Njelemiya 23:39 - Livulu lya Shukulu Kalunga

³⁹ mwa vushunga vene njikavambata, co njikavombila kuti, amolika na vakevo na nganda ije injanene kuli vakevo na kuli vakukulwila vavo.

Njelemiya 23:39 Iomraidhean Croise

Kushangumuka 4:16

Kaini waile, watundile ku mesho a Shukulu Kalunga, wakakele mu lifuti lije vatumbwile ngwavo “Kwendangana” lyakele mu ngangela ya Endeni.

Kushangumuka 6:17

Kenga, njikatuma livazi lyakama ano asi mukunyongesa vyoshe vije viyoyao. Vyuma vyoshe vili ano asi vikatsa,

2 Vimyene 23:27

Shukulu Kalunga wendekele ngwendi, “Njikalinga ku Yunda ngwe vije vinjalingile ku Isalele, njikatundisa vanu va mu Yunda ku mesho ange, co njikavyana Yelusalema, nganda ije injaangwile, na Njuvo yange mwela uje njendekele ngwange lizina lyange vakalilemesela kuje.”

Myaso 51:11

Kesi unjitundise ku mesho ove, co lalo kesi unjitundise munzinzime wove wakujela.

Visimo 13:13

Nga uvyana vilongesa vya Njambi, co ulinenela tuyando, oloni uje ononoka mashiko endi vakamwana cikandelela.

Isaya 48:15

Yange njamusanene, njamutwamenenene, nakumuhyanesa.

Isaya 51:12

Shukulu Kalunga nendeka ngwendi, “Yange muka-kumitakamesa. Omwo vikajo muzivila lyova munu, uje ikeye oma na kutsa ngwe mwila?

Njelemiya 12:7

Shukulu Kalunga alinakwendeka ngwendi, “Njinaseze vaIsalele, njinavyana muyati wange wakwangula. Njinaana vanu vaje vanjazema mu mavoko a vitozi vavo.

Njelemiya 23:33

Shukulu Kalunga wendekele kuli yange ngwendi, “Njelemiya, nga umo wa ali vanu vange, nambe muka-kwimanena, nambe muka-kukombelela akwihula ngwendi, ‘Citele ca Shukulu Kalunga cika?’ Valeke ngwove, ‘Yeni munapu citele kuli Shukulu Kalunga, co ikeye akamyumbila kuti.’

Njelemiya 23:38

Nga kuvononoka mashiko ange nakwendeka ngwavo, ‘Citele ca Shukulu Kalunga.’ Ngecivene, valeke ngwove,

Njelemiya 35:17

Ngecivene, ololo, yange Kalunga, Muka-nzili yoshe, Njambi ya Isalele, njikanena ali yeni vanu va mu Yunda na vanu va mu Yelusalema, n̄avava yoshe ije injamitumbwilile. Njikalinga evi omwo kumwatolililile ku vije njendekele kuli yeni, co kumwanjikumbulwile omo njamisanene.”

Njelemiya 36:31

Njikakunyanyamesa, na vatekulwila vove, na vamyata vove, omwo a vuvi vuje vumunalingi muvavoshe. Nambe yove, nambe vanu va mu Yelusalema na mu Yunda kumwombile vimbunge kukunangula kwange, ngecivene, njikanena tuyando twakama ali yeni voshe tuje njalishungwiiye.”

Njelemiya 52:3

Shukulu Kalunga waluvalele manene na vanu va mu Yelusalema na mu Yunda, ngeci wavazilwile kutunda ku mesho endi. Zendekiya watengulukilile Mwene Nevukaneza wa ku Mbambilone nakumulwisa,

Njelemiya 7:14

Ngecivene, vije njalingile ku Shilo, vikevyo vinjikalinga ku Njuvo yange ije mwakulaela. Ku mwela uno vene unjaanene kuli vakukulwila veni amo neni, njikalinga cuma cimo vene ngeci cije njalingile ku Shilo.

Njelemiya 7:15

Yeni vanu va mu Yunda, njikamisheka mu lifuti lyange ngwe munjashekele vavushoko vweni vanu va Isalele. Yange Kalunga, njinendekamo.”

Mbimbi 5:20

Omwo vikajo unatusezela ngacije simbu yakama? Kuma kuukatwanuka lalo ndi?

Ezekiyele 34:11

“Yange Kalunga wa Akamwa ya Vyoshe, njimileka ngwange yange vavenya njikashakezeka vimanga vange, co njikavanyunga,

Ezekiyele 34:20

“Ngecivene, ololo, yange Kalunga wa Akamwa ya Vyoshe, njimileka ngwange, njikasompa akati ka vimanga vakununa na vimanga vakuyondwa.

Ezekiyele 5:8

Ngecivene, yange Kalunga wa Akamwa ya Vyoshe, njikuleka ngwange yange njinapu nji citozi cove. Njikakuhisa oku miyati yoshe inakumono.

Ezekiyele 6:3

Leka minkinda ya Isalele ngeci izive lijwi lya Shukulu Kalunga, izive vije yange Kalunga wa Akamwa ya Vyoshe njendeka ku minkinda, na ku malundu, na ku mingulunga, na ku vimbongo ngwange, ‘Njikatuma mukwale mukunyongesa mitambela kuje kuvakalemesa vanu tumponya.

Ezekiyele 8:18

Vakaziva nzili yoshe ya vukalu vwange. Kunjikavecelela ngoco, nambe kuvazivilako mema ku mbunge. Vakalombela nakutambeka kuli yange ngwe muvasela, oloni kunjikavatolilila.”

Ezekiyele 9:6

Tsiyeni vakulunu, na vakwenje, na vambanda, na vainavo, na vana. Oloni kesi mukwate uje ali na cizivukiso a luholo lwendi. Shangumukileni vene kuno ku Njuvo yange.” Ngecivene, vashangumukilile kuli vantwama vaje vemanene ku Njuvo ya Shukulu Kalunga.

Hoziya 4:6

Vanu vange vali na luvinda omwo kuvesi nakunjononoka. Yeni vaka-kukombelela munavyana kunjononoka, co lalo munavyana vilongesa vyange, ngecivene, njikamivyana, co kunjikatava vana veni kupwa vaka-kukombelela vange.

Hoziya 5:14

Njikalwisa vanu va mu Isalele na vanu va mu Yunda ngwe ndumba. Co njikavasanyozola vipuka-vipuka nakuvaseza. Omo njikavakokangeya nakuvatwala, naumo wai akasa kuvamena.

VaLevi 26:28

co mukuluvala kwange njikamitengulukila nakumihisa lalo visimbu vitanu na vivali a vuvi vweni kutuvakana a simbu yakulivanga.

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Kwituluka mu Mashiko 32:39

“ ‘Yange, yange lika, njapwa Njambi, kukwesi njambi weka lalo wa vushunga wai. Njikatsii, co njana mwonyo, njikavetwesa, co njikangwisa, naumo wai asa kupopolola vije vinjinalingi.

2 Tesalonika 1:9

Co vakayanda na n̄avava ya myaka yoshe, nakuvangununa ku mesho a Mwene na ku vumpau vwendi vwakama,