Njelemiya 21:10 - Livulu lya Shukulu Kalunga

¹⁰ Njinayongola ngeci kunjikecela nganda eyi, oloni kuyinyongesa vene. Njikayana kuli mwene wa ku Mbambilone, co ikeye akayenyeka njwa. Yange Kalunga, njinendekamo.”

Njelemiya 21:10 Iomraidhean Croise

2 Mizimbu 36:19

Wenyekele Njuvo ya Shukulu Kalunga, amolika na nganda, na mapela amwo oshe, na vufuko vyamwo, co wasiwile civumbe ca nganda.

Myaso 34:16

oloni ikeye akayeluwisa vaje vaka-kulinga vuvi, co vavevala vwasi omo vatsa.

Njelemiya 17:27

Oloni nga kuvanjononoka nakunyunga Litangwa Lyakuhwima kupwa litangwa lyakujela, kwitisa citele cimo mu vikolo vya Yelusalema a Litangwa Lyakuhwima, nga valingamo, co njikashwameka tuhya ku vikolo vya Yelusalema. Tuhya tukenyeka mapela a mu Yelusalema, co naumo wai akatuzima.”

Njelemiya 26:6

Co nga yeni kumunjononoka, njikalinga ku Njuvo yeyi ngwe vije njalingile ku Shilo, co miyati ya vanu voshe va mu kaye vakapangesa lizina lya nganda eyi kupwa cisingo.”

Njelemiya 33:5

Vamo vakalwa nzita na vaMbambilone, vakashulisa vinjuvo na vivimbi vya vaje vanjikatsiya mu vukalu vwange na mu litoto lyange. Njinakengesa nima nganda eyi omwo vanu vamwo valinakulinga vyuma vyavivi.

Njelemiya 34:2

Shukulu Kalunga, Njambi ya Isalele, wanjilekele kuya nakwendeka kuli Mwene Zendekiya wa mu Yunda ngwange Shukulu Kalunga nendeka ngwendi, “Yange Kalunga, njikana nganda eyi ku mavoko a mwene wa Mbambilone, co ikeye akayenyeka yoshe njwa.

Njelemiya 34:22

Njikavana mashiko, co vakeluka ku nganda ino. Vakailwisa nakuyifungulula, co vakayenyeka njwa. Njikapwisa vinganda vya mu Yunda vingundu. Yange Kalunga, njinendekamo.”

Njelemiya 38:17

Asinoni njalekele Zendekiya ngwange Shukulu Kalunga Muka-nzili yoshe, Njambi ya Isalele nendeka ngwendi, “Zendekiya nga uliita kuli vamyata va mwene wa Mbambilone, kuvakakutsii, na nganda eyi kuvakayenyeka, yove na naanga yove mukayoya.

Njelemiya 38:18

Oloni nga kuuliiti, co nganda eyi vakayana ku mavoko a vaMbambilone, ngeci vakayenyeke, co yove vakakukwata kupwa cinzinda.”

Njelemiya 38:23

Asinoni njamulekele ngwange, “Vanakazi vove voshe na vana vove vakavatwala kuli vaMbambilone, nove lalo kuukaputumuka ku mavoko avo. Vakakutwala mu vunzinda kuli mwene wa Mbambilone, co nganda eyi vakayenyeka njwa.”

Njelemiya 38:3

Co lalo njavalekele ngwange Shukulu Kalunga nendeka ngwendi, “Njikana nganda eyi ku mashwalale va Mbambilone, co vakevo vakaifungulula.”

Njelemiya 39:16

ngeci njileke Evendemeleke kaSundane ngwange Shukulu Kalunga Muka-nzili yoshe, Njambi ya Isalele, nendeka ngwendi, “Ngwe munjendekele ngwange njikanena cihiso a nganda eyi, kunjikanene vuvwa embwe. Omo vyuma evi vikalingiwa, co ukavimona.

Njelemiya 39:8

A simbu ije vene, vaka-Mbambilone venyekele lipela lya mwene, na vinjuvo vya vanu, nakusiwula vivumbe vya Yelusalema.

Njelemiya 44:11

“Ngecivene, yange Kalunga Muka-nzili yoshe, Njambi ya Isalele, njikamitengulukila nakunyongesa Yunda yoshe.

Njelemiya 44:27

Kunjikamivezikisa embwe, oloni njikaminyongesa. Muvavoshe mukatsa ku nzita, nambe ku mushongo, naumo wai wa ali yeni akasalao.

Njelemiya 52:13

Co wenyekele Njuvo ya Shukulu Kalunga, na lipela, na vinjuvo vyoshe vya vanu va vulemu va mu Yelusalema,

Ezekiyele 15:7

co njikavahisa. Vanaputumuka ku tuhya tumo, oloni tuhya tukwavo tukavenyeka njwa. Omo njikavahisa, co mukazivuka ngeci yange njapwa Kalunga.

Ezekiyele 24:11

Asinoni tumbikeni ndeo ya vunengu yamupulungwa a manungu a tuhya, ngeci yenye. Asinoni ndeo ikajela omo n̄alawe inenye,

VaLevi 17:10

“Nga kaIsalele, nambe muka-kwija uje alinakukala akati ka vanu, alya situ ili na maninga, nambe alya maninga, co Shukulu Kalunga akamutengulukila, co kakamulava lalo kupwa munu wendi embwe.

VaLevi 26:17

Co njikamikengesa nima, co vitozi veni vakamifungulula nakumishwana. Co mukakala na cova-ova, mukatewa ngwe kuli umo ali na kumisheka, kumani naumo wai amisheka.

Amose 2:5

Ngecivene, njikatuma tuhya a Yunda nakwenyeka vimpaka vya Yelusalema.”

Amose 9:4

Nambe nga vitozi vavo vakavatwala ku vunzinda, co njikavashika ngeci vakavatsiye. Njinayongola kuvanyongesa, kesi kuvakwasa embwe.”

Zakaliya 1:6

Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”