Njelemiya 23:21 - Livulu lya Shukulu Kalunga

²¹ Shukulu Kalunga wendekele ngwendi, “Kunjatumine vaka-kwimanena ava, oloni nameme ngoco vaile. Kunjaavanene majwi akwendeka, oloni anga vambulwile vuka-kwimanena mu lizina lyange.

Njelemiya 23:21 Iomraidhean Croise

Isaya 6:8

Asinoni njazivile lijwi lya Shukulu Kalunga ngwalyo, “Iyajo injikatuma! Iyajo akapwa muluwa wetu?” Co njakumbulwile ngwange, “Yange unoye! Njitumeni!”

Njelemiya 14:14

Oloni Shukulu Kalunga wakumbulwile ngwendi, “Vaka-kwimanena valinakwendeka makuli mu lizina lyange, kunjavatumine embwe, nameme kuvana mashiko amo, nambe kwendeka lijwi limo kuli vakevo lyai. Vimona vije valinakwambulula kuvyesi nakutunda kuli yange, oloni vinapu vimona vyavo vyangoco, na manseno avo vavenya na viyongola vyavo vavenya.

Njelemiya 23:32

Tolilileni vinjendeka yange Kalunga! Njazinda vaka-kwimanena vaje vambulula vinjozi vya makuli, co vaungumwisa vanu vange na makuli avo na kulyalesa kwavo. Yange kunjavatumine nambe kuvashika ngeci vaye, co lalo kuvesi na seo kuli vanu. Yange Kalunga, njinendekamo.”

Njelemiya 27:14

Kesi utolilile kuli vaka-kwimanena vaje vakuleka ngwavo kesi uliite kuli ikeye. Valinakukukwisa.

Njelemiya 27:15

Vavenya Shukulu Kalunga nendeka ngwendi kavatumine, valinakumikwisa mu lizina lyendi. Ngecivene, akamisheka, co vakamitsiya, yeni na vaka-kwimanena vaje valinakumileka vya makuli.”

Njelemiya 28:15

Asinoni njalekele Hananiya ngwange, “Tolilila, Hananiya! Shukulu Kalunga kakutumine embwe, co ulinakulingisa ava vanu kukulaela makuli.

Njelemiya 29:31

njitume majwi awa kuli vinzinda voshe vaje vali ku Mbambilone, njivaleke vije vyanendeka Shukulu Kalunga ali Shemaya ngwange Shukulu Kalunga nendeka ngwendi, “Shemaya wambulwile vuka-kwimanena kuli yeni, oloni kunjamutumine embwe, namilingisa ngeci mukulaele vya makuli.

Njelemiya 29:8

Yange Kalunga, Njambi ya Isalele njiminangula ngwange kesi mutave vamikwise kuli vaka-kwimanena vaje vali akati keni, nambe vamo veka vaje vendeka ngwavo vasa kwambulula vyuma vya kulutwe. Kesi mumbeko mbunge ku vinjozi vyavo.

Njelemiya 29:9

Valinakumileka makuli mu lizina lyange. Kunjavatumine embwe. Yange Kalunga Muka-nzili yoshe, njinendekamo.’

Yowano 20:21

Yesu wendekele lalo kuli vakevo ngwendi, “Kwoloka kukale neni. Ngwe omo Tate wanjitumine, ngecivene, nange lalo njimituma.”

Vilinga vya Miluwa 13:4

Ngecivene, omo Munzinzime Wakujela wavatumine, Mbanambase na Saulu vaile ku Seleusiya, co vatundile kuje vajavukile nakuya ku lin̄anda lya ku Sepulasi.

Loma 10:15

Co vatijo vambulula lijwi nga tunganda kuvavatumine? Ngwe muvyendeka visoneka ngwavyo, “Kunapu kuvwaelela kwakukomokesa omo tunganda vaija nakunena vin̄anda vyavivwa!”