Njelemiya 23:25 - Livulu lya Shukulu Kalunga

²⁵ Yange njazivuka vivanendeka vaje vaka-kwimanena vaje vambulula vya makuli mu lizina lyange, nakwendeka ngwavo njavaleke majwi mu vinjozi vyavo.

Njelemiya 23:25 Iomraidhean Croise

Kushangumuka 37:5

A vutsiki vumo Yosefa walotele njozi, wailekele vandolome vendi, cooni vamuzindile manene kutuvakana.

Kushangumuka 37:9

Yosefa walotele lalo njozi ikwavo, wailekele lalo vandolome vendi ngwendi, “Kengeni njaloto njozi ikwavo lalo, njamwene litangwa, na ngonde, na vingongonosi likumi na imo vilinakunjitsikamena.”

Myaso 139:2

Yove uzivuka vyuma vyoshe vinjikalingi, nambe uli kulyala, oloni uzivuka viyongola vyange vyoshe.

Myaso 139:4

Nameme omo kanda njicendeke, yove wazivuka laja vika njendeka.

Njelemiya 13:27

Ikeye namimono mumuli nakulinga vije vyazinda. Ikeye namimono omo mulinakukavangeya vinjambi va makuli na nakulinga vupangala a malundu na mu mahya, ngwe munalume ashungwiya munakazi wa musamba wendi, nambe ngwe kavalu wa nkomba alinakweveyeya kavalu wa lwavo. Yeni vanu va mu Yelusalema, munavindama! Simbu mukajo mukajela?

Njelemiya 14:14

Oloni Shukulu Kalunga wakumbulwile ngwendi, “Vaka-kwimanena valinakwendeka makuli mu lizina lyange, kunjavatumine embwe, nameme kuvana mashiko amo, nambe kwendeka lijwi limo kuli vakevo lyai. Vimona vije valinakwambulula kuvyesi nakutunda kuli yange, oloni vinapu vimona vyavo vyangoco, na manseno avo vavenya na viyongola vyavo vavenya.

Njelemiya 16:17

Njamono vyoshe vivalinakulinga. Cuma nacimo cai cakuvanda kuli yange, vuvi vwavo kuvwavandele ku mesho ange.

Njelemiya 23:28

Muka-kwimanena uje alota njozi ambulule lika vya njozi yendi, oloni muka-kwimanena uje nazivi majwi ange, napande kuwambulula mu vushunga. Vishati vili na vuvwa mukajo nga vavyeseka na tiliku?

Njelemiya 23:32

Tolilileni vinjendeka yange Kalunga! Njazinda vaka-kwimanena vaje vambulula vinjozi vya makuli, co vaungumwisa vanu vange na makuli avo na kulyalesa kwavo. Yange kunjavatumine nambe kuvashika ngeci vaye, co lalo kuvesi na seo kuli vanu. Yange Kalunga, njinendekamo.”

Njelemiya 27:10

Valinakumikwisa, nakumilingisa ngeci vamitundise ku lifuti lyeni. Njikamishekela kulyala, co mukanyonga.

Njelemiya 27:15

Vavenya Shukulu Kalunga nendeka ngwendi kavatumine, valinakumikwisa mu lizina lyendi. Ngecivene, akamisheka, co vakamitsiya, yeni na vaka-kwimanena vaje valinakumileka vya makuli.”

Njelemiya 29:23

Eci cikapwa luvinda lwavo omwo vali na mulonga wakama wa vuvi, omwo vanalingi vupangala, co vanendeka makuli mu lizina lya Shukulu Kalunga. Eci kucapwile cizango ca Shukulu Kalunga, ikeye azivuka vije vivanalingi, co napu mukaleo ali vakevo. Shukulu Kalunga nendekamo.”

Njelemiya 29:8

Yange Kalunga, Njambi ya Isalele njiminangula ngwange kesi mutave vamikwise kuli vaka-kwimanena vaje vali akati keni, nambe vamo veka vaje vendeka ngwavo vasa kwambulula vyuma vya kulutwe. Kesi mumbeko mbunge ku vinjozi vyavo.

Njelemiya 8:6

Njatolililile mwamuvwa, oloni kumwendekele vushunga. Naumo wai wa ali yeni ali na vusiwa vwa vuvi vwendi, co lalo naumo wai wa ali yeni wehwile ngwendi, ‘Vuvi mukajo njinalingi?’ Munu na munu alinakuya mu ngila yendi, ngwe kavalu ashatukila mu nzita.

Mbimbi 2:14

Vaka-kwimanena vove navimo vyai vya vushunga vakulekele, kuvanga makuli lika, vakukwisile nakwambulula kwavo, co yove kuwalitavelele vuvi vwove. Vakevo vakulingisile kuyongola ngeci kesi utenguluke ku vuvi vwove.

Ezekiyele 22:28

Vaka-kwimanena vanashweke vuvi ovu ngwe vanu muvakakwiti civumbe na mufwitilo wakutoka. Vakamono vimona vya makuli, co vambulula vyuma vya makuli. Vendeka ngwavo evi vikevyo vyanendeka Shukulu Kalunga wa Akamwa ya Vyoshe, oloni yange Kalunga, kunjendekele kuli vakevo embwe.

Njwele 2:28

“Munima yevi njiketila munzinzime wange ali munu na munu. Vana veni va vanalume na ava va vanakazi vakambulula vuka-kwimanena, co tukulukazi veni vakalota vinjozi, vakwenje veni vakamona vimona.

Zakaliya 13:3

Asinoni nga munu umo anga akashaka kwambulula vuka-kwimanena, co vaishe na vaina vakamunangula ngwavo yove unapande kutsa vene, omwo ulinakwendeka makuli mu lizina lya Shukulu Kalunga. Nga anga akatwalao kwambulula vuka-kwimanena, co vaishe na vaina vakamutsiya na mukwale.

Kulava 12:6

Co Shukulu Kalunga wendekele ngwendi, “Njitolilileni evi njendeka! Nga kwali muka-kwimanena akati keni, yange Kalunga njilisholola kuli ikeye mu cimona nakwendeka nendi mu njozi,

Mateo 1:20

Oloni simbu wacikele nakuyongola ngeci, kangelo ka Mwene washolokele kuli ikeye mu njozi ngwendi, “Ove Yosefa, wa ku naanga ya Ndaviti, kesi uzive lyova lyakwambata munakazi wove Maliya, omwo kafumba aka kalinako kanatundu ku Munzinzime Wakujela.

Luka 12:3

Ngecivene, cuma coshe munendeka mu vushweke vakaciziva mu mbunga, co vyoshe vije munayeveta mu vushweke mu mulili wakushoka vakavitambeka mu lifuti mwoshe.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.