Njelemiya 22:20 - Livulu lya Shukulu Kalunga

²⁰ Vanu va mu Yelusalema, yeni ku Lembanone nakutambeka, yeni ku lifuti lya Mbashane nakutambeka, tambekeni oku muli a minkinda ya Mowavi, omwo vasamba veni voshe vaka-kumikwasa kulwa nzita vanavafungulula.

Njelemiya 22:20 Iomraidhean Croise

2 Vimyene 24:7

Co mwene wa Ingito na mbunga yendi ya mashwalale kuvatundile lalo mu Ingito, omwo mwene wa Mbambilone washwanene mutambela woshe uje wakundamene ku Ingito, kushangumukila ku Ndonga ya Yufuleti kutwala ku nginga ya ku kunto ya Ingito.

Isaya 57:13

Omo mutambeka ngeci vamikwase, eceleni tumponya tweni tumyamene! Lihunzi likavapekumuna! Oloni vaje vakulaela muli yange vakayoya mu lifuti, co vakanjilemesa mu Njuvo yange.”

Njelemiya 2:25

Isalele, kesi ujukise mendi ove, nambe mulivu wove kesi uminine na lihwila, kushatozoka noku-noku mukulemesa vinjambi veka. Oloni yove wendeka ngwove, ‘Embwe kunjasa kwiluka kunima. Njinashaka laja vinjambi veka, co njikavakavangeya.’ ”

Njelemiya 2:36

Omwo vikajo mulinakutengulwila vingila vyeni akukavangeya vinjambi va miyati yeka? Vaka-Ingito vakamizivisa shwamwa, ngwe muvamizivisile shwamwa vaka-Asilya.

Njelemiya 2:37

Mukatunda lalo mu Ingito na shwamwa. Yange Kalunga, njinavyana vaje vamwakulaela, nacimo cai mukawana kuli vakevo.”

Njelemiya 22:22

Vantwama veni vakavapekumuna na lihunzi, vasamba veni vaka-kumikwasa kulwa vakavatwala ku vunzinda, nganda yeni vanaiyeluwisa nakuyizivisa shwamwa, omwo vuvi vwoshe vuje vumunalingi.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 3:1

Shukulu Kalunga alinakwendeka ngwendi, “Nga munalume akondola munakazi wendi, co uje munakazi ashomboka kweka, munalume wendi kasa kumwilwisa lalo kuli ikeye. Eci cikajwalesa lifuti lyoshe. Oloni Isalele unakala na mapangala vavangi manene, co ololo ushaka kwiluka lalo kuli yange!

Njelemiya 4:30

Yelusalema, unanyongo! Omwo vikajo uzalela vyakuvenga? Omwo vikajo uzalela vya senga nakukwita mufwitilo ku mesho ove? Ulisina ngoco kulivwaesa! Vaka-cizemo cove vanakuvyana, vashaka kukutsiya.

Mbimbi 1:19

“Njasanene vasamba vange, oloni vavyanene kunjikwasa. Vaka-kukombelela amo na vantwama vatsililile mu vitapalo vya mu nganda, mukushakezeka vyakulya ngeci vivayoyese.

Mbimbi 1:2

Vutsiki vwoshe alinakulila, co misozi yendi ilinakwolomokela ku vinana vyendi. Vasamba vendi voshe vaje vakele navo, naumo wai aliko ngeci amuzembeleke. Vasamba vendi voshe vanamwende vungungu, ololo voshe vanamutengulukila nakumulwisa.

Ezekiyele 23:22

“Ngecivene, Oholimba, evi vikevyo vinjendeka kuli yove yange Kalunga wa Akamwa ya Vyoshe. Unenukwa vikwizi vove, oloni yange njikavalingisa ngeci valuvale nove nakuvanena ngeci vakuzengeleke.

Ezekiyele 23:9

Ngecivene, njamukundikile kuli vikwizi vendi va vaAsilya vaje vazemene manene.

Ezekiyele 27:6

Vashongele vilapo vyove na viti vya oke vya ku Mbashane, vapangele vishelo vya vwato vwove na viti vya tulipi vya ku Sepulasi.

Kulava 27:12

Co Shukulu Kalunga wendekele kuli Mosesa ngwendi, “Lamata a Minkinda ya Avalime, co ukamona lifuti lije linjikana kuli vanu va Isalele.

Kwituluka mu Mashiko 32:49

“Lamata a Munkinda wa Nembo uje uli mukati ka Minkinda ya Avalime mu lifuti lya Mowavi, walishungama na Yeliko. Co ukenge lifuti lya Kanana lije linjana kuli vanu va Isalele nakulishwana.