Njelemiya 21:13 - Livulu lya Shukulu Kalunga

¹³ Yove Yelusalema watumbama a litanda lya akamwa ya cimbongo, ngwe limanya lyalilaja lya mu cana. Oloni yange njikakulwisa. Ulinakwendeka ngwove naumo wai asa kukulwisa nambe kutuva cimpaka cove.

Njelemiya 21:13 Iomraidhean Croise

Myaso 125:2

Ngwe minkinda muyazengeleka Yelusalema, mukemwo lalo Shukulu Kalunga mwakazengeleka vanu vendi, kutunda ku lelo na ku myaka yoshe.

Kutuuka 13:20

Co vaIsalele vatundile ku Sukote, vakatungile cilombo cavo ku Etame kumukulo wa mambo.

Kutuuka 13:8

Omo ciwano cishangumuka, lekeni vana veni va vanalume ngweni mukalinga eci omwo a vyuma vije vyalingile Shukulu Kalunga kuli yeni akumitundisa mu Ingito.

Isaya 22:1

Awa akewo majwi aa Cimbongo ca Vimona. Vikajo vilinakulingiwa? Omwo vikajo vanu voshe va mu nganda valinakulisambela akamwa ya vinjuvo?

Njelemiya 17:3

na a minkinda mushandangala yangoco. Vitozi veni vakambata vivala vyeni na vufuko vweni omwo a vuvi vweni vwoshe vuje munalingi mu lifuti lyeni mwoshe.

Njelemiya 21:5

Njikalwa nove na nzili yoshe, na vukalu vwange na kuluvala kwange.

Njelemiya 49:16

Kulyalesa kweni kunamikwisa. Naumo wai akamizivila manene lyova ngwe mumunayongola. Yeni mwakala akamwa ya mamanya ashongo-shongo ya minkinda, oloni nameme mwakala akamwa ngwe ngonga, Shukulu Kalunga akamiwisila asi. Mukemwo mwanendeka Shukulu Kalunga.”

Njelemiya 50:31

“Mbambilone, u muka-kulyalesa, ngecivene, yange, Kalunga wa Akamwa ya Vyoshe, Muka-nzili yoshe, njilinakukulwisa! Simbu yange inete yakukunyanyamesa.

Njelemiya 51:25

Mbambilone, unapu ngwe munkinda uje unyongesa kaye koshe, oloni yange Kalunga njinapu citozi cove. Njikakukwata, nakukwandumwina asi upwe amolika na livu, nakukuseza mu lito.

Njelemiya 7:4

Kesi mukulaele ku majwi aje vendeka ngwavo, ‘Eyi ikeye Njuvo ya Shukulu Kalunga! Njuvo ya Shukulu Kalunga! Njuvo ya Shukulu Kalunga!’

Mbimbi 4:12

Naumo wai kwoshe-ikwoshe nambe ku vaka-kushwana va miyati yeka wakulaelele ngeci vitozi vasa kutuva nakukovela mu vikolo vya Yelusalema.

Ezekiyele 13:8

Ngecivene, Shukulu Kalunga wa Akamwa ya Vyoshe alinakwendeka kuli vakevo ngwendi, “Majwi eni anapu a makuli, co lalo na vimona vyeni vinapu vya makuli. Yange njilinakumilwisa.

Ezekiyele 21:3

ngwove yange Kalunga njinendeka ngwange, ‘Nji citozi ceni, njikashomona mukwale wange mu cindalo cawo, co njikamitsiya yeni voshe vaka-vushunga na vaka-vuvi.

Ezekiyele 34:10

Yange Kalunga wa Akamwa ya Vyoshe, njendeka ngwange yange njinapu nji citozi ceni. Njikamitambula vimanga vange, kumukapu lalo tunyungi twavo, kunjikatava ngeci mulilise yeni vavenya lika embwe. Njikaamena vimanga vange nakuvatundisa kuli yeni, co kunjikatava lalo ngeci mukavalye embwe.’ ”

Ezekiyele 5:8

Ngecivene, yange Kalunga wa Akamwa ya Vyoshe, njikuleka ngwange yange njinapu nji citozi cove. Njikakuhisa oku miyati yoshe inakumono.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Nahumi 2:13

Shukulu Kalunga Muka-nzili yoshe alinakwendeka ngwendi, “Yange nji citozi ceni! Njikenyeka matemba eni. Mashwalale veni vakavatsiila mu nzita, co njikambata vyuma vyoshe vije vimwambatele kuli vakweni. Co majwi a miluwa veni kuvakawazivi lalo.