Njelemiya 23:32 - Livulu lya Shukulu Kalunga

³² Tolilileni vinjendeka yange Kalunga! Njazinda vaka-kwimanena vaje vambulula vinjozi vya makuli, co vaungumwisa vanu vange na makuli avo na kulyalesa kwavo. Yange kunjavatumine nambe kuvashika ngeci vaye, co lalo kuvesi na seo kuli vanu. Yange Kalunga, njinendekamo.”

Njelemiya 23:32 Iomraidhean Croise

Yombi 13:4

Yeni mu vaka-kumanga vya makuli, mwapwa ngwe vimbanda va makuli vaje kuvasa kukangwisa vanu.

Isaya 3:12

Vaka-kukumwisa vimbongo valinakuyandesa vanu vange, co vaje vavakumwisa valinakuvakwisa. Vanu vange, vantwama veni valinakumyungumwisa, ngeci mujeneke kuzivuka mu ngila ikajo mumunapande kuya.

Isaya 9:15

Vakulunu na vanalume va kasingimiko vanapu mutwe, co vaka-kwimanena va vilongesa vya makuli vanapu mukila!

Njelemiya 23:13

Njinamono vuvi vwa vaka-kwimanena va ku Samaliya, vanambulula mu lizina lya Mbale nakuungumwisa vanu vange va Isalele.

Njelemiya 23:16

Shukulu Kalunga Muka-nzili yoshe wendekele kuli vanu va mu Yelusalema ngwendi, “Kesi mutolilile ku vije vendeka vaka-kwimanena, valinakumilongesa vya makuli. Vamileka vije vivalukiya vakevo vavenya, kesi vije vinjendeka yange embwe.

Njelemiya 23:25

Yange njazivuka vivanendeka vaje vaka-kwimanena vaje vambulula vya makuli mu lizina lyange, nakwendeka ngwavo njavaleke majwi mu vinjozi vyavo.

Njelemiya 23:31

Co lalo njazinda vaka-kwimanena vaje vendeka majwi avo, co vambulula ngwe atunda kuli yange.

Njelemiya 29:31

njitume majwi awa kuli vinzinda voshe vaje vali ku Mbambilone, njivaleke vije vyanendeka Shukulu Kalunga ali Shemaya ngwange Shukulu Kalunga nendeka ngwendi, “Shemaya wambulwile vuka-kwimanena kuli yeni, oloni kunjamutumine embwe, namilingisa ngeci mukulaele vya makuli.

Njelemiya 7:8

“Kengeni, mulinakukulaela majwi a makuli.

Mbimbi 2:14

Vaka-kwimanena vove navimo vyai vya vushunga vakulekele, kuvanga makuli lika, vakukwisile nakwambulula kwavo, co yove kuwalitavelele vuvi vwove. Vakevo vakulingisile kuyongola ngeci kesi utenguluke ku vuvi vwove.

Mbimbi 3:37

Naumo wai asa kulinga cuma cimo kwakujeneka cizango ca Shukulu Kalunga.

Zefaniya 3:4

Vaka-kwimanena vapwa vaka-kulyalesa na vaka-muuka, co vaka-kukombelela vakajwalesa vije vinajele, co vatengulula lishiko lya Njambi ngeci vafuke mu ngila kesi ikeyo.

Zakaliya 10:2

Vanu vakai nakwihula ku tumponya na kuli vaka-kulukiya, oloni kukumbulula kwavo kwapwa kwangoco na makuli. Vamo vakalumbununa vinjozi, oloni vamitanganesa lika, kuzembeleka kuje vakamwesa kwapwa kwangoco. Ngecivene, vanu vakalyendanganena ngoco ngwe vimanga kuvesi na kanyungi. Vali mu vushonde omwo kuvesi na ntwama.

Mateo 15:14

Veceleni, kesi mulinyenge ali vakevo! Vakevo vanapu vantwama va tupuputwa vatwamenena tupuputwa vakwavo. Co nga kapuputwa atwamenena kapuputwa mukwavo, voshe vavali vakawila mu mbulu.”

2 Kolinte 1:17

Omo njayongwele kulinga ngeci, kuma njakele na vimbunge vivali ndi? Nambe vije vinjiyongola kuma njiyongola vya vusitu ngeci njendeka ngwange, “Eyo, eyo,” nambe “Embwe, embwe” a simbu imolika ndi?

Kwituluka mu Mashiko 18:20

Oloni nga muka-kwimanena uje akomukwa nakwendeka lijwi limo mu lizina lyange lije kunjamushikile kulyendeka, nambe akendeka mu lizina lya vinjambi veka, co muka-kwimanena uje akatse vene.’

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.