Njelemiya 23:5 - Livulu lya Shukulu Kalunga

⁵ Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Njelemiya 23:5 Iomraidhean Croise

2 Samwele 23:3

Njambi ya Isalele nendeka, muka-kunyunga Isalele nendeka kuli yange ngwendi, “Mwene muka-kushwana na vushunga, muka-kushwana nakwononoka Njambi,

Myaso 45:4

Mu vukama vwove enda nakuvezika, omwo ya vushunga na kulikeesa na kulongwa! Co livoko lyove lya cilyo likakulongesa vyuma vyakama vyakukomokesa!

Myaso 80:15

Muzi uje uwakunine na livoko lyove lya cilyo, mukolovozi wa vushuka vwa vinyu uje uwakolesele yove vavenya!

Myaso 99:4

Mwene wa nzili wazema vushunga, yove unanena kushungama mu Isalele, kenga ngeci vushunga vulinakulingiwa.

Isaya 33:5

Shukulu Kalunga wapwa wakama! Ikeye wakala mu melu. Akashulisa Yelusalema na vushunga na kulongwa,

Isaya 4:2

Simbu ikaija omo Shukulu Kalunga akalingisa lifuti lyendi kukala na vwilo na vumpau. Co vanu va Isalele voshe vaje vakayoya vakajolela nakuvwaelela a vije vilinakumena mu lifuti lyavo.

Isaya 42:6

“Yange Kalunga njinakusana nakukwana nzili, nakumona ngeci vushunga vulinakulingiwa ano asi. Muli yove njikalinga cikumiiyo na miyati yoshe, muli yove njikasholola ceke ku mafuti.

Isaya 45:24

Vakendeka ngeci muli yange lika mukemwo muli kuhyana na nzili, oloni voshe vaje vanjizinda vakaziva shwamwa.

Isaya 52:13

Shukulu Kalunga alinakwendeka ngwendi, “Kenga, ngamba yange akavezika mu vipangi vyendi, akapwa wakama, co vanu vakamusingimika manene.

Isaya 53:10

Shukulu Kalunga alinakwendeka ngwendi, “Eci capwile cizango cange ngeci ayande, kutsa kwendi kwapwile n̄ombelo yakunena kusambesa. Ngamba yange akayoya simbu yoshe nakumona vatekulwila vendi, co muli ikeye vutumbe vwange vukaya kulutwe.

Isaya 53:2

Capwile cizango ca Shukulu Kalunga ngeci ngamba yendi akole ngwe kamuti kakandondo kamena mu livu lyakuma. Kakele na kasingimiko nambe vuvwa ngeci tumukenge. Kakele na seo ngeci tumukomoke, nacimo cai catulupwisile mbunge ngeci tukenge kuli ikeye.

Isaya 9:5

Vin̄aku vya mashwalale va nzita na vuzalo vwavo vuje vunaviya na maninga vakavyenyeka na tuhya.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 22:15

Kuma wayongola ngwove u mwene wamuvwa kutuvakana vimyene voshe nga utunga vinjuvo vya kendale vyavivwa, kutuvakana vinjuvo vya vakweni voshe ndi? Isho walile nakunwa simbu yoshe wapwile wa kulongwa na vushunga, wavezikile mu vyuma vyoshe vije vyalingile.

Njelemiya 22:3

Yange Kalunga njikushika kulinga vije vyavivwa nevi vya vushunga. Ameneni vaje vavalinakunyanyamena kuli vaje valinakuvanyanyamena. Kesi muyandese vaka-kwija, na visiwa, nambe vifwile, co kesi mutsiile vanu vakujeneka mulonga mu mutambela ou wakujela.

Njelemiya 22:30

Shukulu Kalunga nendeka ngwendi, “Munalume ou kakakala na vana, kakavezika mukuyoya kwendi kwoshe. Kakakala na vatekulwila, vaje vakamushwana mu Yunda kushwana a litanda lya Ndaviti. Yange Kalunga, njinendekamo.”

