Njelemiya 23:14 - Livulu lya Shukulu Kalunga

¹⁴ Oloni njinamono vaka-kwimanena mu Yelusalema, vakevo ni vanai mweka valinga vupangala nakwendeka makuli, vakundwiya vanu kulinga vuvi, ngeci naumo wai alikela kulinga vuvi. Kuli yange, voshe vanapu vavavi ngwe vanu va ku Sondoma na Ngomola.

Njelemiya 23:14 Iomraidhean Croise

Kushangumuka 13:13

Vanu va ku Sondoma vapwile vaka-vuvi, valingile vyuma vyavivi manene ku mesho a Shukulu Kalunga.

Kushangumuka 18:20

Asinoni Shukulu Kalunga wendekele kuli Avilahama ngwendi, “Njinazivi a vuvi vwakukomokesa vuli mu Sondoma na Ngomola.

Kushangumuka 19:24

Aje vene, Shukulu Kalunga wanyokesele tuhya twa lilungu lyakama a vinganda vya Sondoma na Ngomola.

Kushangumuka 19:25

Co wanyongesele membo oshe, na cana coshe, amo na vanu voshe vakelemo, na vyuma vyoshe vije vyamenene muje.

Isaya 9:15

Vakulunu na vanalume va kasingimiko vanapu mutwe, co vaka-kwimanena va vilongesa vya makuli vanapu mukila!

Njelemiya 14:14

Oloni Shukulu Kalunga wakumbulwile ngwendi, “Vaka-kwimanena valinakwendeka makuli mu lizina lyange, kunjavatumine embwe, nameme kuvana mashiko amo, nambe kwendeka lijwi limo kuli vakevo lyai. Vimona vije valinakwambulula kuvyesi nakutunda kuli yange, oloni vinapu vimona vyavo vyangoco, na manseno avo vavenya na viyongola vyavo vavenya.

Njelemiya 18:13

Shukulu Kalunga alinakwendeka ngwendi, “Ihula miyati yoshe ya vanu nga cuma eci calingiwileo ku san̄ulu. Vanu va Isalele vanalingi cuma cakukomokesa!

Njelemiya 20:16

Apwe ngwe vinganda vije vyanyongesele Shukulu Kalunga, kwonwa kuvizivilako mema ku mbunge. Azive mutambi wa kuuya-uya ku simbu ya mutondo na mutambi wa nzita ku simbu ya mutanya,

Njelemiya 23:17

Valeka vanu vaje vanavyana kutolilila kuli yange ngwavo vakakala mu kwoloka, co valeka woshe uje nakaluwisa mbunge yendi ngwavo kukwesi vukalu vukaija kuli ikeye.”

Njelemiya 23:22

Nga vazivukile viyongola vyange vya mu vushweke, nga vambulwile majwi ange ku vanu vange nakuvatundisa ku vingila vyavo vya vuvi, na ku vilinga vyavo vya kupenga-penga.

Njelemiya 23:32

Tolilileni vinjendeka yange Kalunga! Njazinda vaka-kwimanena vaje vambulula vinjozi vya makuli, co vaungumwisa vanu vange na makuli avo na kulyalesa kwavo. Yange kunjavatumine nambe kuvashika ngeci vaye, co lalo kuvesi na seo kuli vanu. Yange Kalunga, njinendekamo.”

Njelemiya 29:21

Shukulu Kalunga Muka-nzili yoshe, Njambi ya Isalele, nendeka ali Ahave muna Kolaya na Zendekiya muna Maseya, vaje valinakumileka makuli mu lizina lyendi. Nendeka ngwendi akavaka mu mavoko a Mwene Nevukaneza wa Mbambilone, uje akavatsiya oku munakengeko.

Njelemiya 29:23

Eci cikapwa luvinda lwavo omwo vali na mulonga wakama wa vuvi, omwo vanalingi vupangala, co vanendeka makuli mu lizina lya Shukulu Kalunga. Eci kucapwile cizango ca Shukulu Kalunga, ikeye azivuka vije vivanalingi, co napu mukaleo ali vakevo. Shukulu Kalunga nendekamo.”

Njelemiya 36:2

“Nona livulu usonekemo vyuma vyoshe vinjinakuleke ali Isalele, na a Yunda, na a miyati yoshe. Co soneka vyuma vyoshe vije njakulekele, kutunda ku simbu yakulivanga ije njendekele kuli yove omo Yosiya wapwile mwene, kweta na simbu ino.

