Njelemiya 20:8 - Livulu lya Shukulu Kalunga

⁸ Omo njendeka, co njitambeka ngwange, “Vukalu nakunyonga!” Shukulu Kalunga simbu yoshe valinakunjishendumuna nakunjijola, omo njambulula lijwi lyove.

Njelemiya 20:8 Iomraidhean Croise

2 Vimyene 2:23

Co Elisha watundile ku Yeliko waile ku Mbetele, co a ngila vanike va vanalume vamo vatundile mu nganda vamushendumwine. Vatambekele ngwavo, “Tunda kuno, ove munalume wa lyandya!”

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Isaya 57:4

Veyajo mulinakushendumuna? Yeni vaka-makuli iyajo mulinakufweya?

Njelemiya 15:10

Nga kunjasemukile! Simbu yoshe njili mu vitanga na vanu voshe va muno mu Yunda. Kunjesi kukumuna vimbongo nambe vanjikumwise vimbongo embwe, oloni munu woshe alinakunjisinga.

Njelemiya 15:15

Asinoni njendekele ngwange, “Yove Shukulu Kalunga wazivuka. Njanuke nakunjikwasa. Njilingile shambandinga vaje valinakunjipakesa. Kesi utetele vitozi vange simbu kanda vanjitsiye, vyoshe evi vilinakwija ali yange omwo ali yove.

Njelemiya 17:27

Oloni nga kuvanjononoka nakunyunga Litangwa Lyakuhwima kupwa litangwa lyakujela, kwitisa citele cimo mu vikolo vya Yelusalema a Litangwa Lyakuhwima, nga valingamo, co njikashwameka tuhya ku vikolo vya Yelusalema. Tuhya tukenyeka mapela a mu Yelusalema, co naumo wai akatuzima.”

Njelemiya 20:7

Shukulu Kalunga unanjikwisa, co nange vanjikwisile. Uli na nzili kunjituvakana yange, co unanjifungulula. Vanu voshe valinakunjishendumuna nakunjijola simbu yoshe.

Njelemiya 28:8

Vaka-kwimanena vaje vendekele ku san̄ulu, omwo kanda simbu yange neyi yeni yete, vambulwile ngwavo nzita, na njala ya lyangengela, na mushongo vikaija ku miyati yaingi na ku vumwene vwakama.

Njelemiya 5:1

Vanu va mu Yelusalema, itanganeni mu vitapalo vyeni! Kengezekeni noku-noku! Shakezekeni mu mitambela yakulandesela! Kengeni nga muwanamo munu umo muka-kulinga vya vushunga na kulongwa kuli Njambi. Nga mumuwana, co Shukulu Kalunga akasambesa Yelusalema.

Njelemiya 5:6

Vanu vanatengulukila Njambi visimbu vyavingi, omwo vuvi vwavo vwavungi manene. Ngecivene, vitozi vakavalwisa ngwe vindumba nambe ngwe tungunga va mu mambo, vaje vitozi vakavandamena mu vinganda vya Yunda ngwe viingwe nakusanyozola sanyu-sanyu munu woshe akatuuka anja.

Njelemiya 6:10

Njakumbulwile ngwange, “Iyajo akanjitolilila nga njendeka kuli vakevo nakuvanangula? Vakevo vapwa vakukaluwa vimbunge nakuvyana kutolilila ku lijwi lyove, vakajolo vije viwukendeka kuli yange.

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Hambakuke 1:3

Omwo vikajo njimwena tuyando twangacije? Omwo vikajo utavesela vanu ngeci valinge vuvi vwangacije? Kulijokota na lwozi vyoshe vinanjizengeleka. Co kwoshe-ikwoshe kuli kulilwisa nakulizunga.

Luka 11:45

Co umo wa valongisi va majwi a Lishiko wendekele kuli ikeye ngwendi, “Mulongisi, omo ulinakwendeka evi ulinakutushaula lalo yetu!”

VaHevelu 11:26

Wacimwene ngeci tuyando na kayengu ka ali uje Wakuvwavesa vili kulutwe manene kutuvakana vufuko vwa mu Ingito, omwo wakengele mesho endi a cikandelela cije ca kulutwe.

VaHevelu 13:13

Ngecivene, ijeni tuye kuli ikeye anja ya cilombo ngeci tukazivile shwamwa yendi amo.

1 Petulu 4:14

Vwaeleleni omo vamishaula omwo munapu vaka-kukava Kilistu, eci cinalumbunuka ngeci Munzinzime wa vumpau, na Munzinzime wa Njambi, alinakuyoya amo neni.