Njelemiya 24:10 - Livulu lya Shukulu Kalunga

¹⁰ Njikatuma nzita, na njala ya lyangengela, na mushongo ali vakevo ngeci naumo wai akasalao mu lifuti lije linjanene kuli vakevo na kuli vakukulwila vavo.”

Njelemiya 24:10 Iomraidhean Croise

1 Vimyene 14:15

Shukulu Kalunga akahisa Isalele, co Isalele ikajaja ngwe mulikajaja lihongo mu muna ndonga. Ikeye akatundisa vanu va Isalele mu lifuti eli lyalivwa lije walyanene kuli vakukulwila vavo, co akavashandwela musambwa ya Ndonga ya Yufuleti, omwo vashangumuna vukalu vwendi akushonga tumponya twa Ashela njambi wa munakazi.

Isaya 51:19

Tuyando twakama tunaija ali yove, nzita inashandozola lifuti lyove, co vanu vove valinakutsa ku njala. Naumo wai akuzivilako mema ku mbunge.

Njelemiya 14:12

Nameme nga vazila kulya, oloni kunjikatolilila ku mutambi wavo wakuvakwasa, nameme nga vakombelela vin̄ombelo vya kwenyeka, na vin̄ombelo vya vimbuto vya vinona, kunjikavitambula embwe. Oloni njikavanyongesa na moko ya mukwale, na njala ya lyangengela, na mushongo wakulitambwisa.”

Njelemiya 15:2

Nga vakwihula ngwavo kulijo kuvanapande kuya, valeke ngwove yange Kalunga njinendeka ngwange, ‘Vaje vanapande kutsa ku mushongo, vatse vene ku mushongo! Vaje vanapande kutsa ku nzita, vanapande vene kutsa ku nzita! Vaje vanapande kulanduka ku njala ya lyangengela, vanapande vene kulanduka ku njala ya lyangengela! Vaje vanapande kuvatwala mu vunzinda, vanapande vene kuvatwala mu vunzinda!’ ”

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 19:7

Mu mutambela uje njikatanganesa matumbe oshe a vanu va mu Yunda na vanu va mu Yelusalema. Njikecela vitozi vavo kuvalyatangela nakuvatsiila mu nzita. Co njikana mivila yavo ku tuzila na ku tusitu kupwa vyakulya vyavo.

Njelemiya 21:9

Woshe uje akala mu nganda vakamutsiila mu nzita nambe akalanduka ku njala, nambe akatsa ku mushongo. Oloni woshe uje atundamo, co akaliita kuli vaMbambilone vaje valinakulwisa nganda ololo, munu wa cifwa cangacije kuvakamutsii embwe, oloni akaputumukamo na mwonyo wendi.

Njelemiya 27:8

“Oloni nga muyati umo nambe vumwene vumo kuvalikeesa ku mashiko endi, co njikanyanyamesa uje muyati na nzita, na njala ya lyangengela, na mushongo noo njikatavesa Nevukaneza kunyongesa uje muyati.

Njelemiya 29:17

Shukulu Kalunga Muka-nzili yoshe alinakwendeka ngwendi, ‘Njilinakunena nzita, na njala ya lyangengela, na mishongo ali vakevo, co njikavapwisa ngwe vushuka vwa mikuyu vuje vwavuvi manene kuvuvwaa kuvulya.

Njelemiya 29:18

Njikavayandesa na nzita, na njala ya lyangengela, na mushongo, co miyati yoshe ya mu kaye vakalikomokela a vije vakamona. Kwoshe kuje kunjikavashandwela, vanu kakalisimoka nakulikomokela a vije vinalingiwa kuli vakevo. Vanu vakavashendumuna, nakupangesa lizina lyavo kupwa cisingo.

Njelemiya 32:24

“VaMbambilone vanalundika mikinya kuzengeleka Yelusalema ngeci vailwise, vanu vali mu vukalu vwa njala ya lyangengela na mishongo, co nganda vakayana ku mavoko a vaMbambilone vaje valinakuyilwisa. Co vyoshe viwendekele vinapu vya vushunga.

