Njelemiya 20:7 - Livulu lya Shukulu Kalunga

⁷ Shukulu Kalunga unanjikwisa, co nange vanjikwisile. Uli na nzili kunjituvakana yange, co unanjifungulula. Vanu voshe valinakunjishendumuna nakunjijola simbu yoshe.

Njelemiya 20:7 Iomraidhean Croise

2 Vimyene 2:23

Co Elisha watundile ku Yeliko waile ku Mbetele, co a ngila vanike va vanalume vamo vatundile mu nganda vamushendumwine. Vatambekele ngwavo, “Tunda kuno, ove munalume wa lyandya!”

Yombi 12:4

Nameme vasamba vange valinakunjijola ololo, valinakujola, nameme nji muka-vushunga na muka-kujeneka mulonga, oloni kwakele simbu imo omo Njambi wakumbulwile malombelo ange.

Yombi 30:9

“Ololo valinakwija nakunjijola, yange njinapu njiwangoco kuli vakevo.

Myaso 119:51

Simbu yoshe vaka-kulyalesa vanjishendumuna, oloni kunjasezele mashiko ove.

Isaya 8:11

Shukulu Kalunga wanjikwatele na livoko lyendi lya nzili wanjinangwile ngeci kesi njende mu ngila ije ivalinakwenda vanu. Wendekele ngwendi,

Njelemiya 15:10

Nga kunjasemukile! Simbu yoshe njili mu vitanga na vanu voshe va muno mu Yunda. Kunjesi kukumuna vimbongo nambe vanjikumwise vimbongo embwe, oloni munu woshe alinakunjisinga.

Njelemiya 15:18

Omwo vikajo njilinakuyanda simbu yoshe? Omwo vikajo vimbandu vyange kuvyesi nakwola? Omwo vikajo kuvyesi nakukanguka? Kuma ushaka kunjiyeluwisa ngwe ndonga yuma a simbu ya nyangao ndi?”

Njelemiya 17:16

Oloni Shukulu Kalunga, yange ni kunjalikelele kupwa kanyungi kove, co kunjayongwele litangwa lya tuyando. Shukulu Kalunga, wazivuka vije njendekele.

Njelemiya 20:9

Oloni nga njendeka ngwange, “Kunjikatumbula Shukulu Kalunga nambe kwendeka mu lizina lyendi.” Co mu mbunge mulinga ngwe munashwama tuhya tuje tuli mu vitsiya vyange, co njeseka kulikela, njikeseka kusimpa manene mu mbunge oloni kunjasa.

Njelemiya 29:26

“Shukulu Kalunga wakupwisile muka-kukombelela kukwingisa mu mwela wa Yehoyanda, co ololo unapu u mwata wakama mu Njuvo ya Shukulu Kalunga. Cinapu cipangi cove kumona ngeci munu woshe wakuzaluka, uje alikwisa kupwa muka-kwimanena, unapande kumukuta malyenge nakumuzengeleka cikuvo ku mukoshi wendi.

Njelemiya 38:19

Oloni mwene wakumbulwile ngwendi, “Yange njili na lyova lya vaYunda vaje vatewelele kuli vaMbambilone, amo vakanjana ku mavoko ava vaYunda, co vakanjiyandesa manene.”

Mbimbi 3:14

Vanu valinakunjijola litangwa lyoshe, co yange njinapu cuma cakujolesa kuli vakevo voshe.

Ezekiyele 3:14

Asinoni Munzinzime wa Shukulu Kalunga wanjijundwile nakunjambata, co njaluvalele nakuviilila.

Hoziya 9:7

Simbu yakunyanyamesa inete, simbu ije omo vanu vakatambula vije vinavapande. Omo cuma eci cikalingiwa, Isalele vakacizivuka! Mulinakwendeka ngweni, “Ou muka-kwimanena napu cikolokomba. Munalume ou wa Njambi nazaluka.” Yeni vanu mwanjizinda manene omwo vuvi vweni vunapu vwavungi manene.

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.

Mika 3:8

Oloni ngeci mwange, Shukulu Kalunga nanjishulisa na munzinzime wendi na nzili yendi, nakunjana mana a vushunga nakusimpa mukuleka vanu va mu Isalele vuvi vwavo muvwafwa.

Luka 16:14

Omo vaFaliseo vazivile vyoshe evi, co vakevo vashendumwine Yesu, omwo vazemene vimbongo.

Luka 23:11

Helonde na mashwalale vendi vamushendumwine nakumulinga mwamuvi, co vamuzikile nanga yailaja yaivwa, co vamwilwisilile lalo kuli Pilato.

Vilinga vya Miluwa 17:18

Vamo valongisi va munga ivatumbwile ngwavo Epikulyu na munga ya Sitoike valikananganene nendi. Vamo vavo vehwile ngwavo, “Vika ashaka kwendeka ou cilema wa kulyalesa?” Veka vendekele ngwavo, “Cisholoka ngwe alinakwendeka vya vinjambi veka.” Vendekele evi omwo Paulu wakele nakwambulula vya Yesu na cisangukilo.

Vilinga vya Miluwa 17:32

Omo vazivile Paulu endeka akusanguka ku vatsi, vamo vamushendumwine, oloni veka vendekele ngwavo, “Tushaka ngeci wendeke vyuma evi lalo.”

1 Kolinte 9:6

Nambe Mbanambase nange yetu lika vaje vanapande kupanga vipangi vyakuliyoyesa yetu vavenya ndi?

VaHevelu 11:36

Vamo vavashendumwine nakuvapupa, co veka lalo vavakutile mu malyenge nakuvaka mu kamenga.