Njelemiya 22:18 - Livulu lya Shukulu Kalunga

¹⁸ Ngecivene, Shukulu Kalunga alinakwendeka ali Yehoyakime muna Yosiya mwene wa mu Yunda ngwendi, “Naumo wai akamulila nambe kwendeka ngwendi, ‘Kekange yaya, kekange ndolome yange!’ Naumo wai akamulila ngwendi, ‘Kekange shukulu yange!’ ‘Kekange mwene yange!’

Njelemiya 22:18 Iomraidhean Croise

2 Samwele 1:26

“Njikulila yove ndolome yange Yonatana, njakuzemene manene! Cizemo cove kuli yange capwile cakukomokesa manene, capwile cakama manene kutuvakana cizemo ca vanakazi.

1 Vimyene 13:30

Wautsindile mu mbumbo ya naanga yendi, ikeye na vana vendi valilile, nakwendeka ngwavo, “Kekange ndolome yange, tawe ndolome yange!”

2 Vimyene 23:36

Yehoyakime wakele na myaka makumi avali na itanu omo wapwile mwene wa mu Yunda, co washwanene mu Yelusalema myaka likumi na umo. Vaina vapwile Zevinda, muna Pendaya wa ku nganda ya Luma.

2 Vimyene 23:6

Co watundisile lalo mu Njuvo ya Shukulu Kalunga cifwa ca Ashela njambi wa munakazi, wacituwisile mu nganda wacitwalele ku Cana ca Kindelone, co wacenyekelele kuje, watwile manungu, co apwile likungu, co walishandwelele akamwa ya vimbumbo vya vanu nkala.

2 Vimyene 24:6

Yehoyakime watsile, co munendi Yehoyakine wamushwanene kupwa mwene.

1 Mizimbu 3:15

Co Yosiya wakele na vana vawana mazina avo, Yohanane, na Yehoyakime, na Zendekiya, na Yowahaze.

2 Mizimbu 35:25

Co Njelemiya muka-kwimanena wasonekele mbimbi yakulila ali Mwene Yosiya. Eci capwile cilika mu Isalele kuli vaka-kwimba, vanalume na vanakazi, vembile ou mwaso wa mbimbi omo vamulilile. Co mwaso ou wa mbimbi vausoneka muLivulu lya Mbimbi.

2 Mizimbu 36:5

Yehoyakime wapwile Mwene wa mu Yunda omo wakele na myaka makumi avali na myaka itanu, co washwanene mu Yelusalema myaka likumi na umo. Walingile vuvi ku mesho a Shukulu Kalunga Njambi yendi.

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 16:6

Vaka-kufuka na tuutu vakatsila mu lifuti eli, oloni naumo wai akavatsinda nambe kuvalila. Naumo wai akalitavozola ikeye vavenya nambe kuteula vin̄ambu vyendi mukumwesa vusiwa.

Njelemiya 21:11

Shukulu Kalunga wanjilekele kuleka majwi awa ku naanga ya vumwene vwa Yunda, vatekulwila va Ndaviti ngwange Shukulu Kalunga nendeka ngwendi,

Njelemiya 22:10

Yeni vanu va mu Yunda, kesi mulile Mwene Yosiya nambe mulinyenge a kutsa kwendi. Oloni lileni manene munendi Yowahaze, valinakumutwala kulyala kakeluka lalo embwe, nambe kumona lifuti lyendi lya cisemwa.

Njelemiya 22:12

Akatsila ku lifuti kuje kuvanamutwala, co kakamono lalo lifuti lyendi lya cisemwa.”

Njelemiya 34:5

Oloni ukatsa mu kwoloka, ngwe omo vanu venyekele insense omo vatsindile vakukulwila vove, vaje vapwile vimyene vakulivanga, mu ngila ije vene nove vakakwenyekela insense. Co vakalila nakwendeka ngwavo, ‘Tawee, mwene yetu natsi!’ Yange Kalunga, njinendekamo.”

Njelemiya 36:30

Ngecivene, ololo, yange Kalunga, njendeka kuli yove, Mwene Yehoyakime, ngwange naumo mutekulwila wove akashwana mu vumwene vwa Ndaviti wai. Muvila wove vakaumbila anja kuje ukominina na litanya a simbu ya mutanya, nakushinuka ku lisika a simbu ya vutsiki.