Njelemiya 23:17 - Livulu lya Shukulu Kalunga

¹⁷ Valeka vanu vaje vanavyana kutolilila kuli yange ngwavo vakakala mu kwoloka, co valeka woshe uje nakaluwisa mbunge yendi ngwavo kukwesi vukalu vukaija kuli ikeye.”

Njelemiya 23:17 Iomraidhean Croise

2 Samwele 12:10

Co ololo, mu cisemwa na cisemwa ca vatekulwila vove vamo vakatsa ku monde omwo kuwanjononokele, co lalo unambata munakazi wa Uliya.

Isaya 30:10

Vendeka kuli vaka-kwimanena ngeci voloke kuluu ngwavo, “Kesi mutuleke vya vushunga. Tulekeni lika vyuma vyavivwa. Ambululeni lika vya makuli.

Isaya 57:21

Shukulu Kalunga alinakwendeka ngwendi, “Kukwesi kuhwima kuli vaka-vuvi.”

Njelemiya 13:10

Vanu ava vanapu vavavi omwo vanavyana kwononoka majwi ange. Vakevo vanakaluwisa vimbunge vyavo manene kutuvakana akulivanga, vanalemesa nakupangela vinjambi veka. Ngecivene, vakafwa ngwe ou mwiva wakuliwa.

Njelemiya 18:12

Vakakukumbulula ngwavo, ‘Embwe, omwo vikajo tutenguluka? Yetu voshe tukakaluwisa vimbunge vyetu, nakulinga vuvi ngwe mutushakela kulinga!’ ”

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Njelemiya 3:17

Simbu ikaija omo Yelusalema vakaitumbula ngwavo, ‘Litanda lya Shukulu Kalunga,’ co miyati yoshe ya vanu vakakungulukilako mukunjilemesa. Co kuvakakavangeya vilinga vya vimbunge vyavo vyakukaluwa.

Njelemiya 4:10

Asinoni njendekele ngwange, “Yove Shukulu Kalunga wa Akamwa ya Vyoshe, mwa vushunga unakwisa vanu va mu Yelusalema akwendeka ngwove kukakala kwoloka, oloni mukwale anga ucili ku milivu yavo.”

Njelemiya 5:12

Vanu vanavyana Shukulu Kalunga, co vanendeka ngwavo, “Nacimo cai cakalinga. Shukulu Kalunga kakatunyanyamesa, kukukakala nzita nambe njala ya lyangengela embwe.”

Njelemiya 6:14

Vanapwisa vimbandu vya vanu vange ngwe vitunyu vitunyu, co vendeka ngwavo vinolo, oloni kuvyolele.

Njelemiya 7:24

Vakukulwila veni kuvononokele nambe kumbako mbunge, oloni valingile ngwe muvyavalekele vimbunge vyavo vyakukaluwa, co vaviile manene.

Njelemiya 8:11

Vanapwisa vimbandu vya vanu vange ngwe vitunyu vitunyu, co vendeka ngwavo vinolo, oloni kuvyolele.

Njelemiya 9:14

Oloni vanakaluwisa vimbunge vyavo nakulemesa kamponya Mbale ngeci muvalingile vakukulwila vavo.

Mbimbi 2:14

Vaka-kwimanena vove navimo vyai vya vushunga vakulekele, kuvanga makuli lika, vakukwisile nakwambulula kwavo, co yove kuwalitavelele vuvi vwove. Vakevo vakulingisile kuyongola ngeci kesi utenguluke ku vuvi vwove.

Ezekiyele 13:10

“Vaka-kwimanena valinakuungumwisa vanu vange akwendeka ngwavo vyuma vyoshe vinapu vyavivwa. Oloni mwa vushunga vyuma vyoshe kesi vyavivwa embwe! Vanu vange vanatungu civumbe ca mamanya akushengenya, co vaka-kwimanena vanaija nakucikwita mufwitilo wakutoka.

