Njelemiya 24:5 - Livulu lya Shukulu Kalunga

⁵ “Yange Kalunga, Njambi ya Isalele, njayongola ngwange vanu vaje vavatwala ku Mbambilone vanafu ngwe vushuka vwa mikuyu vuje vwavuvwa, njikavazivila mema ku mbunge.

Njelemiya 24:5 Iomraidhean Croise

Myaso 119:67

Omo te kanda unjihise, njakele nakulilingila, oloni ololo njilinakwononoka lijwi lyove.

Myaso 119:71

Capwile cacivwa kuli yange kunjihisa, ngeci njililongese mashiko ove.

Njelemiya 24:4

Ngecivene, Shukulu Kalunga wendekele kuli yange ngwendi,

Njelemiya 29:11

Yange lika njazivuka matumbe njilinawo ali yeni, matumbe akuminenela vivezikiso, kesi akuminenela tuyando twakama embwe, matumbe akuyoya kulutwe vuje vunashulu na cinyangavili.

Njelemiya 29:20

Kuli yeni voshe njatumine mu vunzinda mu Mbambilone, tolilileni ku vije njendeka yange Kalunga.’

Njelemiya 29:4

“Shukulu Kalunga Muka-nzili yoshe, Njambi ya Isalele, nendeka kuli vanu voshe vaje vaatavesele Nevukaneza kuvatwala mu vunzinda kutunda ku Yelusalema nakuya ku Mbambilone ngwendi,

Ezekiyele 11:17

“Ngecivene, valeke evi yange Kalunga wa Akamwa ya Vyoshe, njendeka. Njikavakungulula kuvatundisa ku mafuti aje njavashandwelele, co njikavana lifuti lya Isalele.

Ezekiyele 11:20

Asinoni vakanyunga mashiko ange, nakwononoka vilongesa vyange vyoshe. Vakapwa vanu vange, nange njikapwa Njambi yavo.

VaLevi 26:44

Oloni nameme ngoco, omo vacili mu lifuti lya vitozi vavo, kunjikavombila kuti embwe, nambe kuvanyongeselela. Kunjikapokola cikumiiyo cange navo, omwo yange njapwa Kalunga Njambi yavo.

Nahumi 1:7

Shukulu Kalunga wapwa wamuvwa, Akamena vanu vendi mu simbu ya tuyando, akanyungu vaje vatengulukila kuli ikeye.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Mateo 25:12

Oloni wavakumbulwile ngwendi, ‘Mwa vushunga njimileka ngwange, kunjimizivuka.’ ”

Yowano 10:27

Vimanga vange vaziva lijwi lyange, co nange njivazivuka, co vanjikava.

Loma 8:28

Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

1 Kolinte 8:3

Oloni nga munu azema Njambi nendi vanamuzivuka kuli Njambi.

Ngalatiya 4:9

Oloni ololo munazivuka Njambi, nambe njendeke ngwange, ololo Njambi namizivuka, vatijo lalo mushaka kwiluka kunima kuli minzinzime yangoco yakuzeya? Omwo vikajo mushaka kupwa vindungo vavo lalo simbu yoshe?

Kwituluka mu Mashiko 8:16

Muje mu mambo Shukulu Kalunga wamyanene maana ngeci mulye, vyakulya vije vakukulwila veni kuvavizivukile, ngeci amyononwese nakumyeseka, ngeci kulutwe akase kumivezikisa na vyuma vyavivwa.

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.