Njelemiya 22:21 - Livulu lya Shukulu Kalunga

²¹ Shukulu Kalunga wendekele neni omo mwakele mwamuvwa, oloni mwavyanene kumutolilila. Eci cikeco cifwa ceni tunde ku vwanike, kumwononokele Shukulu Kalunga.

Njelemiya 22:21 Iomraidhean Croise

2 Mizimbu 33:10

Nameme Shukulu Kalunga wanangwile Manase na vanu vendi, oloni vakevo kuvamutolililile.

Myaso 129:1

Vananjiyandesa visimbu vyavingi tunde ku vukwenje vwange. Isalele endeke ngwendi,

Visimo 30:9

Nga njikakala na vyuma vyavingi, amo kunjikakuzeme, oloni nga njipwa kautu, amo njikaiva, nakukuzivisa shwamwa yove Njambi yange.

Isaya 48:8

Njazivukile ngeci kumwakele cikulaeso muli yeni, simbu yoshe vamizivukile ngeci mwapwa muvaka-kutengulukila. Mukemwo kumwazivile evi, kumwazivileko nambe lijwi limo.

Njelemiya 13:10

Vanu ava vanapu vavavi omwo vanavyana kwononoka majwi ange. Vakevo vanakaluwisa vimbunge vyavo manene kutuvakana akulivanga, vanalemesa nakupangela vinjambi veka. Ngecivene, vakafwa ngwe ou mwiva wakuliwa.

Njelemiya 19:15

Shukulu Kalunga Muka-nzili yoshe, Njambi ya Isalele, nendeka ngwendi, “Njikanena vihiso vyoshe a nganda eyi na vindandanga vya kulyata nayo, vihiso vije njendekele ngwange njikavilinga, omwo munakaluwisa vimbunge vyeni, co kumutolilila ku vije njendeka.”

Njelemiya 2:25

Isalele, kesi ujukise mendi ove, nambe mulivu wove kesi uminine na lihwila, kushatozoka noku-noku mukulemesa vinjambi veka. Oloni yove wendeka ngwove, ‘Embwe kunjasa kwiluka kunima. Njinashaka laja vinjambi veka, co njikavakavangeya.’ ”

Njelemiya 2:31

Vanu va Isalele, tolilileni vinjendeka. Kuma yange njamisezele mu mambo, nambe kumifwika na lisusulungu ndi? Omwo vikajo mwendeka ngweni mukalinga ngwe mucamivwasela, ngweni kumukelukila lalo kuli yange?

Njelemiya 25:3

“A myaka makumi avali na itatu, kutunda ku mwaka wamulikumi na itatu uje Yosiya muna Amoni wapwile mwene wa mu Yunda kweta ku litangwa lya lelo, Shukulu Kalunga nendeka kuli yange, co kunjajukile kumileka vije vyendekele. Oloni kumwombileko mbunge embwe.

Njelemiya 25:4

Kumwasele kutolilila nambe kumbako mbunge, nameme Shukulu Kalunga watwaleleo kutuma vangamba vendi vaka-kwimanena, kuli yeni.

Njelemiya 25:7

Oloni vavenya Shukulu Kalunga nendeka ngwendi mwavyanene kumutolilila. Oloni mwamuluvalesele na tumponya tweni, nakulikokela cihiso yeni vavenya.

Njelemiya 25:8

“Ngecivene, omwo kumwasele kumutolilila, Shukulu Kalunga Muka-nzili yoshe alinakwendeka ngwendi,

Njelemiya 3:24

Kulemesa Mbale njambi wakujeneka seo cinatujenekesa kukala na matanga a vimuna, na matanga a vimanga, na vana va vanalume na ava va vanakazi, na vyuma vyoshe vije vivapangelele vakukulwila vetu tunde ku san̄ulu.

Njelemiya 3:25

Tuli na vusiwa, co shwamwa yetu inatufwiki, omwo tunalingi vuvi kuli Shukulu Kalunga Njambi yetu, yetu na vakukulwila vetu kutwononokele mashiko endi.”

