Njelemiya 22:13 - Livulu lya Shukulu Kalunga

¹³ Luvinda ku munu uje a tunga njuvo yendi na vutumbe vwa vwizi, nakwamesa milili yayo ya akamwa na vutumbe vwa linyanyamena, uje apangesa vanu ngoco kujeneka kuvana fweto yavo.

Njelemiya 22:13 Iomraidhean Croise

2 Mizimbu 36:4

Mwene Neko waakele Elyakime ndolome ya Yowahaze a vumwene vwa mu Yunda, co watengulwile lizina lyendi kupwa Yehoyakime. Mwene Neko watwalele Yowahaze ku Ingito.

2 Mizimbu 36:5

Yehoyakime wapwile Mwene wa mu Yunda omo wakele na myaka makumi avali na myaka itanu, co washwanene mu Yelusalema myaka likumi na umo. Walingile vuvi ku mesho a Shukulu Kalunga Njambi yendi.

Yombi 31:39

co nga njalilemo vyakulya vije vyamenenemo, nakwecelela vandimi ngeci valanduke ku njala,

Isaya 5:8

Ngongo yeni! Mulinakulanda vinjuvo vyavingi na mahya ngeci muwezelele ku vije mulinavyo laja. Co kukukakala lalo mutambela wakutungila vanu, co mukakala mu lifuti eni lika.

Njelemiya 17:11

Uje awana vufuko mu ngila yaivi, nalifu ngwe kazila atetula mavunda kesi endi. A simbu ya mutanya ya matangwa akuyoya kwendi akavuzimbalesa, co ku mamaneselelo akapwa cilema.

Njelemiya 22:18

Ngecivene, Shukulu Kalunga alinakwendeka ali Yehoyakime muna Yosiya mwene wa mu Yunda ngwendi, “Naumo wai akamulila nambe kwendeka ngwendi, ‘Kekange yaya, kekange ndolome yange!’ Naumo wai akamulila ngwendi, ‘Kekange shukulu yange!’ ‘Kekange mwene yange!’

VaLevi 19:13

“Kesi mukayandese vakweni nambe kuvevila. Co kesi mukeshwale kufweta munu uje imunapangesa noo alikaki.

Mika 3:10

Mulinakutunga nganda ya Njambi, Yelusalema a luvula lwakulitsiya vushunga.

Hambakuke 2:12

Munavindama! Yeni mwajalele luvula lwa nganda na vilinga vya muuka, nakuyitunga na vilinga vyakutsiya vanu.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Kwituluka mu Mashiko 15:13

Omo mukamwecela kesi mukamwecele akaye mavoko-voko embwe.

Yakomba 5:4

Yeni kumwafwetele vaje vaka-kumipangela mu mahya eni. Ziveni kuteta kwavo! Miteto ya vaje valinakumitejela vimbuto vyeni inete ku matwi a Njambi, Shukulu Kalunga Muka-nzili yoshe!