Njelemiya 23:11 - Livulu lya Shukulu Kalunga

¹¹ Shukulu Kalunga alinakwendeka ngwendi, “Vaka-kwimanena na vaka-kukombelela voshe kesi vaka-kunjikomoka, njinavawana valingila vuvi mu Njuvo yange.

Njelemiya 23:11 Iomraidhean Croise

2 Mizimbu 33:5

Co mu vimbanja vivali vya mu Njuvo ya Shukulu Kalunga watungililemo mitula yakulemesela vingongonosi.

2 Mizimbu 33:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Njambi kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela wakunjilemesela.

2 Mizimbu 36:14

Co lalo vantwama va mu Yunda, na vaka-kukombelela, amolika na vanu, vakavangeyeye vilinga vyavivi vya miyati ije yavazengelekele nakulemesa tumponya, mu ngila eyi vajwalesele Njuvo ya Shukulu Kalunga, ije yajelesele vavenya Shukulu Kalunga.

Ezela 10:18

Ou ukewo mukana wa mazina a vaje vanalume vambatele vanakazi kesi vaYunda. Mukana wa vikota vya vaka-kukombelela. Ku cikota ca Yoshwa na vandolome vendi, vana va Yehozandake vapwile, Maseya, Elyazale, Njalive, na Ngendaliya.

Njelemiya 11:15

Shukulu Kalunga alinakwendeka ngwendi, “Vanu vanjazema valinakulinga vyuma vyavivi. Vuvwa mukajo valinavwo ngeci vakale mu Njuvo yange? Kuma vayongola ngwavo vasa kuvindika tuyando akulinga vikulaeso nakukombelela vin̄ombelo vya tusitu? Kuma vije vikavavwaelelesa ndi?

Njelemiya 23:15

“Ngecivene, evi vikevyo vinjendeka yange Kalunga Muka-nzili yoshe ali vaka-kwimanena va mu Yelusalema. Njikavalisa vimena vyakulula, nakuvanwisa mwaze omwo vanashandola vuvi mu lifuti mwoshe.”

Njelemiya 32:34

Vanaaka tumponya tuje tunjazinda mu Njuvo yange, mwela uje njatumbwile ngwange mukemwo vakanjilemesela, co vanaijwalesa.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Njelemiya 50:6

“Vanu vange vanafu ngwe vimanga, vaje tunyungi twavo vanavazimbalesa mu minkinda. Vanendangana ngwe vimanga vaje vatunda ku munkinda umo, nakuya ku munkinda ukwavo, co vanevala limba lyavo.

Njelemiya 6:13

Munu woshe, mwanike nameme mukulunu ali na cipululu ca vimbongo, nameme vaka-kwimanena na vaka-kukombelela voshe vanapu vaka-kukwisa vanu.

Njelemiya 7:30

“Vanu va mu Yunda vanalingi cuma cacivi. Vanaaka tumponya twavo tuje tunjazinda mu Njuvo yange, co vanaijwalesa.

Njelemiya 8:10

Ngecivene, njikana mahya avo kuli vanu veka, na vanakazi vavo kuli vanalume veka. Omwo mwanike nambe mukulunu voshe vali na cipululu ca vimbongo. Nameme vaka-kwimanena na vaka-kukombelela valinakukwisa vanu.

Mbimbi 2:20

Yove Shukulu Kalunga, kenga ali vaje ulinakuyandesa! Vanakazi valinakulya vana vavo vaje vavazema! Vaka-kukombelela na vaka-kwimanena valinakuvatsiila mu Njuvo yove!

Ezekiyele 23:39

A litangwa lije vene vatsiile vana vange nakuvakombelela ku tumponya, likelyo litangwa vezile ku Njuvo yange nakuyijwalesa!

Ezekiyele 44:10

Shukulu Kalunga wendekele kuli yange ngwendi, “Njikanyanyamesa vaLevi amolika na vanu voshe va Isalele vaje vanjisezele nakulemesa tumponya.

Ezekiyele 7:20

Valyalesele na vuvwa vwa mamanya avo a seo, oloni vavipangesele mukulinga tumponya twa vunyengwe. Omu mukemwo Shukulu Kalunga walingisile vufuko vwavo kupwa vunyengwe kuli vakevo.

Ezekiyele 8:11

Vantwama va vaIsalele makumi atanu na vavali vakele kuje, amo na Njazaniya muna Shafane. Munu na munu wakwatele cikango cakwenyekela insense, co vwisi vwa insense vwakele nakukakumuka.

Ezekiyele 8:16

Ngecivene, wanjitwalele mukati ka cipango ca ku Njuvo ya Shukulu Kalunga. Co kuje kuyehi na cikolo ca mwela wakujela, mukati ka mutula na cikolo, mwakele vanalume makumi avali na vatanu. Vakengesele nima ku mwela wakujela, co vatsikamene a mavuli oku vanakenge mu ngangela, vakele nakulemesa litangwa omo lituuka.

Zefaniya 3:3

Vamyata vayo valinakwaana ngwe vindumba, co maako vayo vanapu ngwe tungunga va njala na mutupu, vaje valya citsiya palanga noo ku mutondo.

Zefaniya 3:4

Vaka-kwimanena vapwa vaka-kulyalesa na vaka-muuka, co vaka-kukombelela vakajwalesa vije vinajele, co vatengulula lishiko lya Njambi ngeci vafuke mu ngila kesi ikeyo.