Njelemiya 32:30

Kutunda kukushangumuka kwa vin̄anda vyavo, vanu va mu Isalele na vanu va mu Yunda vanalingi vuvi, co vananjiluvalesa.

Njelemiya 35:15

Njinakala nakutuma vangamba vange voshe vaka-kwimanena, kuli yeni vamileke kwecela vingila vyeni vyavivi, ngeci mulinge vyavivwa. Vaminangwile ngeci kesi mulemese nameme kupangela vinjambi veka, ngeci muyoye mwamuvwa mu lifuti lije linjanene kuli yeni na kuli vakukulwila veni. Oloni yeni kumwanjitolililile, nameme kumbako mbunge.

Njelemiya 48:11

Shukulu Kalunga wendekele ngwendi, “Mowavi simbu yoshe vanakala mwamuvwa, kuvavatwalele ku vunzinda. Vanu vamwo vanafu ngwe vinyu vyakusheketeya mu njava vya kushinga mu njava neyi-neyi. Lwengo lwavyo kulwaviile embwe, vinapu vyakutovala vene ngwe akulivanga.

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Ezekiyele 20:13

Oloni nameme mu mambo vanjitengulukilile. Vapokwele mashiko ange, nakuwavyana, mashiko aje aana mwonyo kuli munu na munu uje awononoka. Mwa vushunga vene vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange muje mu mambo nakuvanyongesa.

Ezekiyele 20:21

“Oloni cisemwa cije lalo vanjitengulukilile. Vapokwele mashiko ange, co kuvanyungile kushika kwange, mashiko aje aana mwonyo kuli munu na munu uje awononoka. Vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange vwoshe muje mu mambo, nakuvatsiya voshe.

Ezekiyele 20:28

Njavanenele ku lifuti lije linjavakulaesele kuvana. Omo vakevo vamwene malundu amalaja na miti yakutonola, co vakombeleleleko vin̄ombelo. Co vanjiluvalesele a vin̄ombelo vije venyekele na a vinyu vije vivanenele kupwa milambu.

Ezekiyele 20:8

Oloni vanjitengulukilile, co kuvanjitolililile. Kuvombilile kuti tumponya twa vunyengwe, nambe kwecela vinjambi va vaka-Ingito. Njalivwaesela cimweja kuvatava ngeci vazive nzili ya vukalu vwange vwoshe muje mu Ingito.

Zefaniya 3:2

Kuyatolililile kuli Shukulu Kalunga nambe kutava kunangula kwendi. Kuyakulaelele kuli Shukulu Kalunga nambe kulomba vukwasi vwendi.

Zakaliya 7:7

Evi vikevyo vyendekele Shukulu Kalunga ali vaka-kwimanena vakulivanga a simbu ije omo Yelusalema yakele mwamuvwa nakushula na vanu, co lalo omo vanu vavangi kuvakele lika mu vinganda vije vyazengelekele Yelusalema, oloni vakele lalo mu lifuti lya ku mbwela, na mu lifuti lya ku vushelumukilo vwa malundu lya mu kangombe ka yambi.

Kwituluka mu Mashiko 31:27

Njazivuka kutengulukila kweni nakukaluwa kwa vimbunge vyeni. Mwatengulukilile Shukulu Kalunga a simbu yakuyoya kwange, co omo njikatsa mukahyana kumutengulukila.

Kwituluka mu Mashiko 9:24

Tunde aje anjamizivukila, munakala nakutengulukila Shukulu Kalunga.

Kwituluka mu Mashiko 9:7

“Anukeni, co kesi mwivale muje mumwashangumwine Shukulu Kalunga Njambi yeni mu mambo. Tunde a litangwa lije mwatundile mu Ingito noo ku litangwa lya lelo munete kuno, yeni munakala nakutengulukila Shukulu Kalunga.