Ezekiyele 13:19

Mulinakunjishaula ku mesho a vanu vange, ngeci mushulise mavoko eni na mbale ya maumwa na mikasha yaindondo ya makende. Mukatsii vanu vaje kuvapandele kutsa, nakuyoyesa vaje vanapandele kutsa. Mwambulula makuli kuli vanu vange, co vamitava.’ ”

Ezekiyele 13:22

“A makuli eni, mulinakutanganesa vanu vavavwa, vaje kunjashakele ngeci vavulumuke. Mulinakuvindika vaka-vuvi kwecela vuvi vwavo ngeci vayoye.

Amose 9:10

Vaka-vuvi vaje vali akati ka vanu vange vakavatsiila mu nzita, voshe vaje vendeka ngwavo, ‘Njambi kakatava vuvi ngeci vwete kuli yetu.’ ”

Mika 2:11

“Ava vanu vashaka muka-kwimanena uje wa vishaki na makuli, nakwendeka ngwendi, ‘Njambulula ngeci vinyu na vwala vikamitumina!’

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Mika 3:5

Vanu vange vanavakwisa kuli vaka-kwimanena vaje vakulaesa kwoloka kuli vaje vavafweta, oloni vambulula muzimbu wa nzita yakujujwisa kuli vaje vajeneka kuvafweta. Shukulu Kalunga alinakwendeka kuli ava vaka-kwimanena ngwendi,

Zefaniya 1:12

“A simbu ije njikambata ndeya nakushakezeka mu Yelusalema. Njikanyanyamesa vanu vaje valinakulivwaelelesa nakulikulaesa vakevo vavenya, vaje vendeka ngwavo, ‘Shukulu Kalunga kakalingi cuma cimo kuli yetu.’

Zakaliya 10:2

Vanu vakai nakwihula ku tumponya na kuli vaka-kulukiya, oloni kukumbulula kwavo kwapwa kwangoco na makuli. Vamo vakalumbununa vinjozi, oloni vamitanganesa lika, kuzembeleka kuje vakamwesa kwapwa kwangoco. Ngecivene, vanu vakalyendanganena ngoco ngwe vimanga kuvesi na kanyungi. Vali mu vushonde omwo kuvesi na ntwama.

Malakiya 1:6

Shukulu Kalunga Muka-nzili yoshe alinakwendeka kuli vaka-kukombelela ngwendi, “Mwana asingimika ishe, na ngamba asingimika shukwa-ina. Nga yange njapwa nji ishweni, omwo vikajo kumunjisingimikila? Nga njapwa nji shukwa-nyokweni, omwo vikajo kumunjisingimikila? Yeni mulinakunjiyeluwisa, co munjihula ngweni, ‘Tunakuyeluwisa vatijo?’

Kulava 11:20

oloni mukailya ngonde yoshe yamutunu, noo mukayenukwa. Eci cikalingiwa omwo yeni munavyana Shukulu Kalunga ou ali akati keni, co munalinyenyetelele kuli ikeye ngweni omwo vikajo twatundilile mu Ingito!’ ”

Luka 10:16

Yesu wendekele kuli vandongisi vendi ngwendi, “Woshe uje amitolilila, atolilila yange, woshe uje amivyana avyana yange, co woshe uje anjivyana, avyana uje wanjitumine.”

Kwituluka mu Mashiko 29:18

Mwa vushunga vene kesi kukakale munalume, nambe munakazi, nambe naanga, nambe muyati akati keni munemana kuno ku litangwa lya lelo akatenguluka nakutunda kuli Shukulu Kalunga Njambi yetu nakulemesa vinjambi va miyati ije embwe. Cuma eci cinalifu ngwe muzi ulinakukula kupwa muti wakulula na vushungu vwa kutsa.

Kwituluka mu Mashiko 29:19

Ngecivene, kesi kukakale munu umo uje nemana kuno ku litangwa lya lelo uje alinakuziva cikumiiyo eci cakusatesa na cisingo, uje ayongola ngwendi vyoshe vikenda mwamuvwa kuli ikeye, nameme akakateya nakukaluwisa mbunge yendi nakuya mu ngila yendi vavenya. Eci cikaminyongesa yeni voshe, vavavwa na vavavi amolika.

1 Tesalonika 4:8

Ngecivene, woshe uje avyana vilongesa evi kavyana munu, oloni alinakuvyana Njambi, uje akamyana Munzinzime wendi Wakujela.

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.