Njelemiya 23:10 - Livulu lya Shukulu Kalunga

¹⁰ Lifuti lyashulu na vanu vakujeneka kulongwa kuli Shukulu Kalunga vapangesa nzili yavo mukulinga vyuma vyavivi. Omwo ya cisingo ca Shukulu Kalunga lifuti lilinakulila, co mu vyana vyakulila vimuna munomu cau.

Njelemiya 23:10 Iomraidhean Croise

Ezela 10:18

Ou ukewo mukana wa mazina a vaje vanalume vambatele vanakazi kesi vaYunda. Mukana wa vikota vya vaka-kukombelela. Ku cikota ca Yoshwa na vandolome vendi, vana va Yehozandake vapwile, Maseya, Elyazale, Njalive, na Ngendaliya.

Myaso 107:34

Watengulwile livu lya vwilo kupwa mambo ya mwongwa, omwo vuvi vwa vaje vakele muje.

Isaya 24:6

Ngecivene, Njambi natumbwila kaye cisingo. Co vanu vao valinakutsa omwo vuvi vwavo. Vavandondo-ndondo lika vanasalao vaciyoya.

Isaya 5:18

Ngongo yeni! Yeni kumwasa kutunda ku vuvi vweni.

Njelemiya 12:11

Vanalipwisa ngundu, linasala lyangoco ku mesho ange ngwe ngundu. Lifuti lyoshe linapu mambo ku mesho ange, co naumo wai nombuko mbunge.

Njelemiya 14:2

“Yunda alinakulila omwo vikolo vyamwo vinazeye, vanu vamwo vanatumbama asi valinakulila, co Yelusalema ilinakulila manene.

Njelemiya 6:13

Munu woshe, mwanike nameme mukulunu ali na cipululu ca vimbongo, nameme vaka-kwimanena na vaka-kukombelela voshe vanapu vaka-kukwisa vanu.

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Njelemiya 9:10

Njelemiya wendekele ngwendi, “Njikalilila minkinda, co lalo njikalinyenga mitambela kwakulila vimuna, omwo vinomu cau, co naumo wai alinakwendamo. Naumo wai aziva vingombe omo vatamuna, co tuzila na tusitu vanatewa vanai.”

Njelemiya 9:12

Njelemiya wehwile Shukulu Kalunga ngwendi, “Omwo vikajo lifuti lili mupulungwa nakuma cau ngwe mu mambo, ngeci naumo wai alinakwitamo? Iyajo muka-mana asa kuzivisisa evi? Kuli iyajo unavinungulwila ngeci alekeko vakwavo?”

Njelemiya 9:2

Tawee, ngwe njakele na mutambela wakutumbama mu mambo kunjashondoloka kuli vanu vange. Omwo voshe vanapu vaka-vungungu.

Hoziya 7:4

Voshe vali na mashungu amavi vakujeneka kulongwa. Cizindo cavo cikakumuka ngwe vitale mu liko lya kwocela makende, vije kasa kushambeya muka-kwoca makende noo mukasha wa makende unafutunuka ngeci vawoce.

Njwele 1:10

Mahya anaviya, lifuti lilinyenga, omwo vimbuto vinanyongo, na mikolovozi ya vushuka vwa vinyu inomu yoshe cau, na miti ya olive yajujwama.

VaLevi 5:1

“Nga munu vamusana ku mbanja ngeci akaane vukaleo vwa vije namono nambe nazivi, co ajeneka kuvyambulula, ngongo yendi vavenya.

Zefaniya 3:4

Vaka-kwimanena vapwa vaka-kulyalesa na vaka-muuka, co vaka-kukombelela vakajwalesa vije vinajele, co vatengulula lishiko lya Njambi ngeci vafuke mu ngila kesi ikeyo.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

1 Timateo 1:10

na kuli vaka-vupangala, nambe kuli vanalume vaje vaka-kulinga vundei na vakwavo vanalume lalo na kuli mangwangwa, na kuli vaje vaka-kwendeka makuli nakwana vukaleo vwa makuli nambe kulinga cuma cimo ca ngila ikwavo yakunyongesa vilongesa vya vushunga.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.