Njelemiya 25:10 - Livulu lya Shukulu Kalunga

¹⁰ Njikolwesa miyoyo yavo yakujolela nakuvwaelela, na miyoyo yakuvwaelela a viwano vya malo. Kuvakakala na mazi mu vindeya vyavo, co kukukakala lalo vimbuto vya vinona.

Njelemiya 25:10 Iomraidhean Croise

Esita 3:13

Co vatumine vanu kutwala mikanda eyi ku mafuti oshe a vumwene. Co mwakele mashiko avasonekele ngwavo, “A litangwa lyamulikumi na atatu, litangwa lya Andale, ngonde yamulikumi na vivali, vaYunda voshe, vakwenje na vakulunu, vanakazi na vanike, vanapande kuvatsiya kujeneka kuvazivilako mema ku mbunge, nakupukula vufuko vwavo. Eci cikalingiwa a litangwa limo.”

Esita 7:4

Omwo vavushoko vwange nange vanatulandesa ngeci vatunyongese. Kukwesi cuma cimo cakuhyana nga vatulandesela mu vunzinda, nga njinoloka kuluu kujeneka kukutatokesa ngeci, oloni tuli kuyehi nakutunyongesa, kutuzilula vene zilu!”

Esita 8:11

Mikanda eyi yalumbunwine muje mwene wasele kutava ngeci vaYunda mu nganda na nganda vanapande kulyamena vakevo vavenya. Nga vaYunda vavalwisa vanu va ku muyati woshe-iwoshe na va ku lifuti lyoshe-ilyoshe, ngeci vakevo vaYunda vanapande kuvalwisa nakuvanyongesa amo na vanakazi vavo, na vana vavo nakuvatsiya voshe njwa nakutambula vufuko vwavo.

Isaya 47:2

Tengulula n̄unju utwemo tiliku! Shulula nanga yove yakulivuva! Kambula cifunga cove! Jundula vuzalo vwove ku mendi, omo ujavuka vana va vindonga!

Njelemiya 16:9

Tolilila ku evi njendeka yange Kalunga Muka-nzili yoshe Njambi ya Isalele. Njikolwesa muyoyo wakujolela nakuvwaelela, na muyoyo wakuvwaelela mu viwano vya vulo. Vanu valimuno vakayoya mukumona evi vilingiwa.

Njelemiya 48:33

Kuvwaelela nakujolela kwa kuteja vimbuto kuvyesimo lalo mu vitungu na mu mahya a lifuti lya Mowavi lya vwilo. Yange njikavindika vinyu kwita omo vavikamuna, co naumo wai akajolela akukamuna vinyu.

Njelemiya 7:34

Njikolwesa muyoyo wakujolela mu vinganda vya mu Yunda na mu vitapalo vya mu Yelusalema, co njikolwesa muyoyo wakujolela na muyoyo wakuvwaelela wa ciwano ca vulo omwo lifuti likapwa ngundu.

Mbimbi 5:15

Kuvwaelela kunatundu mu vimbunge vyetu, co kuviilila kukekwo kunengi mu mwela wakulisamba.

Ezekiyele 26:13

Njikolwesa myaso yove yoshe, co njikakuvindika kwimba tulyalya.

Hoziya 2:11

Co njikavindika viwano vyendi vyakulisamba vyoshe, viwano vyendi vya a mwaka na mwaka, na a ngonde na ngonde na viwano vyendi vyakulisamba a Litangwa Lyakuhwima, na vikungulukilo vyendi vyoshe vyakulemesa.