Njelemiya 22:11 - Livulu lya Shukulu Kalunga

¹¹ Shukulu Kalunga alinakwendeka ali Yowahaze muna Yosiya, uje washwanene a litanda lya ishe kupwa mwene wa mu Yunda ngwendi, “Yowahaze natundu kuno nai kweka kakeluka lalo.

Njelemiya 22:11 Iomraidhean Croise

2 Vimyene 23:29

Omo Yosiya wapwile Mwene, co Mwene Neko wa ku Ingito watwamenenene mbunga ya mashwalale ku Ndonga ya Yufuleti nakukwasa mwene wa Asilya. Mwene Yosiya wesekele kuvindika ije mbunga ya mashwalale vaIngito ku Mengindo, co vamutsiilile mu nzita.

2 Vimyene 23:30

Co vamyata vendi vaakele muvila wendi mu litemba vawilwisile ku Yelusalema, kuje vakamutsindile mu vimbumbo vya vumwene. Co vanu va mu Yunda vaangwile munendi Yowahaze, co vamuvwavesele mazi nakumupwisa mwene.

2 Vimyene 23:31

Yowahaze wapwile mwene wa mu Yunda omo wakele na myaka makumi avali na itatu, co washwanene mu Yelusalema vingonde vitatu. Vaina vapwile Hamutale, muna Njelemiya wa ku nganda ya Limbena.

2 Vimyene 23:34

Mwene Neko waakele Elyakime muna Yosiya a vumwene vwa mu Yunda kwinga Yosiya, co watengulwile lizina lyendi kupwa Yehoyakime. Mwene Neko watwalele Yowahaze ku Ingito, co wakatsililile kuje vene.

1 Mizimbu 3:15

Co Yosiya wakele na vana vawana mazina avo, Yohanane, na Yehoyakime, na Zendekiya, na Yowahaze.

2 Mizimbu 28:12

Vantwama vawana va vanalume va ku Vumwene vwa ku Kunto, mazina avo, Azaliya muna Njehohanane, na Mbelekiya muna Meshilemote, na Njehizekiya muna Shalume, na Amasa muna Handalai navo lalo vapopolwele vilinga vya mashwalale.

2 Mizimbu 34:22

Co a lishiko lya mwene, Hilikiya na vakwavo vaile nakwihula kuli Hulunda, muka-kwimanena wa munakazi wakele ku mutambela wamucivali ku Yelusalema. (Lizina lya munalume wendi lyapwile Shalume, muna Tikeva mutekulu wa Halehase, ikeye wakele nakunyunga vuzalo vwa mu Njuvo ya Shukulu Kalunga.) Co vamulekele vije vyalingiwile,

Njelemiya 22:27

Mukashungwiya lalo kumona lifuti lino, oloni kumukelukilamo muno lalo.”

Zefaniya 1:1

Eli likelyo lijwi lije lyendekele Shukulu Kalunga kuli Zefaniya simbu ije Yosiya muna Amoni wapwile mwene wa mu Yunda. (Zefaniya wapwile wa ku cikota ca Mwene Hezekiya, na Amaliya, na Ngendaliya, na Kushi.)