Njelemiya 32:25

Nameme ngoco, Shukulu Kalunga wa Akamwa ya Vyoshe yove wanjishikile kulanda lihya ku mesho a vakaleo, nameme nganda ije ololo vaifungulula vaMbambilone.”

Njelemiya 34:17

Ngecivene, yange Kalunga, njinendeka ngwange kumwanjononokele, kumwanene vakweni vaIsalele kupatuka kwavo. Mwamuvwa oni, njikamyana kupatuka, kupatuka kwakutsila mu nzita, na ku mushongo, nakulanduka ku njala ya lyangengela. Njikamiyevanganesa akati ka miyati ya vanu voshe va mu kaye. Co vakakomoka a vije njikalinga ali yeni.

Njelemiya 42:17

Vanu voshe vaje vanalivwaesela cimweja kukakala mu Ingito vakatsila mu nzita, nambe kulanduka ku njala ya ya lyangengela nambe kutsa ku mushongo. Naumo wai wa ali vakevo akasalao, naumo wai akaputumuka ku vukalu vuje vunjikanena ali vakevo.’

Njelemiya 42:22

Ngecivene, anukeni evi, mukatsila mu nzita nambe kulanduka ku njala ya lyangengela, nambe kutsa ku mushongo mu lifuti muje mushaka kuya nakukakalamo.”

Njelemiya 5:12

Vanu vanavyana Shukulu Kalunga, co vanendeka ngwavo, “Nacimo cai cakalinga. Shukulu Kalunga kakatunyanyamesa, kukukakala nzita nambe njala ya lyangengela embwe.”

Njelemiya 9:15

Ngecivene, tolilileni cinjikalinga yange Kalunga Muka-nzili yoshe, Njambi ya Isalele, njikalisa vanu vange vyakulya vyakulula nakuvanwisa mwaze.

Njelemiya 9:16

Co njikavashandwela akati ka miyati ya vanu vaje kuvazivile akulivanga nambe vakukulwila vavo kuvaizivile, co njikatuma mashwalale nakuvalwisa noo njinavanyongesa voshe njwa.”

Ezekiyele 33:27

“Valeke ngwove yange Kalunga wa Akamwa ya Vyoshe, njivanangula ngwange akupwa nji Njambi wakuyoya, vanu vaje valinakuyoya mu vinganda vije vinasiwuka vakavatsiya. Vaje valinakuyoya mu lifuti vakaliwa ku vikashama. Co vaje valinakuvanda ku minkinda na mu manzenzengoma vakatsa ku mushongo.

Ezekiyele 6:11

Shukulu Kalunga wa Akamwa ya Vyoshe wendekele ngwendi, “Kanda vimbanda! Co lyata musindo! Lila na vusiwa omwo vuvi vwoshe, na vyuma vya vunyengwe vije vivanalingi vaIsalele. Vakatsila mu nzita, nakulanduka ku njala, na kutsa lalo ku mushongo.

Ezekiyele 7:15

Vanu valinakulwa nzita mu vitapalo, co mu vinjuvo muli mishongo na njala. Munu woshe uje ali anja ya lifuti akatsila mu nzita, co vanu voshe vali mu nganda vakakwatiwa na mushongo na njala ya lyangengela.

Kwituluka mu Mashiko 28:21

Shukulu Kalunga akamitumina kushwakumo mishongo yakuliseza-seza noo naumo wai akasala mu lifuti lije limukashwana.

Kujombolola 6:8

Njakengele, co kwasholokele kavalu wakutokoloka. Uje walondeleo vamulukile lizina ngwavo Kutsa, co Vukalo vwa Vatsi vwamukavele kuyehi munima. Vavaanene nzili akamwa ya mutambela umo wa mitambela iwana ya ano asi, ngeci vatsiye na moko ya mukwale na njala ya lyangengela na mishongo na vikashama.