Njelemiya 21:4 - Livulu lya Shukulu Kalunga

⁴ vakaleke Zendekiya vije vyendekele Shukulu Kalunga Njambi ya Isalele ngwange Shukulu Kalunga nendeka ngwendi, “Zendekiya njikafungulula mashwalale vove vaje valinakulwa na mwene wa ku Mbambilone na mashwalale vendi. Njikakungulwila amo vitwa vya mashwalale vove mukati ka nganda.

Njelemiya 21:4 Iomraidhean Croise

Isaya 10:4

Vakamitsiila mu nzita, nambe kumikokangeya ngwe vinzinda. Oloni nameme ngoco vukalu vwa Shukulu Kalunga kuvukahu, anga akolola livoko lyendi mukuhisa.

Isaya 13:4

Tolilileni muyoyo a minkinda, muyoyo wa mbunga yakama ya vanu, muyoyo wa miyati na vumwene vanakunguluka. Shukulu Kalunga Muka-nzili yoshe alinakukungulula mashwalale vendi va nzita.

Isaya 5:5

“Eci cikeco cinjikalinga ku citungu cange ca mikolovozi ya vushuka vwa vinyu. Njikatundisa cipatanga cakwo, co njikasiwula civumbe cije canyungako, ngeci tusitu vakalye vushuka nakuvulyatangela.

Njelemiya 20:4

Vavenya Shukulu Kalunga nendeka ngwendi, ‘Njikakupwisa muka-lyova, co lalo ukakala na lyova na vasamba vove, co voshe ukavamona vavatsiya vitozi vavo na mukwale. Njikana vanu voshe va mu Yunda mu livoko lya mwene wa ku Mbambilone, ikeye akavatwala mu vunzinda ku Mbambilone, co vamo akavatsiya.

Njelemiya 21:3

Asinoni Shukulu Kalunga wendekele kuli yange, co njalekele vaje vanalume vavatumine,

Njelemiya 32:24

“VaMbambilone vanalundika mikinya kuzengeleka Yelusalema ngeci vailwise, vanu vali mu vukalu vwa njala ya lyangengela na mishongo, co nganda vakayana ku mavoko a vaMbambilone vaje valinakuyilwisa. Co vyoshe viwendekele vinapu vya vushunga.

Njelemiya 32:3

Mwene Zendekiya wanjakele mu kamenga omwo njambulwile ngwange Shukulu Kalunga nendeka ngwendi, “Njikatavesa mwene wa Mbambilone ngeci afungulule nganda ya Yelusalema,

Njelemiya 32:5

Zendekiya vakamutwala ku Mbambilone, co akakala kuje vene noo anjikamwanukila. Nameme akalwisa vaka-Mbambilone, oloni kakasa kuhyana embwe. Yange Kalunga, njinendekamo.”

Njelemiya 33:5

Vamo vakalwa nzita na vaMbambilone, vakashulisa vinjuvo na vivimbi vya vaje vanjikatsiya mu vukalu vwange na mu litoto lyange. Njinakengesa nima nganda eyi omwo vanu vamwo valinakulinga vyuma vyavivi.

Njelemiya 35:17

Ngecivene, ololo, yange Kalunga, Muka-nzili yoshe, Njambi ya Isalele, njikanena ali yeni vanu va mu Yunda na vanu va mu Yelusalema, n̄avava yoshe ije injamitumbwilile. Njikalinga evi omwo kumwatolililile ku vije njendekele kuli yeni, co kumwanjikumbulwile omo njamisanene.”

Njelemiya 39:3

Omo vafungulwile Yelusalema, vamyata vakama voshe va mwene wa Mbambilone, Nelengale Salezele, na Samengale Nembo, na Salesekime, na mukwavo Nelengale Salezele vezile nakutambula myela yavo ku Cikolo ca Mukati.

Njelemiya 52:18

Co vatwalele lalo vifwosholo, na malonga akukwatela lito, aje vapangesele mukukomba ku mutula, co vambatele vivala vyakuzimisa vindeya, na malonga aje vapangesele mukukwatelao maninga a vin̄ombelo, na malonga aje vapangesele mukwenyeka insense, na vivala vyoshe vya vunengu vije vapangesele mu Njuvo ya Shukulu Kalunga.

Mbimbi 2:3

Mu vukalu vwendi wavindikile nzili ya Isalele, wavyanene kutukwasa omo vitozi vatulwisile. Waluvalele netu ngwe tuhya tuje tunyongesa vyuma vyoshe.

Mbimbi 2:5

Shukulu Kalunga nanyongesa Isalele ngwe citozi, naseza vimpaka vyendi na mapela endi mu ngundu. Nanena vusiwa vwa myaka yoshe, ali vanu va mu Yunda.

Mbimbi 2:7

Shukulu Kalunga wasezele mutula wendi, nakuseza lalo Njuvo yendi yakujela, ikeye watavele vitozi kusiwula vivumbe vyayo. Vitozi valingile muyoyo mu Njuvo ya Shukulu Kalunga, ngwe a litangwa lya ciwano.

Ezekiyele 39:3

Asinoni njikapokola vuta vwendi vwa lusipa vuli mu livoko lyendi lya cimoshwe nakuwisa mikili yendi ili mu livoko lyendi lya cilyo.

Hoziya 9:12

Oloni nameme valela vana, anga njikavatambulavo naumo wai njikasezao wakuyoya. Omo njikajenjuka vanu ava, co vyuma vyavikalu vikalingiwa kuli vakevo.”

Zakaliya 14:2

Shukulu Kalunga akakungulula miyati yoshe ya vanu nakulwisa Yelusalema. Nganda vakayambata, co vakapukula vyuma vya mu vinjuvo, vanakazi vakavazivisa shwamwa. Co litambelo lya vanu vakaya ku vunzinda, oloni vaje vakasalao kuvakavatundisa mu nganda.

Mateo 22:7

Mwene waluvalele manene, co watumine mashwalale vendi vaile nakutsiya vaje vatsiile vaje vindungo, co venyekele nganda yavo.