Njelemiya 22:22 - Livulu lya Shukulu Kalunga

²² Vantwama veni vakavapekumuna na lihunzi, vasamba veni vaka-kumikwasa kulwa vakavatwala ku vunzinda, nganda yeni vanaiyeluwisa nakuyizivisa shwamwa, omwo vuvi vwoshe vuje vumunalingi.

Njelemiya 22:22 Iomraidhean Croise

Isaya 64:6

Yetu voshe tunapu vaka-vuvi, nameme vilinga vyetu vyavivwa vinapu vyakujwala simbu yoshe. Omwo vuvi vwetu, yetu tunapu ngwe maputa akujujwama, co apekumuka na lihunzi.

Isaya 65:13

Ngecivene, njimileka ngwange vaje vanjilemesa nakunjononoka, vakakala na vyakulya vyavingi na vyakunwa vyavingi, oloni mukakala na njala na lihwila. Vakavwaelela, oloni yeni mukakala na shwamwa.

Njelemiya 10:21

Njelemiya wakumbulwile ngwendi, “Vantwama vetu vanapu vilema, kuvesi kwihula Shukulu Kalunga ngeci avakwase. Eci cikeco cuma cinanenesa ngeci vanu vetu vashandoke.

Njelemiya 12:10

Vaka-kushwana vavangi vanaviisa lifuti lyange ngwe lihya lya mikolovozi ya vushuka vwa vinyu, vanalyatangela mahya ange, vanatengulula lifuti lyange lyalivwa kulipwisa mambo.

Njelemiya 2:36

Omwo vikajo mulinakutengulwila vingila vyeni akukavangeya vinjambi va miyati yeka? Vaka-Ingito vakamizivisa shwamwa, ngwe muvamizivisile shwamwa vaka-Asilya.

Njelemiya 2:37

Mukatunda lalo mu Ingito na shwamwa. Yange Kalunga, njinavyana vaje vamwakulaela, nacimo cai mukawana kuli vakevo.”

Njelemiya 2:8

Vaka-kukombelela kuvehwile ngwavo, ‘Shukulu Kalunga ali kulijo?’ Vaka-kukombelela vange kuvanjizivukile. Vaka-kushwana vanjitengulukilile nakunjilwisa, vaka-kwimanena vendekele vya vuka-kwimanena mu lizina lya Mbale, co valemesele tumponya twakujeneka seo.

Njelemiya 20:11

Oloni yove Shukulu Kalunga, uli amo nange kupwa muka-nzili na muka-kujujwisa, voshe vaje vanjipakesa vakonwa. Vakaziva shwamwa ku myaka yoshe omwo kuvakahyana embwe.

Njelemiya 30:14

Vaje vamizemene voshe vanamivala, kuvesi nakumyumba lalo mbunge. Njinamilwisa ngwe citozi, cihiso ceni cinapu cacikalu, omwo vivi vyeni vinapu vyavingi na kupenga-penga kweni kunapu kwakama manene.

Njelemiya 4:30

Yelusalema, unanyongo! Omwo vikajo uzalela vyakuvenga? Omwo vikajo uzalela vya senga nakukwita mufwitilo ku mesho ove? Ulisina ngoco kulivwaesa! Vaka-cizemo cove vanakuvyana, vashaka kukutsiya.

Njelemiya 5:13

Vaka-kwimanena vakambulula vuka-kwimanena vwa makuli, na lijwi lya Shukulu Kalunga lyaimo muli vakevo.

Njelemiya 7:19

Kuma yange valinakuzivisa ku mbunge kuvavala ndi? Embwe, vali na kulizivisa shwamwa vakevo vavenya.

Hoziya 12:1

“Vyuma vyoshe vije vivakalingi vanu va mu Isalele kutunda ku mutondo nakweta ku vutsiki kuvyesi na seo, co vinapu vyakunyongesa. Makuli na vilinga vya muuka vinatumu akati kavo. Co valinakulikumiiya cikumiiyo na vaAsilya, nakulinga nganyo na vaka-Ingito.”

Hoziya 13:15

Nameme Isalele alinakukula mwamuvwa ngwe shaku, njikatuma lihunzi lya ntwima lyakutunda mu mambo mu ngangela, co likomisa masima avo cau na tuvwelu-vwelu twavo. Likapekumuna vyuma vyoshe vya seo.

Hoziya 4:19

Vakavapekumwina kulyala ngwe lihunzi mulikapekumuna vishoni, co vakaziva shwamwa a vin̄ombelo vyavo vyakukombelela ku tumponya.

Zakaliya 11:17

Kanyungi uje wakujeneka seo navindama! Naseze vutanga vwendi. Mwa vushunga nzita ikamanesa nzili yendi. Livoko lyendi likasekwa, co lisho lyendi lya ku cilyo likatsa.”

Zakaliya 11:8

Kunjasimpile na vamo tunyungi vakwavo vatatu, vaje vanjizindile, co voshe njavatundisile mu ngonde imolika.