Njelemiya 23:15 - Livulu lya Shukulu Kalunga

¹⁵ “Ngecivene, evi vikevyo vinjendeka yange Kalunga Muka-nzili yoshe ali vaka-kwimanena va mu Yelusalema. Njikavalisa vimena vyakulula, nakuvanwisa mwaze omwo vanashandola vuvi mu lifuti mwoshe.”

Njelemiya 23:15 Iomraidhean Croise

Myaso 69:21

Omo njakele na njala, vanjanene nyanga, omo njakele na lihwila, co vanjanene vinyu vyakulula.

Njelemiya 14:15

Yange Kalunga njikuleka vije vinjikalinga kuli vaka-kwimanena vaje kunjatumine, vakevo valinakwendeka mu lizina lyange, vendeka ngwavo nzita na njala ya lyangengela kuvikakalamo mu lifuti lyavo, oloni njikavatsiila mu nzita nakuvalandwisa ku njala.

Njelemiya 8:14

Vanu va mu Yunda vehwile ngwavo, “Omwo vikajo twatumbamene kuluu? Tuteweleni ku vinganda vya vimpaka vyakukola tukatsileko. Shukulu Kalunga Njambi yetu natuhisa natwana mwaze tunwe ngeci tutse, omwo tunalingi vuvi ku mesho endi.

Njelemiya 9:14

Oloni vanakaluwisa vimbunge vyavo nakulemesa kamponya Mbale ngeci muvalingile vakukulwila vavo.

Njelemiya 9:15

Ngecivene, tolilileni cinjikalinga yange Kalunga Muka-nzili yoshe, Njambi ya Isalele, njikalisa vanu vange vyakulya vyakulula nakuvanwisa mwaze.

Mbimbi 3:15

Wanjisindiiye kunwa vyakulula nakunjilisa vyakulya na vyakunwa vyakulula.

Mbimbi 3:19

Viyongola vyakukemanga kwange, na vulika vwange vilula ngwe mwaze.

Mbimbi 3:5

Nanjishokela mu kamenga kakukaluwa na tuyando.

Zakaliya 13:2

A litangwa lije njikatundisa mazina a tumponya mu lifuti, co naumo wai lalo akavanuka. Njikatundisa woshe uje akalitumbula muka-kwimanena, co njikatundisa cizango cakulemesa tumponya.

Mateo 27:34

Vaanene Yesu vinyu vyakukumbasana na nyanga ngeci anwe, oloni omo wavimakelele, wavyanene kuvinwa.

Kwituluka mu Mashiko 29:18

Mwa vushunga vene kesi kukakale munalume, nambe munakazi, nambe naanga, nambe muyati akati keni munemana kuno ku litangwa lya lelo akatenguluka nakutunda kuli Shukulu Kalunga Njambi yetu nakulemesa vinjambi va miyati ije embwe. Cuma eci cinalifu ngwe muzi ulinakukula kupwa muti wakulula na vushungu vwa kutsa.

Kujombolola 8:11

(Lizina lya ije ngongonosi likelyo “Mwaze”.) Co litambelo lyamucitatu lya mema lyemukile kupwa mwaze, co vanu vavangi vatsile mukunwa ku mema aje, omwo akewo atengulukile kupwa mwaze.