shukulu Kalunga walingisile vije vyendekele muli Njelemiya muka-kwimanena ngeci vipwe vya vushunga. Shukulu Kalunga walingisile Mwene Siluse kusoneka lishiko nakulituma ngeci valilave nakulitambeka kwoshe-ikwoshe mu vumwene vwendi ngwavo,

Myaso 137:8

Mbambilone vakakunyongesa! Navezika munu uje akakwilwisila vije viwalingile kuli yetu,

Isaya 13:19

Vumwene vwa Mbambilone vwapwa vwavuvwa manene na nzili kutuvakana vumwene vwoshe, vavenya vumwene valyaleselavwo. Oloni yange Kalunga, njikanyongesa Mbambilone ngwe munjanyongesele Sondoma na Ngomola!

Isaya 14:23

Njikatengulula Mbambilone kupwa n̄ondo, co makun̄ulu vakakalamo. Njikakomba Mbambilone na cikombeso cije cikombela vyuma vyoshe kulyala. Yange Kalunga Muka-nzili yoshe, njinendekamo.”

Isaya 15:6

Muna ndonga Nimelime nomu cau, mwila wamwo wajujwama, kukwesi wakuzivuluka unasalamo wai.

Isaya 20:1

Akushika kwa Mwene Salengoni wa Asilya, mukulunu muka-kushika mbunga ya mashwalale va Asilya walwisile Ashendonde nganda ya Filisitiya.

Isaya 33:1

Vitozi vetu vanavindama! Vanevi nakwenda vungungu, nameme kukwesi umo navevila nambe kuvenda vungungu. Oloni simbu yavo yakwiva nakwenda vungungu ikahwa, co navo lao vakavevila nakuvenda vungungu.

Isaya 46:1

“Awa akewo mamaneselelo a vinjambi va Mbambilone! Akulivanga valemesele Mbele na Nembo, oloni ololo vanavalondeka a vimulu, vanapu citele a myongo ya tusitu vaje vanajuka.

Njelemiya 23:2

Evi vikevyo vyalinakwendeka Shukulu Kalunga, Njambi ya Isalele, ali vaka-kushwana vaje vapandele kunyunga vanu vendi ngwendi, “Yeni kumwanyungile vanu vange, munavashandola nakuvashekela kulyala. Mwa vushunga njikaminyanyamesa omwo vuvi vuje vumunalingi.

Njelemiya 25:14

Njikalinga shambandinga vaka-Mbambilone a vije valingile, co miyati ya vanu vavangi na vimyene vakama vakapwisa vaka-Mbambilone vindungo.’ ”

Njelemiya 27:22

Vakavutwala ku Mbambilone, co vukakala kuje noo njikavwanuka. Asinoni njikavwilwisa nakuvwaka mu mwela uno. Yange Kalunga, njinendekamo.”

Njelemiya 27:7

Miyati ya vanu voshe vakamupangela, co vakapangela lalo munendi wa munalume na mutekulyendi wa munalume, noo simbu ikaija omo muyati wa vanu vendi ukawa. Asinoni muyati wa vanu vendi vakapangela miyati ya vanu va nzili na vimyene vakama.

Njelemiya 29:10

“Shukulu Kalunga alinakwendeka ngwendi, ‘Omo myaka yakukala mu Mbambilone makumi atanu na avali inahu, co njikakala na ngozi neni nakunyunga cikulaeso cange cakumiilwisila lalo kwimbo.

Ezekiyele 35:9

Njikakupwisa ngundu ku myaka yoshe, co naumo wai lalo akakala mu vinganda vyove. Asinoni ukazivuka ngeci yange njapwa Kalunga.

Ndanyele 9:2

Mu mwaka wakulivanga omo wapwile mwene, yange Ndanyele njakele nakulilongesa mavulu akujela nakuyongola a myaka makumi atanu na avali ije Yelusalema ikapwa ngundu, ngwe lijwi lya Shukulu Kalunga lyalekele Njelemiya muka-kwimanena.

Hambakuke 1:17

Kuma anga vakapangesa mikwale yavo ku myaka yoshe, nakunyongesa miyati ya vanu kwonwa kuvazivilako mema ku mbunge ndi?