Njelemiya 23:1 - Livulu lya Shukulu Kalunga

¹ Kusompa kwa Shukulu Kalunga kukapwa kwakukalu manene ali vaka-kushwana vaje vanyongesa nakushandola vanu vendi!

Njelemiya 23:1 Iomraidhean Croise

Njelemiya 10:21

Njelemiya wakumbulwile ngwendi, “Vantwama vetu vanapu vilema, kuvesi kwihula Shukulu Kalunga ngeci avakwase. Eci cikeco cuma cinanenesa ngeci vanu vetu vashandoke.

Njelemiya 12:10

Vaka-kushwana vavangi vanaviisa lifuti lyange ngwe lihya lya mikolovozi ya vushuka vwa vinyu, vanalyatangela mahya ange, vanatengulula lifuti lyange lyalivwa kulipwisa mambo.

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Njelemiya 2:26

Shukulu Kalunga alinakwendeka ngwendi, “Ngwe mwizi mwakashauka omo vanamukwata, ngecivene, yeni voshe vanu va Isalele, vimyene veni, na vakulunu veni, na vaka-kukombelela veni, na vaka-kwimanena veni vakamishawisa,

Njelemiya 2:8

Vaka-kukombelela kuvehwile ngwavo, ‘Shukulu Kalunga ali kulijo?’ Vaka-kukombelela vange kuvanjizivukile. Vaka-kushwana vanjitengulukilile nakunjilwisa, vaka-kwimanena vendekele vya vuka-kwimanena mu lizina lya Mbale, co valemesele tumponya twakujeneka seo.

Njelemiya 22:22

Vantwama veni vakavapekumuna na lihunzi, vasamba veni vaka-kumikwasa kulwa vakavatwala ku vunzinda, nganda yeni vanaiyeluwisa nakuyizivisa shwamwa, omwo vuvi vwoshe vuje vumunalingi.

Njelemiya 23:2

Evi vikevyo vyalinakwendeka Shukulu Kalunga, Njambi ya Isalele, ali vaka-kushwana vaje vapandele kunyunga vanu vendi ngwendi, “Yeni kumwanyungile vanu vange, munavashandola nakuvashekela kulyala. Mwa vushunga njikaminyanyamesa omwo vuvi vuje vumunalingi.

Njelemiya 50:6

“Vanu vange vanafu ngwe vimanga, vaje tunyungi twavo vanavazimbalesa mu minkinda. Vanendangana ngwe vimanga vaje vatunda ku munkinda umo, nakuya ku munkinda ukwavo, co vanevala limba lyavo.

Ezekiyele 13:3

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Ava vaka-kwimanena va vilema vanavindama! Valinakwendeka viyongola vyavo vavenya nakwambulula vimona vyavo vavenya.

Ezekiyele 34:1

Shukulu Kalunga wendekele kuli yange ngwendi,

Ezekiyele 34:21

Yeni vimanga vakununa mukafwembula vimanga vakuyondwa, co mumbola vaje vakuyondwa mambinga eni nakuvashandwela kulyala na vutanga.

Ezekiyele 34:31

“Yeni vimanga vange, munapu vimanga va ku vulilo vwange, munapu mu vanu vange, co yange njinapu Njambi yeni.” Mwanendeka Shukulu Kalunga wa Akamwa ya Vyoshe.

Ezekiyele 36:38

Co vije vinganda vyanyongele, ololo vikapwa vyakushula vya vanu ngwe Yelusalema muyapwile laja yashulile na vimanga, vaje vavakombelelele ngwe n̄ombelo ya a litangwa lya ciwano. Asinoni vakazivuka ngeci yange njapwa Kalunga.”

Zakaliya 10:3

Shukulu Kalunga alinakwendeka ngwendi, “Njinaluvala na vaka-kwija vaje valinakushwana vanu vange, co njikavanyanyamesa. Vanu va mu Yunda vanapu vange, co yange Kalunga Muka-nzili yoshe, njikavanyunga. Vakapwa ngwe tuvalu vange va nzili va nzita.

Mateo 15:14

Veceleni, kesi mulinyenge ali vakevo! Vakevo vanapu vantwama va tupuputwa vatwamenena tupuputwa vakwavo. Co nga kapuputwa atwamenena kapuputwa mukwavo, voshe vavali vakawila mu mbulu.”

Mateo 9:36

Omo wamwene vimbunga vya vanu, wavazivilile mema ku mbunge, omwo vakele nakuyandangela nakujuka, ngwe vimanga kuvesi na kanyungi.

Yowano 10:10

Mwizi akaija nakwiva lika nakutsiya nakunyongesa. Njinaija ngeci mukale na mwonyo, mwonyo waungi.

Yowano 10:12

Uje muka-kunyungila fweto, ikeye kesi kanyungi, co vimanga kesi vendi, amona kangunga alinakwija, co aseza vimanga nakutewa, co kangunga akwata vimanga nakuvashandola.

Yowano 10:8

Voshe veka vaje valivangele kulutwe lwange vapwa vezi na mapwepwe, oloni vimanga kuvavatolililile.