Njelemiya 23:6

Omo akapwa mwene, vanu va mu Yunda vakakala mwamuvwa, na vanu va mu Isalele vakayoya mu kwoloka. Vakamutumbula ngwavo, ‘Shukulu Kalunga Kwamena Kwetu.’ ”

Njelemiya 29:11

Yange lika njazivuka matumbe njilinawo ali yeni, matumbe akuminenela vivezikiso, kesi akuminenela tuyando twakama embwe, matumbe akuyoya kulutwe vuje vunashulu na cinyangavili.

Njelemiya 30:3

omwo simbu ilinakwija omo njikelwisa vanu vange, Isalele na Yunda. Njikavelwisila ku lifuti lije njaanene vakukulwila vavo, co likapwa lyavo lalo. Yange Kalunga, njinendekamo.”

Njelemiya 30:9

Oloni vakapangela yange Kalunga Njambi yavo, nakupangela lalo mutekulwila wa Ndaviti, uje njikemika kupwa mwene.

Njelemiya 31:27

“Yange Kalunga, njendeka ngwange simbu ilinakwija, omo njikatumisa vanu na tusitu mu lifuti lya Isalele na Yunda.

Ezekiyele 21:27

Kunyongesa, kunyongesa! Eyo, njikanyongesa eyi nganda. Oloni kucikalingiwa kuvanga naija uje injinaangula kuhisa nganda. Asinoni njikamwanayo.

Ezekiyele 34:16

“Njikashakezeka vaje vanazimbala nakwilwisa vaje valinakuyevangela mwangoco, co njikakuta vaje vanavetwa, nakukangwisa vaje valinakuvinja, oloni vaje vakununa vali na nzili njikavanyongesa, omwo yange njapwa kanyungi uje akalingi vya vushunga.

Ezekiyele 34:29

Njikavana mahya a vwilo, co njikamanesa njala ya lyangengela mu lifuti. Miyati yeka kuvakavashendumuna lalo.

Ezekiyele 45:8

Mutambela ou ukapwa wa mwene uje alinakushwana mu lifuti lya Isalele, ngeci kesi akayandese lalo vanu, oloni mutambela ukwavo wa lifuti ukapwe wa miyati ya Isalele.

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Hoziya 1:11

Vanu va mu Yunda na vanu va mu Isalele vakalipandakana. Co vakaangula ntwama yavo umolika, co lalo vakatuma manene nakuvezika mu lifuti lyavo. Eyo, litangwa lya Njezelele likapwa lyakama manene!

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.

Mika 5:3

Ngecivene, Shukulu Kalunga akana vanu vendi mu mavoko a vitozi vavo noo munakazi uje nakiti munendi wa munalume. Asinoni vavushoko vwendi vaje vasalele mu vunzinda vakeluka nakulipandakana na vaIsalele.

Zakaliya 3:8

Tolilila, Yoshwa akupwa yove Muka-kukombelela Wakama, cooni tolilileni, yeni vakwavo vaka-kukombelela, yeni munapu cimweso cacivwa ca kulutwe. Njikasholola ngamba yange, uje ivatumbula ngwavo Munango!

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Mateo 2:2

vehwile ngwavo, “Ulijo mwanike ou nasemuka uje akapwa mwene wa vaYunda? Omwo twamwene ngongonosi yendi ilinakutuuka mu ngangela, ngecivene, tunaija mukumulemesa.”

Yowano 1:45

Filipu wawanene Natanele, co wamulekele ngwendi, “Tunawana uje yasonekele Mosesa mu livulu lya Lishiko, uje lalo ivasonekele vaka-kwimanena. Ikeye Yesu muna Yosefa, wa ku Nazaleta.”

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

VaHevelu 8:8

Oloni Njambi wawanene mulonga muli vanu vendi omo wendekele ngwendi, “Shukulu Kalunga wendekele ngwendi, matangwa alinakwija omo njikalinga cikumiiyo caciha kuli vanu va Isalele, na ku muyati wa Yunda.

Kujombolola 19:11

Asinoni njamwene lilu lyashokolokele, co kwakele kavalu wakutoka. Co uje walondeleo vamutumbwile ngwavo Muka-kulongwa na Vushunga, ikeye akasompo nakulwa vinzita vyendi mu vushunga.