Njelemiya 25:11 - Livulu lya Shukulu Kalunga

¹¹ Lifuti lyoshe eli likapwa ngundu, likapwa mutambela wakukomokesa, co miyati ya vanu vavanalyata navo vakapangela mwene wa Mbambilone myaka makumi atanu na avali.

Njelemiya 25:11 Iomraidhean Croise

2 Mizimbu 36:20

Watwalele vanu vaje vasaleleo ku Mbambilone, co vakamupangelele ikeye nakupangela lalo vatekulwila vendi ngwe vindungo, nakweta ku vushwana vwa Vumwene vwa Pelesha.

Isaya 5:6

Njikacecelela cikule mu shaku, kunjikasalulamo minango nambe kushakwila mikolovozi ya vushuka vwa vinyu, nambe kulimamo, oloni njikecela mishwena na mambimbo icifwike. Co lalo njikavindika mashelwa kunyokelamo nyonzi.”

Njelemiya 25:12

Co munima yevi njikanyanyamesa Mbambilone na mwene wamwo a vuvi vwavo. Co njikanyongesa lifuti lije nakulipwisa ngundu ku myaka yoshe.

Njelemiya 25:38

Shukulu Kalunga naseza vanu vendi, ngwe ndumba akatuka mu livandelo lyendi. Vukalu vwa nzita, nakuluvala kwakama kwa Shukulu Kalunga vinatengulula lifuti kupwa mambo.

Njelemiya 27:22

Vakavutwala ku Mbambilone, co vukakala kuje noo njikavwanuka. Asinoni njikavwilwisa nakuvwaka mu mwela uno. Yange Kalunga, njinendekamo.”

Njelemiya 27:7

Miyati ya vanu voshe vakamupangela, co vakapangela lalo munendi wa munalume na mutekulyendi wa munalume, noo simbu ikaija omo muyati wa vanu vendi ukawa. Asinoni muyati wa vanu vendi vakapangela miyati ya vanu va nzili na vimyene vakama.

Njelemiya 28:14

Shukulu Kalunga Muka-nzili yoshe, Njambi ya Isalele, nendeka ngwendi akaka mandauluwa ya cikuvo a mikoshi ya vanu voshe ngeci vapangele Mwene Nevukaneza wa Mbambilone. Shukulu Kalunga nendeka ngwendi nameme tusitu akavononwesa ngeci vapangele Nevukaneza.”

Njelemiya 29:10

“Shukulu Kalunga alinakwendeka ngwendi, ‘Omo myaka yakukala mu Mbambilone makumi atanu na avali inahu, co njikakala na ngozi neni nakunyunga cikulaeso cange cakumiilwisila lalo kwimbo.

Njelemiya 4:26

Lifuti lya vwilo lyapwile mambo, na vinganda vyalyo vyasiwukile, omwo vukalu vwakama vwa Shukulu Kalunga.

Njelemiya 4:27

(Shukulu Kalunga nendeka ngwendi kaye koshe kakapwa mambo, oloni kukakanyongo embwe.)

Njelemiya 43:10

Asinoni valeke ngwove yange Kalunga Muka-nzili yoshe, Njambi ya Isalele, njikanena ngamba yange Mwene Nevukaneza wa ku Mbambilone ku mutambela uno, co njikaka litanda lyendi akamwa ya mamanya awa unashitika, co akashimbikilao mbalaka yendi ya vumwene.

Njelemiya 44:22

Ku litangwa lya lelo vene, lifuti lyeni linapu vingundu, naumo wai alimo. Linapu lya vunyengwe, vanu vapangesa lizina lyamwo kupwa cisingo, omwo Shukulu Kalunga kasimpile a vilinga vyeni vya vuvi.

Ezekiyele 12:19

Leka muyati woshe ngwove awa akewo majwi a Shukulu Kalunga wa Akamwa ya Vyoshe kuli vanu va mu Yelusalema, vaje vacili nakuyoya mu lifuti lyavo ngwove vakajaja omo vakalya, nakulijujukila na lyova omo vakanwa. Lifuti lyavo likemuka ngundu, omwo vanu voshe vaje valinakukalamo kuvesi nakukava mashiko.

Ezekiyele 29:11

Kukwesi munu nambe kasitu akaitamo. A myaka makumi awana, nacimo cai cikakalamo.

Ezekiyele 6:14

Eyo, njikolola livoko lyange nakunyongesa lifuti lyavo. Njikalipwisa ngundu kutunda mu mambo ku mbwela nakweta ku nganda ya Limbela ku kunto, kunjikasezeo mutambela umo kuje kuvakala vaIsalele. Asinoni munu woshe akazivuka ngeci yange njapwa Kalunga.”

Ndanyele 9:2

Mu mwaka wakulivanga omo wapwile mwene, yange Ndanyele njakele nakulilongesa mavulu akujela nakuyongola a myaka makumi atanu na avali ije Yelusalema ikapwa ngundu, ngwe lijwi lya Shukulu Kalunga lyalekele Njelemiya muka-kwimanena.

VaLevi 26:32

Co njikanyongesa lifuti lyeni lyoshe njwa, ngeci vitozi vaje vakakalamo vakalisimoke akuviya kwangacije.

Mika 7:13

Oloni lifuti likapwa ngundu omwo ya vuvi vwa vaje valimo.

Zakaliya 1:12

Asinoni uje kangelo wendekele ngwendi, “Shukulu Kalunga Muka-nzili yoshe, yove unaluvala na Yelusalema na vinganda vya Yunda a myaka makumi atanu na avali. Simbu ikoni ukavazivila mema ku mbunge?”

Zakaliya 7:5

Shukulu Kalunga wendekele kuli yange ngwendi, “Leka vanu voshe va mu lifuti na vaka-kukombelela ngwove omo mwalikelele kulya nakulila ku ngonde yamucitanu na ku ngonde yamucitanu na vivali mu myaka eyi makumi atanu na avali, kumwanjisingimikile embwe.