Njelemiya 49:18

Cuma cimolika cikalingiwa ku Endome ngwe cije calingiwile ku Sondoma na Ngomola, omo vakevo na vinganda vyakwatako vavinyongesele. Co naumo wai lalo akakala muje. Yange Kalunga, njinendekamo.

Mbimbi 4:6

Vanu vange vanavanyanyamesa manene kutuvakana vuvi vwa Sondoma, nganda ije yanyongele na nzili ya Njambi.

Ezekiyele 13:16

vakevo vaje vaka-kwimanena vakulaesele Yelusalema ngwavo vyuma vyoshe vinapu vyavivwa, kuma vyuma kuvyapwile vyavivwa embwe!” Mwanendeka Shukulu Kalunga wa Akamwa ya Vyoshe.

Ezekiyele 13:19

Mulinakunjishaula ku mesho a vanu vange, ngeci mushulise mavoko eni na mbale ya maumwa na mikasha yaindondo ya makende. Mukatsii vanu vaje kuvapandele kutsa, nakuyoyesa vaje vanapandele kutsa. Mwambulula makuli kuli vanu vange, co vamitava.’ ”

Ezekiyele 22:25

Vantwama vavo vanapu ngwe vindumba valinakwaana omo vasanyozola tusitu vaje vavanatsii. Vatsiya vanu nakwambata vimbongo vyoshe na vufuko vuje vuvawana, co akutsiya kwavo oku, valinakupwisa vanakazi vavangi vifwile.

Hoziya 6:10

Njinamono cuma ca vunyengwe mu Isalele, vanu vange vanalijwalesa vakevo vavenya mukulemesa tumponya.

Amose 4:11

“Njanyongesele vamo veni ngwe munjanyongesele Sondoma na Ngomola. Co vamo veni vaje vaputumukileo vapwile ngwe cimbundi cakwenya cije civanatundisa mu liko. Nameme ngoco kumwelukile kuli yange.” Mwanendeka Shukulu Kalunga.

Mika 1:5

Evi vyoshe vikalingiwa omwo vanu va mu Isalele vanalingi vuvi na kutengulukila Njambi. Iyajo ivavayesa akutengulukila kwa Isalele? Kuma kesi Samaliya ndi? Iyajo uje ali na mulonga wa vukwizi mu Yunda? Kuma kesi Yelusalema ndi?

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Zefaniya 3:4

Vaka-kwimanena vapwa vaka-kulyalesa na vaka-muuka, co vaka-kukombelela vakajwalesa vije vinajele, co vatengulula lishiko lya Njambi ngeci vafuke mu ngila kesi ikeyo.

Zakaliya 13:2

A litangwa lije njikatundisa mazina a tumponya mu lifuti, co naumo wai lalo akavanuka. Njikatundisa woshe uje akalitumbula muka-kwimanena, co njikatundisa cizango cakulemesa tumponya.

Malakiya 1:1

Ovu vukevwo vuka-kwimanena vwa lijwi lya Shukulu Kalunga kuli Isalele ali Malakiya.

Mateo 11:24

Oloni njimileka ngwange, a Litangwa Lyakusompa Njambi akatetela manene vanu va ku Sondoma kutuvakana yeni.”

Kwituluka mu Mashiko 32:32

Vitozi vavo vapwa vavavi manene ngwe Sondoma na Ngomola, vapwa ngwe mikolovozi ya vushuka vwa vinyu ije ikemi vushuka vwakulula, na makasha-kasha avwo apwa akulula,

1 Timateo 4:2

Vilongesa evi vilinakutunda kuli vanu vaka-kuseveleka na vaka-makuli, vaje vitaku-taku vyavo vinatsi, ngwe vyakwenyeka na cikuvo ca tuhya.

2 Petulu 2:6

Njambi wahisile vinganda vya Sondoma na Ngomola, wavinyongesele na tuhya, co wavipwisile cimweso ali vije vikalingiwa kuli vaka-vuvi.

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Kujombolola 11:8

co mivila yavo vakailangeka mu tapalo ya nganda yakama, kuje kuvashukikilile Mwene yavo. Cizivukiso ca lizina lya nganda ije lyapwa Sondoma nambe Ingito.

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.